Skóla- og fræðslumál eru einn þýðingarmesti málaflokkur sem sveitarfélög annast og í sífelldri þróun. Sveitarfélög hafa lagt metnað sinn í rekstur leikskóla, grunnskóla, tónlistarskóla og margvíslega aðra fræðslustarfsemi og verja um það bil helmingi útgjalda sinna til þeirra mála.
Samband íslenskra sveitarfélaga er bakhjarl sveitarfélaga vegna starfrækslu skóla bæði í faglegu og rekstrarlegu tilliti eins og fram kemur í skólamálastefnu sambandsins frá 2008. Skólamál eiga erindi við öll svið sambandsins en eru að stærstum hluta vistuð á lögfræði- og velferðarsviði þess. Áherslur sambandsins miða fyrst og fremst að því að aðstoða sveitarfélög við að efla starf skólanna þannig að þeir veiti nemendum góða þjónustu með fjölbreyttu skólastarfi. Leggur sambandið áherslu á sjálfstæði sveitarfélaganna í þessum efnum sem og samvinnu þeirra í millum þegar slíkt á við. Unnið er að endurskoðun skólamálastefnu sambandsins.
- Samrekstur og sameining skóla
- Skilgreining á grunnþjónustu á sviði fræðslumála
- Tillögur sambandsins um tímabundna hagræðingu í starfi grunnskólans 2010-2012
