Viðfangsefni þingsins er þríþætt. Vinnustofa um framtíðarsýn Vestfjarða sem lið í gerð vinnslutillögu Svæðisskipulags Vestfjarða, kynning á nýrri Sóknaráætlun Vestfjarða 2025-2029 og síðan hefðbundin þingsstörf samkvæmt 11. gr samþykkta og afgreiðsla ályktana.

69. Fjórðungsþing Vestfirðinga verður haldið þann 18. og 19. október nk. að Laugarhóli í Bjarnarfirði.

Fjórðungsþing að hausti

Haldið á Akureyri 24. og 25. október 2024. Dagskrá og skráningarhlekk má finna á vef hafnasambandsins. 

Hafnasambandsþing 2024

Markmið með námskeiðinu er að styðja kjörna fulltrúa í verkefnum tengdum fjárhagsáætlunargerð sveitarfélagsins. Mikilvægt er að hafa sterka umgjörð utan um fjármál og rekstur sveitarfélaga til að stuðla að sjálfbærum rekstri. 

Setja þarf fjárhagsleg markmið um hvernig haga eigi rekstri, fjárfestingum og uppbyggingu innan sveitarfélagsins í samræmi við stefnu og framtíðarsýn sveitarstjórnar. Hlutverk kjörna fulltrúa er tryggja að fjármálastjórn sveitarfélagsins sé öflug, áætlunargerðin sé vönduð og eftirfylgni sé með áætlunum.

Sveitarfélagaskólinn býður upp á námskeið um fjármál sveitarfélaga. Námskeiðið fer fram á Teams fimmtudaginn 24. október og stendur frá kl. 12:00-13:00. 

Lokað verður fyrir skráningu kl. 10:00 að morgni fundardags og verður þá Teams hlekkur sendur til skráðra þátttakenda. 

Námskeið um fjármál sveitarfélaga

Sem kjörnir fulltrúar þurfið þið að hafa gott vald á stjórnsýslurétti til að tryggja lögmæta og faglega ákvarðanatöku. Á þessu námskeiði verður farið yfir lykilatriði stjórnsýsluréttarins með áherslu á ábyrgð og skyldur kjörinna fulltrúa í stjórnsýslunni. Við ræðum málsmeðferðarreglur, hæfisreglur og hvernig unnið er að réttlátri og gegnsærri ákvarðanatöku innan sveitarfélaga. Þetta er kjörið námskeið fyrir alla kjörna fulltrúa sem vilja efla þekkingu sína og styrkja stöðu sína í stjórnsýslunni.

Nauðsynlegt verður að skrá sig á námskeiðið sem mun fara fram á Zoom.

Námskeið um Stjórnsýslurétt

Sáttmálanum, sem samþykktur var árið 1985, er til að mynda ætlað að tryggja réttindi sveitarstjórna til sjálfstjórnar og  réttinn til að búa yfir stjórnsýslusinnviðum og fjárhagslegu bolmagni. Heiða Björg Hilmisdóttir, formaður  Sambandsins, Hildur Björnsdóttir, formaður íslensku sendinefndarinnar, og Walter Fannar Kristjánsson, sem bæði sitja í stjórn Sambandsins, voru á þinginu og fylgdu eftir sjónarmiðum sveitarfélaga til úttektarinnar. Í kjölfarið mun Sambandið fylgja ábendingum úttektarinnar enn frekar eftir við ráðherra sveitarstjórnarmála og treystir á að tekið verði jákvætt í að ráðast í þau verkefni sem lögð eru til í úttektinni.

Fjárhagslegu sjálfstæði sveitarfélaga er fagnað í úttektinni, talið er jákvætt að ríkið hyggist endurskoða samráðsaðferðir varðandi kostnaðarmat sem og Jöfnunarkerfið og að ríkisframlög hafi aukist. Þá er sérstaklega tiltekið að íslensk sveitarfélög séu leiðandi á heimsvísu hvað varðar þátttöku kvenna í sveitarstjórnum.  

Í úttektinni er vakin sérstök athygli á óskýrri verkaskiptingu milli ríkis og sveitarfélaga, skorti á lögfestingu sáttmálans, ófullnægjandi fjármögnun verkefna sveitarfélaga sem og ófullnægjandi samráði um kostnaðarmat verkefna. Þá kemur fram að mikill fjöldi samninga milli sveitarfélaga um einstök verkefni skapi hættu á ógagnsæi og óskýrri ábyrgðarskiptingu, og að jöfnunarkerfið sé ekki nógu skilvirkt. Jafnframt skorti á að Reykjavík hafi fengið sérstaka lagalega stöðu sem höfuðborg landsins.   

Því lagt til að íslensk stjórnvöld grípi til  eftirfarandi aðgerða:

1.	 Skýri ábyrgðarskiptingu ríkis og sveitarfélaga

2.	Lögleiði sáttmála Evrópuráðsins um sjálfstjórn sveitarfélaga

3.	Tryggi að sveitarfélög hafi fullnægjandi fjármuni til að sinna lögbundnum verkefnum sem og til að sinna valkvæðum verkefnum í þágu íbúa

5.	Veiti Reykjavík sérstaka stöðu að lögum sem höfuðborg landsins

6.	Stuðli að frekari sameiningu sveitarfélaga m.a. með frekari hvötum

7.	Bæti kerfið í kringum samvinnu sveitarfélaga með nýjum tegundum af samvinnuformum sem mæti þörfum bæði dreifbýlis og þéttbýlis og auki                  gagnsæi og skýri ábyrgð

9.	Staðfesti viðauka við sáttmálann um rétt borgaranna til þátttöku í starfi sveitarfélaga

Sendinefndin kom til Íslands í janúar síðastliðnum í þeim tilgangi að taka út framkvæmd Íslands á sáttmála Evrópuráðsins um sjálfstjórn sveitarfélaga. Er þetta þriðja slíka úttektin sem fer fram á stöðu Íslands gagnvart sáttmálanum. Fulltrúar Sambandsins funduðu þá með sendinefndinni og svöruðu fjölbreyttum spurningum bæði á fundinum og skriflega eftir fundinn. Í heimsókn sinni til Íslands fundaði sendinefndin einnig með fulltrúum Reykjavíkurborgar, Árborgar, Mýrdalshrepps, Kópavogsbæjar og Reykjanesbæjar ásamt því að heimsækja, Alþingi, Hæstarétt og innviðráðuneytið. 

Sveitarstjórnarþingið, „Congress of Local and Regional Authorities“, er ein af stofnunum Evrópuráðsins. Þingið er eina stofnunin sinnar tegundar í Evrópu sem hefur með höndum að meta framkvæmd lýðræðis í sveitarfélögum og héruðum í öllum 47 aðildarríkjum Evrópuráðsins. Á þinginu eiga sæti kjörnir fulltrúar frá sveitarfélögum og svæðum í Evrópu. Þingfulltrúar eru 324 og þeir eru fulltrúar yfir 150.000 sveitarfélaga og svæða í Evrópu.

Úttekt eftirlitsnefndar Sveitarstjórnarþings Evrópuráðsins um stöðu íslenskra sveitarfélaga við framkvæmd Sáttmála Evrópuráðsins um sjálfstjórn sveitarfélaga   var samþykkt á Sveitarstjórnarþingi Evrópuráðsins í Strassborg í dag. 

Úttekt eftirlitsnefndar Sveitarstjórnarþings Evrópuráðsins samþykkt í Strassborg

Sprotasjóður er sameiginlegur sjóður fyrir leik-, grunn- og framhaldsskóla og styður við þróun og nýjungar í skólastarfi í samræmi við stefnu stjórnvalda (menntastefna til ársins 2030) og aðalnámskrá, samkvæmt  15. gr. laga nr. 90/2008 um leikskóla, 34. gr. laga nr. 91/2008 um grunnskóla og  53. gr. laga nr. 92/2008  um framhaldsskóla.  

Til sjóðsins renna fjármunir sem veittir eru á fjárlögum hverju sinni.  Nánar má sjá um hlutverk sjóðsins í reglugerð hans Nr. 242/2009.

Hvað er styrkt og áherslusvið árið 2025?

Þróunarverkefni í leik-, grunn- og framhaldsskólum.

Áherslusvið sjóðsins fyrir árið 2025 eru:

Ekki eru veittir styrkir til kjarnastarfsemi eða reglubundins reksturs.

Að jafnaði er vinna starfsmanna í verkefni ekki styrkt nema ljóst þyki af lýsingu að sú vinna falli utan starfssviðs og sé viðbót við starfsskyldu en ekki hluti af henni. Sé verkefnið hluti af vinnu starfsmanns er kostaður sem af því hlýst skráður sem mótframlag.

Að jafnaði eru ekki veittir styrkir til tækjakaupa eða uppbyggingu aðstöðu nema að takmörkuðu leiti ef verkefni eru háð því og ljóst þyki að sá kostnaður falli ekki undir kjarnastarfsemi eða reglubundinn reksturs.

Almennt á námsgagnagerð betur heima í Þróunarsjóði námsgagna.

Leikskólastjórar, skólastjórar og skólameistarar fyrir hönd skóla, kennarahópa eða einstaka kennara. Aðrir aðilar geta einnig sótt um en þurfa þá að skila inn staðfestingu á þátttöku skóla með umsókn.

Sjá matskvarða Sprotasjóðs. Samkvæmt 6. grein reglugerðar um Sprotasjóð leik-,grunn- og framhaldsskóla skal mat á umsóknum einkum byggjast á eftirtöldum sjónarmiðum:

gildi og mikilvægi verkefnis með tilliti til hlutverks Sprotasjóðs,

verkefni feli í sér þróunarstarf innan skóla, samstarf milli skóla eða skólastiga,

verkefnið falli að þeim áherslum eða áherslusviðum er fram koma í auglýsingu,

líkum á því að umsækjanda/umsækjendum takist að ná þeim markmiðum er verkefnið miðar að,

starfsferli og faglegum eða fræðilegum bakgrunni umsækjanda og annarra þátttakenda m.t.t. þeirra krafna sem verkefnið gerir til þeirra.

Sprotasjóður leik-, grun- og framhaldsskóla hefur birt áherslusvið fyrir árið 2025. Sprotasjóður styrkir verkefni sem stuðla að þróun og nýjungum í skólastarfi  í leik-, grunn- og framhaldsskólum. Opnað verður fyrir umsóknir í desember 2024 en umsóknarfrestur er til 30. janúar 2025.

Áherslur Sprotasjóðs árið 2025

Helstu verkefni sérfræðings í gagnagreiningu er að hagnýta og halda utan um gögn í gagnagrunni þróunarsviðs, vinna að stöðlun þeirra og tryggja upplýsingagjöf til sveitarfélaga og annarra hagaðila. Auk þess að vinna að verkefnum tengdum stafrænni þróun innan Sambandsins og sveitarfélögunum. Viðkomandi þarf að hafa brennandi áhuga á gögnum, gagnasettum og framsetningu.

Sótt er um starfið í gegnum alfred.is. Umsóknarfrestur er til 21. október.

Þróun og viðhald á vöruhúsi gagna, ETL, stoðgögnum, gagnaskilum og gagnaprófunum.

Þróun á ferlum sem tryggja rétta uppbyggingu gagna og virkni, auk þess að bæta flæði og framsetningu gagna.

Hönnun og þróun í gagnatólum sem stuðla að betri úrvinnslu og nýtingu gagna.

Útfærsla, þróun og viðhald á gagnalíkönum.

Uppsetning, söfnun og úrvinnsla á könnunum.

Samskipti og samstarf við önnur teymi innan Sambandsins og sveitarfélög við að skilgreina gagnakröfur og tækifæri í hagnýtingu gagna.

Háskólamenntun í gagnavísindum, verkfræði, tölfræði, stærðfræði eða tengdum greinum.

Reynsla af gagnaúrvinnslu, þróun gagnalausna og viðhaldi á vöruhúsi gagna.

Þekking á greiningatólum á borð við Power BI

Gott auga fyrir notendavænni og listrænni framsetningu er kostur

Góð samskiptafærni og hæfni til að miðla þekkingu

Lausna- og umbótamiðuð hugsun, frumkvæði og drifkraftur.

Nokkur dæmi um kosti þess að vinna hjá Sambandinu:

Sambandið er framsækinn og skemmtilegur vinnustaður.

Þátttaka í teymi sérfræðinga sem vinnur að eflingu íslenskra sveitarfélaga.

Hér starfar samheldinn hópur og starfsfólki fær gott svigrúm til starfsþróunar.

Sambandið er heilsueflandi vinnustaður sem leggur áherslu á fjölskylduvænt umhverfi, boðið er upp á heilsustyrk.

Jafnræðis er gætt í hvívetna við ráðningu og leitast er við að mannauður Sambandsins endurspegli fjölbreytileika samfélagsins.

Nánari upplýsingar veitir Þórdís Sveinsdóttir, sviðstjóri þróunarsviðs, thordis@samband.is eða í síma 515-4900, eða Drífa Sigurðardóttir, mannauðsstjóri, drifa.att@samband.is.

Sótt er um starfið í gegnum alfred.is.

Samband íslenskra sveitarfélaga leitar að metnaðarfullum og drífandi sérfræðingi í gögnum og gagnagreiningu til starfa á þróunarsvið Sambandsins. Þróunarsvið ber m.a. ábyrgð á að safna, setja fram og miðla gögnum og upplýsingum sem nýtast sveitarfélögum við stefnumótun og áætlanagerð og að skapa sem mest virði úr gögnum til hagsbóta fyrir sveitafélögin og aðra hagaðila. Umsóknarfrestur er til 21. október. 

Sérfræðingur í gagnagreiningu

Auknum kostnaði hefur ekki verið að fullu mætt með auknum tekjum, sem leiðir til hærri nettókostnaðar. Þetta kemur fram í nýrri skýrslu sem ber heitið: Þróun kostnaðar úrgangsmála sveitarfélaga árin 2012 til 2023,  sem HLH ráðgjöf vann fyrir Sambandið.

Stjórn Sambandsins samþykkti þann 29. september 2023 að hrinda af stað verkefni um kostnað og tekjur sveitarfélaga vegna meðhöndlunar úrgangs í ljósi þess að kostnaður sveitarfélaga vegna þessa málaflokks hefur aukist verulega. Markmið verkefnisins var að ná betri yfirsýn yfir kostnað sveitarfélaga og hvernig hann hefur þróast síðastliðin ár. Auk þess að fá fram tillögur um möguleika til aukinnar hagkvæmni og bættrar yfirsýnar í málaflokknum.

Verkefninu var skipt upp í tvo hluta. Í fyrri hlutanum voru fimm sveitarfélög valin til þátttöku í verkefninu, þar sem gögn þeirra voru tekin saman og unnin greining á kostnaði og tekjum þeirra í úrgangsmálum fyrir undangengið ár. Ráðgjafar Pure North unnu greiningu kostnaðar út frá hrágögnum, þ.e. reikningum og öðrum upprunalegum upplýsingum um kostnað vegna úrgangsþjónustu. Niðurstöður Pure North voru kynntar fyrir stjórn Sambandsins þann 31. maí sl.

Skýrsla HLH ráðgjar er seinni hluti verkefnisins, og í henni er greint, með niðurstöður úr fyrri hluta til hliðsjónar, hvernig kostnaður og tekjur sveitarfélaga fyrir meðhöndlun úrgangs hefur þróast frá árinu 2012 til 2023, auk þess að leggja fram tillögur til úrbóta og aukinnar hagkvæmni í málaflokknum. Í skýrslunni er skoðað hvernig sveitarfélög geta betur uppfyllt skyldur sínar samkvæmt lögum, tryggt fjármagn til nauðsynlegra fjárfestinga, og bætt yfirsýn yfir kostnað.

Í skýrslunni eru lagðar fram 13 tillögur til úrbóta. Skýrslan var kynnt sveitarfélögum á fjármálaráðstefnu sveitarfélaganna þar sem kallað varr eftir sjónarmiðum sveitarfélaga. Þá mun Sambandið setja á fót starfshóp um úrgangsmál þar sem skoðaðar verða tillögur sem meðal annars snúa að Úrvinnslusjóði og koma með tillögur að framtíðarfyrirkomulagi sem byggja á þessum tillögum og fyrri skýrslum.

Hér má finna skýrslu HLH ráðgjafar - Þróun kostnaðar úrgangsmála sveitarfélaga árin 2012 -2023.

Greining á kostnaði og tekjum sveitarfélaga vegna meðhöndlunar úrgangs milli áranna 2012 til 2023 sýnir að verulegar breytingar hafa átt sér stað, bæði hvað varðar heildartekjur og heildarkostnað. Þó að heildartekjur hafi aukist um 190%, þá hefur heildarkostnaður einnig hækkað um 182%.

Greining á kostnaði og tekjum sveitarfélaga vegna meðhöndlunar úrgangs

Sveitarfélag ársins er samstarfsverkefni tíu stéttarfélaga bæjarstarfsmanna innan BSRB.

Tómas Bjarnason sviðsstjóri stjórnenda- og vinnustaðaráðgjafar hjá Gallup mun kynna helstu niðurstöður könnunarinnar. Ávarp frá Guðfinnu Harðardóttur framkvæmdarstjóra Fræðslusetursins Starfsmenntar.

Viðburðurinn verður í beinni útsendingu á Facebook síðu verkefnisins.

Val á Sveitarfélagi ársins 2024 verður tilkynnt 17. okt næstkomandi kl 11:00. Veitt er viðurkenning fyrir bestu heildarniðurstöðu þátta sem stuðla að blómlegu og heilbrigðu starfsumhverfi starfsfólks sveitarfélaga.

Sveitarfélag ársins

Þann 10. október 2024 undirrituðu samninganefndir Sambands íslenskra sveitarfélaga og Visku, nýjan heildarkjarasamning sem gildir frá 1. apríl 2024 til 31. mars 2028.

Viska er nýtt stéttarfélag innan BHM sem varð til við sameiningu þriggja stéttarfélaga, Fræðagarðs, Félag íslenskra félagsvísindamanna og Stéttarfélags bókasafns- og upplýsingafræðinga og er fjölmennasti viðsemjandi samninganefndar Sambandsins innan BHM.

 Verði kjarasamningur samþykktur mun hann gilda frá 1. apríl 2024 til 31. mars 2028.

 Samninganefnd sambandsins vill koma á framfæri þökkum til samninganefndar Visku fyrir fagleg og lausnamiðuð vinnubrögð við kjarasamningagerðina.

Nú fer í hönd kynning á og atkvæðagreiðsla um kjarasamninga. Niðurstaða atkvæðagreiðslu um samningana mun liggja fyrir þann 18. október n.k

Skrifað undir kjarasamning við Visku

Viðburðir

Heildartekjur A-hluta

Heildartekjur 2023

Skuldir og skuldbindingar  A-hluta

Heildarskuldir 2023

Hlutfall heildarskulda af heildartekjum A-hluta

Skuldahlutfall 2023

Veltufé frá rekstri í hlutfalli við tekjur A-hluta

Veltufé frá rekstri 2023

Fjármálaráðstefna sveitarfélaga 2024

Fjármálaráðstefna sveitarfélaga verður haldin á Hilton Reykjavík Nordica 10.-11. október 2024.

Opið er fyrir umsóknir í European City Facility sem veitir styrki til verkefna sem miða að því að þróa fjárfestingaráætlanir í þágu orkuskiptanna.

Á landsþingum Sambands íslenskra sveitarfélaga, sem haldin eru árlega, fer fram stefnumörkun fyrir Sambandið.

Leitarniðurstöður

Flýtileiðir

Fjármálaráðstefna 2024

Leitaðu á vefnum

Leitarniðurstöður

Fréttir

Úttekt eftirlitsnefndar Sveitarstjórnarþings Evrópuráðsins samþykkt í Strassborg

Áherslur Sprotasjóðs árið 2025

Sérfræðingur í gagnagreiningu

Greining á kostnaði og tekjum sveitarfélaga vegna meðhöndlunar úrgangs

Sveitarfélag ársins

Skrifað undir kjarasamning við Visku

Stafræn sveitarfélög

Viðburðir

Fjórðungsþing að hausti

Hafnasambandsþing 2024

Námskeið um fjármál sveitarfélaga

Námskeið um Stjórnsýslurétt

Fjármál sveitarfélaga

Heildartekjur 2023

Heildarskuldir 2023

Skuldahlutfall 2023

Veltufé frá rekstri 2023

Landshlutar

Leitarniðurstöður

Leitarniðurstöður

Flýtileiðir

Fjár­mála­ráð­stefna 2024

Leitaðu á vefnum

Leitarniðurstöður

Fréttir

Úttekt eftirlitsnefndar Sveitarstjórnarþings Evrópuráðsins samþykkt í Strassborg

Áherslur Sprotasjóðs árið 2025

Sérfræðingur í gagnagreiningu

Greining á kostnaði og tekjum sveitarfélaga vegna meðhöndlunar úrgangs

Sveitarfélag ársins

Skrifað undir kjarasamning við Visku

Stafræn sveitarfélög

Viðburðir

Fjórð­ungs­þing að hausti

Hafna­sam­bands­þing 2024

Nám­skeið um fjár­mál sveit­ar­fé­laga

Nám­skeið um Stjórn­sýslu­rétt

Fjármál sveitarfélaga

Heildartekjur 2023

Heildarskuldir 2023

Skuldahlutfall 2023

Veltufé frá rekstri 2023

Landshlutar

Leitarniðurstöður

Fjármálaráðstefna 2024

Fjórðungsþing að hausti

Hafnasambandsþing 2024

Námskeið um fjármál sveitarfélaga

Námskeið um Stjórnsýslurétt