Fréttir og tilkynningar

Samband íslenskra sveitarfélaga hefur tekið í gagnið þjónustugátt til að auka og efla þjónustu við sveitarfélögin.

Heiða Björg Hilmisdóttir, formaður stjórnar Sambands íslenskra sveitarfélaga, og Arnar Þór Sævarsson, framkvæmdastjóri sambandsins, funduðu með Svandísi Svavarsdóttur, nýjum ráðherra sveitarstjórnarmála, í vikunni.

Ársfundur Byggðastofnunar 2024 verður haldinn miðvikudaginn 17. apríl í félagsheimili Bolungarvíkur.

Mennta- og barnamálaráðuneytið leggur fé til stuðnings sveitarfélögum þar sem börn á flótta eru búsett. Styrkurinn nær til allra barna á skólaskyldualdri sem fengið hafa alþjóðlega vernd eða dvalarleyfi af mannúðarástæðum frá 1. janúar 2022.

Samband íslenskra sveitarfélaga er samstarfsaðili að IMaR 2024 sem haldin verður dagana 18.-19. apríl nk. á Hilton Reykjavik Nordica. IMaR (Innovation Megaprojects and Risk) ráðstefnan er árleg og er samstarfsverkefni Háskólans í Reykjavík og Verkfræðingafélagsins.

Íslenskum sveitarfélögum stendur til boða að sækja um að verða eina af þremur menningarborgum Evrópu árið 2030 (e. European Capital of Culture – ECOC).

Kynningarfundur Samtaka orkusveitarfélaga og Sambands íslenskra sveitarfélaga um tillögur starfshóps um skattlagningu orkuvinnslu. Fundurinn verður haldinn á Teams mánudaginn 22. apríl kl. 11:00.

Þann 1. apríl sl. tóku gildi lög um Miðstöð menntunar og skólaþjónustu, nr. 91/2023. Við gildistökuna var Menntamálastofnun lögð niður og færðust ýmis verkefni sem áður voru hjá Menntamálastofnun yfir til mennta- og barnamálaráðuneytisins.

Í mælaborði Byggðastofnunar má sjá að mest hlutfallsleg fjölgun íbúa í einu sveitarfélagi á árinu 2023 var í Árneshreppi (13%), Sveitarfélaginu Vogum (12%) og Fljótsdalshreppi (12%).

Byggðastofnun hefur fengið Húsnæðis- og mannvirkjastofnun (HMS) til að reikna út fasteignamat á sömu viðmiðunarfasteigninni um land allt. 

Því ekki að tilnefna til Íslensku menntaverðlaunanna? Nú er hægt að senda inn tillögur um tilnefningar til Íslensku menntaverðlaunanna 2024.

Heiða Björg Hilmisdóttir undirritaði í dag, fyrir hönd Sambands íslenskra sveitarfélaga, viljayfirlýsingu um samræmt verklag sveitarfélaga í byggingarmálum. Ásamt sambandinu undirrita Húsnæðis- og mannvirkjastofnun (HMS), Stafrænt Ísland og Reykjavíkurborg viljayfirlýsinguna.

Sambandið hefur tekið virkan þátt í umræðu um ábyrgð og hlutverk sveitarfélaga er varða dýraleifar síðustu misseri. Álit sambandsins er að söfnun, flutningur og önnur meðhöndlun aukaafurða dýraleifa ekki lögbundið hlutverk sveitarfélaga og má finna í minnisblaði dags. 4. júlí 2023.

Notkun á samræmdum og skýrum flokkunarmerkingum úrgangstegunda nær fram betri flokkun, dregur úr magni úrgangs með áhrifum á upprunaflokkun ásamt því að draga úr kostnaði við meðhöndlun úrgangs – sem var einmitt markmiðið með merkingarkerfinu.

Í tengslum við lög nr. 103/2021 sem sett voru vegna innleiðingar hringrásarhagkerfis hafa sveitarfélög unnið að endurskoðun samþykkta um meðhöndlun úrgangs.

Sambandið hefur skilað skýrslu til umhverfis-, orku og loftslagsráðuneytis (URN) um verkefni ársins 2023.

Íslensk stjórnvöld hafa sett sér markmið um 70% endurnýtingarhlutfall byggingar- og niðurrifsúrgangs.

Auglýsingar eftir umsóknum í LIFE áætlunina fyrir árið 2024 verða birtar þann 18. apríl.