Sveitarfélög landsins bera ábyrgð á rekstri og framkvæmd grunnskólastarfs og ætla að leggja sitt af mörkum til að mæta þeim áskorunum sem niðurstöðurnar draga fram. Mikilvægast er að niðurstöðurnar leiði til aðgerða og raunverulegra umbóta.

Á undanförnum árum hafa sveitarfélög ráðist í fjölmörg verkefni sem miða að því að bæta gæði skólastarfs, styðja betur við stjórnendur og starfsfólk skóla og skapa börnum og ungmennum betri námsaðstæður.

Þar má meðal annars nefna Virðismatsvegferðina sem hefur það að markmiði að  styrkja stöðu skólakerfisins og gera það betur í stakk búið til að takast á við þær áskoranir sem það stendur frammi fyrir og tryggja um leið þann sveigjanleika sem nauðsynlegur er til að unnt sé að skipuleggja störf í skólum þannig að hæfi þörfum starfseminnar og stuðli að betri árangri og bættri líðan nemenda. Um leið á að bæta starfsaðstöðu kennara og auka möguleika þeirra á að samþætta vinnu og einkalíf.

„Þessar niðurstöður eru áhyggjuefni fyrir alla sem koma að menntun barna. Það er ljóst að skólakerfið stendur frammi fyrir áskorunum, en það er ekki síður ljóst að þær verða ekki leystar nema með auknu samstarfi og sameiginlegri sýn. Sveitarfélög bera ábyrgð á sínum hluta verkefnisins og við hlaupumst ekki undan þeirri ábyrgð. Við þurfum hins vegar líka að horfa fram á veginn og einbeita okkur að þeim aðgerðum sem geta skilað raunverulegum árangri fyrir börn og ungmenni. Sveitarfélögin vilja taka virkan þátt í þeirri vegferð og eru tilbúin til samstarfs,“ segir Jón Björn Hákonarson, formaður Sambands íslenskra sveitarfélaga.

Nýjar niðurstöður PISA-rannsóknarinnar undirstrika mikilvægi þess að halda áfram markvissri vinnu við að efla íslenskt menntakerfi.

Niðurstöður PISA sýna að þörf er á nýrri nálgun

Félagsmenn í Félagi grunnskólakennara (FG) og Skólastjórafélagi Íslands (SÍ) geta sótt um að uppfylltum skilyrðum sjóðsins. Umsóknarfrestur er til kl. 14:00 þann 14. október 2026. Umsóknir skulu berast á rafrænu formi á heimasíðu Sambands íslenskra sveitarfélaga. 

Umsækjendur eru hvattir til að kynna sér reglur Námsleyfasjóðs og þau gögn sem þurfa að fylgja umsókn áður en hún er send inn. 

Nánari upplýsingar er að finna á vefsíðu Námsleyfasjóðs.

Námsleyfasjóður hefur opnað fyrir umsóknir um námsleyfi skólaárið 2027–2028.

Opið fyrir umsóknir í Námsleyfasjóð 2027-2028

Markmiðið með verkefninu er að skapa betri forsendur fyrir greiningu, upplýsingamiðlun og upplýsta ákvörðunartökutöku hjá sveitarfélögum og öðrum hagaðilum.

Eyjólfur Ármannsson innviðaráðherra, Daði Már Kristófersson fjármála- og efnahagsráðherra og Benedikt Árnason ráðuneytisstjóri forsætisráðuneytisins fyrir hönd ríkisins, Jón Björn Hákonarson formaður Sambands íslenskra sveitarfélaga og Margrét Kristín Indriðadóttir sviðsstjóri hjá Hagstofu Íslands skrifuðu undir samkomulagið.

Upplýsingaveita sveitarfélaga er sameiginlegur gagnagrunnur ríkis og sveitarfélaga sem heldur utan um samræmdar fjárhagsupplýsingar sveitarfélaga. Samband íslenskra sveitarfélaga hefur leitt umfangsmikla endurhönnun upplýsingaveitunnar og mun taka yfir gagnasöfnun frá Hagstofu Íslands.

Samkomulagið felur í sér að Upplýsingaveitan verði rekin sem sameiginlegt verkefni samningsaðila en að Sambandið annist þróun, rekstur og hýsingu. Stýrihópur skipaður fulltrúum allra aðila mun fara með stefnumótandi ákvörðunartöku um áframhaldandi þróun og rekstur kerfisins.

Þá verður lögð áhersla á að tryggja áreiðanleika og samfellu í opinberri gagnaöflun. Hagstofa Íslands mun áfram hafa aðgang að gögnum Upplýsingaveitunnar svo stofnunin geti sinnt lögbundnu hlutverki sínu við söfnun, vinnslu og miðlun opinberra hagtalna..  

Upplýsingaveitan hefur verið þróuð og endurhönnuð undanfarin misseri og er hluti af stærra verkefni sem miðar að því að auka sjálfvirkni í skilum fjárhagsupplýsinga, bæta gæði gagna og samanburð milli sveitarfélaga.

Sambandið hefur, ásamt ríkinu og Hagstofu Íslands, undirritað samkomulag um endurbætur, þróun og rekstur á Upplýsingaveitu sveitarfélaga.

Samkomulag undirritað um þróun og rekstur Upplýsingaveitu sveitarfélaga

Tilgangur ferðarinnar er að bjóða upp á námskeið fyrir umsækjendur sem hyggjast sækja um í LIFE árið 2027, sem og að bjóða upp á fundi með mögulegum umsækjendum. Á námskeiðinu verður farið yfir umsóknarferlið og ýmis atriði sem ber að hafa í huga við umsóknarskrif og gerð fjárhagsáætlana.

LIFE er umhverfis- og loftslagsáætlun ESB og markmið hennar eru að: 

vernda náttúru Evrópu með því að hægja á og snúa við hnignun líffræðilegs fjölbreytileika. LIFE áætlunin fjármagnar verkefni sem takast á við umhverfis- og loftslagsbreytingar,

flýta fyrir orkuskiptum með aukinni útbreiðslu orkunýtni og endurnýjanlegri orku,

draga úr losun gróðurhúsalofttegunda, auka viðnámsþol vegna loftslagsbreytinga og auka meðvitund um að draga úr loftslagsbreytingum,

leggja til hringrásarhagkerfisins með nýrri tækni og lausnum,

vernda, endurheimta og bæta umhverfið, svo sem vatns-, loft- og hljóðgæði og auka í kjölfarið lífsgæði fólks.

LIFE verkefni eiga að þróa, sannreyna og skala upp nýstárlegar lausnir á sviði umhverfis- og loftslagsmála. Verkefnin ættu auk þess að vera hvati að því að vel heppnuðum lausnum sé beitt víðar og í stærri mæli en áður.



Landstengiliðir LIFE áætlunarinnar hjá Rannís leggja land undir fót og heimsækja Akureyri og Egilsstaði í október.

Leitarniðurstöður

Námskeið í skrifum á LIFE styrkumsóknum á Akureyri og Egilsstöðum

Samband íslenskra sveitarfélaga

Leitarniðurstöður

Nám­skeið í skrif­um á LIFE styrk­umsókn­um á Ak­ur­eyri og Eg­ils­stöð­um

Námskeið í skrifum á LIFE styrkumsóknum á Akureyri og Egilsstöðum