Tilgangur launatöfluaukans er að stuðla að því að þróun launakostnaðar starfsfólks á opinberum markaði innan vébanda heildarsamtaka haldi að jafnaði í við þróun launakostnaðar sambærilegra hópa á almennum markaði. 

Á gildistíma kjarasamninganna átti í þrjú skipti að bera saman þróunina milli markaða og kanna hvort greiða þurfi út launatöfluauka til heildarsamtaka starfsfólks sveitarfélaga. 

Niðurstöður nefndar um launatöfluauka, sem skipuð er fulltrúum heildarsamtaka launafólks (BHM, KÍ, BSRB og ASÍ) og opinberra launagreiðenda (ríki, Samband íslenskra sveitarfélaga og Reykjavíkurborg), er að launatöfluauki virkjast ekki í kjarasamningum sveitarfélaga á öðru viðmiðunartímabili og því verða ekki breytingar á launatöflum þeirra 1.september 2026.

Í núgildandi kjarasamningum stéttarfélaga við opinbera launagreiðendur (2024-2028) er að finna viðauka um svokallaðan launatöfluauka. 

Launatöfluauki virkist ekki í kjarasamningum sveitarfélaga

Tilgangur ferðarinnar er að bjóða upp á námskeið fyrir umsækjendur sem hyggjast sækja um í LIFE árið 2027, sem og að bjóða upp á fundi með mögulegum umsækjendum. Á námskeiðinu verður farið yfir umsóknarferlið og ýmis atriði sem ber að hafa í huga við umsóknarskrif og gerð fjárhagsáætlana.

LIFE er umhverfis- og loftslagsáætlun ESB og markmið hennar eru að: 

vernda náttúru Evrópu með því að hægja á og snúa við hnignun líffræðilegs fjölbreytileika. LIFE áætlunin fjármagnar verkefni sem takast á við umhverfis- og loftslagsbreytingar,

flýta fyrir orkuskiptum með aukinni útbreiðslu orkunýtni og endurnýjanlegri orku,

draga úr losun gróðurhúsalofttegunda, auka viðnámsþol vegna loftslagsbreytinga og auka meðvitund um að draga úr loftslagsbreytingum,

leggja til hringrásarhagkerfisins með nýrri tækni og lausnum,

vernda, endurheimta og bæta umhverfið, svo sem vatns-, loft- og hljóðgæði og auka í kjölfarið lífsgæði fólks.

LIFE verkefni eiga að þróa, sannreyna og skala upp nýstárlegar lausnir á sviði umhverfis- og loftslagsmála. Verkefnin ættu auk þess að vera hvati að því að vel heppnuðum lausnum sé beitt víðar og í stærri mæli en áður.



Landstengiliðir LIFE áætlunarinnar hjá Rannís leggja land undir fót og heimsækja Akureyri og Egilsstaði í október.

Námskeið í skrifum á LIFE styrkumsóknum á Akureyri og Egilsstöðum

Sveitarfélög landsins bera ábyrgð á rekstri og framkvæmd grunnskólastarfs og ætla að leggja sitt af mörkum til að mæta þeim áskorunum sem niðurstöðurnar draga fram. Mikilvægast er að niðurstöðurnar leiði til aðgerða og raunverulegra umbóta.

Á undanförnum árum hafa sveitarfélög ráðist í fjölmörg verkefni sem miða að því að bæta gæði skólastarfs, styðja betur við stjórnendur og starfsfólk skóla og skapa börnum og ungmennum betri námsaðstæður.

Þar má meðal annars nefna Virðismatsvegferðina sem hefur það að markmiði að  styrkja stöðu skólakerfisins og gera það betur í stakk búið til að takast á við þær áskoranir sem það stendur frammi fyrir og tryggja um leið þann sveigjanleika sem nauðsynlegur er til að unnt sé að skipuleggja störf í skólum þannig að hæfi þörfum starfseminnar og stuðli að betri árangri og bættri líðan nemenda. Um leið á að bæta starfsaðstöðu kennara og auka möguleika þeirra á að samþætta vinnu og einkalíf.

„Þessar niðurstöður eru áhyggjuefni fyrir alla sem koma að menntun barna. Það er ljóst að skólakerfið stendur frammi fyrir áskorunum, en það er ekki síður ljóst að þær verða ekki leystar nema með auknu samstarfi og sameiginlegri sýn. Sveitarfélög bera ábyrgð á sínum hluta verkefnisins og við hlaupumst ekki undan þeirri ábyrgð. Við þurfum hins vegar líka að horfa fram á veginn og einbeita okkur að þeim aðgerðum sem geta skilað raunverulegum árangri fyrir börn og ungmenni. Sveitarfélögin vilja taka virkan þátt í þeirri vegferð og eru tilbúin til samstarfs,“ segir Jón Björn Hákonarson, formaður Sambands íslenskra sveitarfélaga.

Nýjar niðurstöður PISA-rannsóknarinnar undirstrika mikilvægi þess að halda áfram markvissri vinnu við að efla íslenskt menntakerfi.

Niðurstöður PISA sýna að þörf er á nýrri nálgun

Þátttökugjald er 30.900 krónur og 12.000 krónur að auki fyrir hátíðarkvöldverð að kveldi fimmtudagsins 8. október.

Dagskrá er í vinnslu en helstu tímasetningar eru þær að ráðstefnan verður sett kl. 10:00 fimmtudaginn 8. október og stendur til u.þ.b. 16:00. Hlé verður þá gert á dagskránni til kl. 9:30 föstudaginn 9. október.

Hátíðarkvöldverður verður í Vör, farþegamiðstöð Faxaflóahafna, kl. 19:00-23:30 að kveldi fimmtudags.

Boðið verður upp á rútuferðir frá Hilton Reykjavík, Grand hóteli og Hörpu að morgni beggja ráðstefnudaga og til baka við ráðstefnulok. Þá verður boðið upp á rútuferðir frá sömu stöðum í tengslum við hátíðarkvöldverðinn. 

Skráningar og dagskrársíða fjármálaráðstefnu. 

Fjármálaráðstefna sveitarfélaga fer fram dagana 8.-9. október nk. í Vör, farþegamiðstöð Faxaflóahafna við Skarfabakka. Opnað hefur verið fyrir skráningu á vef ráðstefnunnar. 

Leitarniðurstöður

Opið fyrir skráningu á fjármálaráðstefnu 2026

Samband íslenskra sveitarfélaga

Leitarniðurstöður

Opið fyr­ir skrán­ingu á fjár­mála­ráð­stefnu 2026

Opið fyrir skráningu á fjármálaráðstefnu 2026