Fréttir og tilkynningar

Fyrirsagnalisti

20. okt. 2017 Umhverfis- og tæknimál : Þýðir minni losun minni gæði?

EndurnyjanlegOrka

Umhverfisþing stendur nú yfir í Hörpu og er gert ráð fyrir að því ljúki á fjórða tímanum síðdegis. Þingið er að þessu sinni helgað loftslagsbreytingum og losun gróðurhúsaloftegunda ásamt spurningunni um það hvort minni losun þýði minni lífsgæði? Bein útsending er frá þinginu.

Nánar...

19. okt. 2017 Umhverfis- og tæknimál : Undirbúningur hafinn vegna nýrrar persónuverndarlöggjafar

PPP_PRD_137_3D_people-Key_In_Keyhole

Samband íslenskra sveitarfélaga vinnur nú að mótun öryggisráðstafana í grunnskólum vegna persónuverndar. Markmið verkefnisins er tvíþætt eða að leiða annars vegar til lykta svonefnt Mentor-mál og hins vegar að greiða fyrir innleiðingu sveitarfélaga á nýjum lögum um persónuvernd innan Evrópska efnahagssvæðisins.

Nánar...

19. okt. 2017 Skipulags- og byggðamál : Hvatt til frekari sameiningar á Austurlandi

Breiddalsvik

Rannsóknarmiðstöð Háskólans á Akureyri leggur til að Breiðdalshreppur sameinist Fjarðabyggð. Sameining við Fljótsdalshérað er ekki útilokuð í nýútkominni skýrslu sem unnin var að beiðni sveitarfélagsins.

Nánar...

19. okt. 2017 Skipulags- og byggðamál : Opið fyrir umsóknir í húsafriðunarsjóð

Arsskyrsla-010

Er til byggð í sveitarfélaginu þínu sem ástæða er til að varðveita vegna svipmóts, menningarsögu eða listræns gildis? Ef svo er, þá veitir húsafriðunarsjóður styrki til að vinna tillögur að slíkum verndarsvæðum.

Nánar...

16. okt. 2017 Umhverfis- og tæknimál : Hlutverk, ábyrgð og einkenni á loftslagsstefnum sveitarfélaga

Hlutverk og ábyrgð sveitarfélaga gagnvart skuldbindingum þjóðarinnar í loftslagsmálum er fremur óljóst. Engu að síður gegna sveitarfélögin veigamiklu hlutverki fyrir framkvæmd þessara alþjóðlegu samninga hér á landi.  Ólafía Erla Svansdóttir greinir stöðu loftslagsmála á sveitarstjórnarstiginu í nýútkominni meistararitgerð sinni sem nefnist „Loftslagsstefnur sveitarfélaga – Hlutverk, ábyrgð og einkenni“.

Nánar...

13. okt. 2017 Félagsþjónusta og forvarnamál : Stefnt að auknu jafnvægi á húsnæðismarkaði

Íbúðalánasjóði hefur verið falið að grípa til sérstakra aðgerða vegna erfiðrar stöðu á leigumarkaði. Í frétt á vef Íbúðalánasjóðs kemur fram að útgreiðsla húsnæðisbóta verður m.a. færð frá Vinnumálastofnun til Íbúðalánasjóðs. Umsýsla á sértækum húsnæðisbótum verður áfram hjá sveitarfélögum. Þá verður leigufélag stofnað um íbúðir sem Íbúðalánasjóður hefur eignast við nauðungarsölu.

Nánar...

13. okt. 2017 Félagsþjónusta og forvarnamál : Viðkvæmir hópar

Náum áttum hópurinn boðar til fyrsta morgunverðarfundar vetrarins miðvikudaginn 18. október nk. á Grand hóteli í Reykjavík. Að þessu sinni verður sjónum beint að viðkvæmum hópum í samfélaginu.

Nánar...

11. okt. 2017 Skipulags- og byggðamál : Byggðastyrkur vegna ljósleiðaravæðingar óbreyttur

Byggðastyrkur til verkefnisins Ísland ljóstengd verður óbreyttur á næsta ári, en styrknum er ætlað að styrkja stöðu strjálbýlla sveitarfélaga gagnvart samkeppnispotti fjarskiptasjóðs. Alls verður 550 m.kr. varið til ljósleiðaraframkvæmda sveitarfélaga.

Nánar...

09. okt. 2017 Skólamál : „Á ég að gera það‘“

Skólaþing sveitarfélaga verður haldið 6. nóvember nk. undir yfirskriftinni „Á ég að gera það?“ Tvö knýjandi viðfangsefni verða tekin til umfjöllunar á þinginu; Tökum nýjan kúrs og Hvar eru kennararnir?

Nánar...

06. okt. 2017 Fjármál : Tillögur um breytingar á regluverki jöfnunarsjóðs

Jofnunarskyrsla

Út er komin skýrsla nefndar um endurskoðun á jöfnunarframlögum Jöfnunarsjóðs sveitarfélaga.  Innanríkisráðherra skipaði nefndina í september 2016, en unnið hefur verið að heildarendurskoðun á regluverki jöfnunarsjóðs frá árinu 2010.

Nánar...
Síða 1 af 10