Fréttir og tilkynningar

Landsþing ungmennahúsa fór nýlega fram á Akureyri, en það er einn af þeim árlegu viðburðum sem Samfés gengst fyrir. Markmið landsþingsins er m.a. að gefa starfsfólki og ungu fólki í starfinu tækifæri til að hittast, tengjast, læra af hvert öðru og skiptast á skoðunum. Á meðal þess sem fjallað var um á þinginu voru ungmennahús framtíðarinnar.

 Nýtt samkomulag ríkis og sveitarfélaga um afkomumarkmið og efnahag sveitarfélaga fyrir árin 2019-2023 var undirritað í dag af Halldóri Halldórssyni, formanni og Karli Björnssyni, framkvæmdastjóra Sambands íslenskra sveitarfélaga annars vegar og hins vegar af Bjarna Benediktssyni, fjármála- og efnahagsráðherra og Sigurði Inga Jónssyni, samgöngu- og sveitarstjórnarráðherra.

Sveitarstjórnarþing Evrópuráðsins er pólitískur samstarfsvettvangur evrópskra sveitarfélaga og svæða. Ísland á þrjá fulltrúa á þinginu sem stjórn sambandsins tilnefnir til fjögurra ára í senn. Þingið kemur saman tvisvar á ári, að vori og hausti í Evrópuráðshöllinni í Strassborg. Eitt af meginverkefnum þingsins er að hafa eftirlit með stöðu Evrópusáttmála um sjálfsstjórn sveitarfélaga, og eftirlit með framkvæmd sveitarstjórnakosninga í aðildarríkjum Evrópuráðsins. Þingið ályktar einnig um ýmis málefni sem varða sveitarstjórnarstigið, sérstaklega um lýðræðis- og mannréttindamál og er ályktununum eftir atvikum beint að þingi Evrópuráðsins og ráðherranefnd, svo og að ríkisstjórnum aðildarríkja Evrópuráðsins og sveitar- og svæðisstjórnum innan þeirra.

Föstudaginn 27. apríl nk. efnir Samband íslenskra sveitarfélaga til morgunverðarfundar á Grand hóteli í Reykjavík. Fundurinn hefur yfirskriftina Viðkvæm álitamál og nemendur. Þar verður fjallað um hvaða erfiðleikar og áskoranir geta komið upp þegar fjallað er um viðkvæm álitamál í skólum eins og hryðjuverk, sjálfsvíg, andlát nákomins, einelti, skilnaði o.fl.? Eiga kennarar og annað starfsfólk skóla að leiða slíka umræðu?

Nýsköpunarverðlaun í opinberri þjónustu og stjórnsýslu 2018 verða afhent á ráðstefnu um nýsköpun föstudaginn 8. júní 2018. Yfirskrift verðlaunanna í ár er „Betri opinber þjónusta með öflugu samstarfi og nýtingu stafrænna lausna“ en verðlaunin og ráðstefnan eru samvinnuverkefni fjármála- og efnahagsráðuneytisins, Sambands íslenskra sveitarfélaga, Félags forstöðumanna ríkisstofnana, Rannís, Nýsköpunarmiðstöðvar Íslands og Stofnunar stjórnsýslufræða og stjórnmála við Háskóla Íslands.

Aðalfundur Lánasjóðs sveitarfélaga ohf. fór fram föstudaginn 23. mars sl. á Grand Hótel Reykjavík. Sjálfkjörið var að þessu sinni í stjórn og varastjórn félagsins.

Samband íslenskra sveitarfélaga gekkst í gær fyrir kynningarfundi vegna handbókar um aðferðir og leiðir í íbúalýðræði sem kom nýlega út á vegum sambandsins. Fundarmönnum gafst einnig kostur á þátttöku með fjarfundarbúnaði. Kynningarfundinum var ætlað að fylgja eftir útgáfu handbókarinnar, sem er sú fyrsta sinnar tegundar hér á landi.

Stjórn Sambands íslenskra sveitarfélaga samþykkti á fundi sínum rétt í þessu bókun um breytingar á kosningalögum. Bókunin var send formanni og varaformanni stjórnskipunar- og eftirlitsnefndar auk þess sem forseti Alþingis fékk afrit af bókuninni og þess farið á leit að bókuninni yrði komið á framfæri við alla alþingismenn, fyrir atkvæðagreiðslu sem fram á að fara í dag.

Samband íslenskra sveitarfélaga hefur bent stjórnskipunar- og eftirlitsnefnd Alþingis á, að Evrópráðið ráðleggi almennt að breyta ekki kosningalöggjöf einu ári fyrir kosningar. Athugasemd þessa efnis var gerð við nefndina í dag vegna umsagnar sambandsins um frumvarp til breytinga á lögum um kosningar til sveitarstjórna.

Hamingja, heilsa og vellíðan með heimsmarkmiðum Sameinuðu þjóðanna var yfirskrift málþings sem haldið var í tilefni af alþjóðlega hamingjudeginum í gær. Heilsueflandi starf sveitarfélaga út frá heimsmarkmiðunum og hamingja landsmanna eftir sveitarfélögum var á meðal annars á dagskrá málþingsins.

Niðurstöður úr allsherjaratkvæðagreiðslu í Félagi grunnskólakennara (FG) vegna kjarasamningsins sem undirritaður var 13. mars sl. liggja nú fyrir. Var samningurinn felldur 2.599 atkvæðum eða 68,5% greiddra atkvæða.

Menntamálastofnun mun veita ýtarlegar upplýsingar um endurtöku samræmdra könnunarprófa. Svör við helstu spurningum verða birt á vef og Facebook-síðu stofnunarinnar og gengist verður fyrir upplýsingafundum, sem gerðir verða aðgengilegir á netinu. Þá verða birt svör við helstu spurningum á sérstöku svæði á vef ráðuneytisins um réttarstöðu nemenda og lagalega stöðu samræmdra könnunarprófa.

Menntamálaráðherra hefur ákveðið að nemendur ráði því sjálfir hvort þeir endurtaki samræmd könnunarpróf, en fyrirlögn mistókst sem kunnugt er í tveimur af þremur prófum í síðustu viku. Stjórnendur í hverjum skóla ákveða hvort þeir leggja prófin fyrir í vor eða haust.

Í tilefni af alþjóðlega hamingjudeginum, þann 20. mars, fer fram málþing sem helgað verður heimsmarkmiðum Sameinuðu þjóðanna til 2030 og Heilsueflandi samfélagi um vellíðan fyrir alla.

Ríkiskaup veittu þremur opinberum aðilum viðurkenningu fyrir framúrskarandi árangur og vinnubrögð í opinberum innkaupum á innkaupadeginum 2018. Er þetta í fyrsta sinn sem slík viðurkenning er veitt.

Samband íslenskra sveitarfélaga hefur gert umsögn um drög að landsáætlun til 12 ára ásamt verkefnaáætlun fyrir tímabilið 2018-2020. Gæta verður að samspili við önnur verkefni, s.s. samgönguáætlun, eigi landsáætlun að ganga fram.

Samninganefndir Sambands íslenskra sveitarfélaga og Kennarasambands Íslands vegna Félags grunnskólakennara (FG) undirrituðu síðdegis í dag nýjan kjarasamning.

Kjarasamningurinn verður á næstu dögum kynntur félagsmönnum FG, en niðurstaða úr atkvæðagreiðslu félagsins er væntanleg þann 21. mars næstkomandi. Gildistími er frá 1. apríl 2018 til 31. mars 2019 eða tæplega eins árs og verður samningurinn birtur á vef sambandsins verði hann samþykktur.   

Mennta- og menningarmálaráðuneytið auglýsir eftir umsóknum um styrki úr Sprotasjóði leik-, grunn- og framhaldsskóla vegna skólaársins 2018 – 2019. Hlutverk sjóðsins er að styðja við þróun og nýjungar í skólastarfi.