Gegnumgangandi átak
Samtaka um hringrásarhagkerfi er átak sambandsins í umhverfis og úrgangsmálum. Verkefninu, sem var hleypt af stokkunum með opnum fundi í mars 2022, hefur það að markmiði að aðstoða sveitarfélög við innleiðingu á lagabreytingum er varða innleiðingu hringrásarhagkerfis. Þessar lagabreytingar tóku gildi 1. Janúar 2023. Fjölmargir fundir hafa verið haldnir með fulltrúum sveitarfélaga sem nutu aðstoðar og leiðbeininga frá starfsfólki sambandins. Tekin var sú ákvörðun að halda átakinu áfram árið 2023 og er því átakið í gangi af fullum krafti.
Átakið skiptist í þrjú meginverkefni:
1. Svæðisáætlanir sveitarfélaga sem verkfæri í ákvarðanatöku.
2. Kaup í anda hringrásarhagkerfis – innkaup í úrgangsstjórnun sveitarfélaga.
3. Borgað þegar hent er heim í hérað
Einnig hafa verið haldnir fundir og útbúið fræðsluefni þvert á þessa þrjá verkefnaþætti. Þar spilar Handbók um úrgangsstjórnun viðamikið hlutverk en í henni má finna viðamikið yfirlit yfir hina ýmsa þætti úrgangsstjórnunar fyrir Sveitarfélög. Einnig gaf sambandið út spurt og svarað í úrgangsmálum þar sem mörgum algengum spurningum er svarað á sama stað.
Hér fyrir neðan má finna ítarefni um átakið svo sem helstu afurðir þess og skyld gögn.