Kjara- og starfsmannamál

Sveitarfélögin gegna þýðingarmiklu hlutverki sem vinnuveitendur og eru íslensk sveitarfélög sem heild einn stærsti vinnuveitandi í landinu. Um 60% af skatttekjum sveitarfélaganna fara í að greiða laun starfsmanna og launatengd gjöld.


Skólamál

Sveitarfélögin verja um það bil helmingi útgjalda sinna til skólamála og eru þau einn þýðingarmesti málaflokkur sem sveitarfélögin annast. Skólamálin er í stöðugri þróun og hafa sveitarfélögin lagt metnað sinn í rekstur leikskóla, grunnskóla, tónlistarskóla og margvíslega aðra fræðslustarfsemi.


Fjármál sveitarfélaga

Forsenda þess að sveitarfélögin geti rækt lögbundnar skyldur sínar við íbúana er að stjórn á fjármálum þeirra sé markviss og stefnuföst. Upplýsingar um fjármál sveitarfélaga veita mikilvæga vitneskju um stöðu þeirra og hvernig tekjum sveitarfélaganna er ráðstafað.


Félagsþjónusta

Sveitarfélögin bera ábyrgð á fjölbreyttri félagsþjónustu við alla aldurshópa, m.a. fjárhagsaðstoð, félagslegri heimaþjónustu, húsaleigubótum og barnavernd. Unnið er að viðamikilli yfirfærslu á þjónustu við fatlaða frá ríki til sveitarfélaga og rætt er um frekari flutning verkefna á þessu sviði.


Alþjóðamál

Alþjóðlegt samstarf verður sífellt mikilvægara og það eru gerðar meiri kröfur um skilvirkni og ávinning af þátttöku í alþjóðlegu samstarfi. Opnast hafa möguleikar fyrir sveitarfélögin á samstarfsverkefnum með erlendum aðilum, bæði til þess að læra sjálf og til að miðla af þekkingu sinni.


Umhverfis- og tæknimál

Umhverfismál eru fyrirferðarmikil í daglegri starfsemi sveitarfélaga. Löggjöf hefur þróast hratt á undanförnum árum og sveitarfélögin hafa orðið að bregðast við auknum kröfum um meðhöndlun og endurnýtingu úrgangs. Þá sinna sveitarfélögin ýmsu eftirliti í heilbrigðis- og byggingarmálum.


Lýðræði - mannréttindi

Sveitarfélögin bera ábyrgð á framkvæmd hins staðbundna lýðræðis. Undanfarin ár hafa sveitarstjórnir og almenningur rætt leiðir til þess að efla lýðræði og auka þátttöku almennings í sveitarstjórnarmálum. Einnig hafa sveitarfélög markað sér stefnu í mannréttinda- og jafnréttismálum.


Skipulags- og byggðamál

Sveitarfélögin sinna þýðingarmiklu hlutverki í skipulagsmálum og byggðaþróun. Í skipulagsáætlunum sveitarfélaga birtist stefnumörkun sveitarstjórnar til a.m.k. 12 ára í senn um landnotkun, samgöngu- og þjónustukerfi, umhverfismál og þróun byggðar í sveitarfélaginu.


Stjórnsýsla sveitarfélaga

Sveitarfélögum er stjórnað af sveitarstjórnum, sem kosnar eru í lýðræðislegum kosningum á fjögurra ára fresti. Meginhlutverk hverrar sveitarstjórnar er að sjá til þess að rekstur og starfsemi viðkomandi sveitarfélags uppfylli kröfur gildandi laga.


Áhugavert

30.10.2014 : Myndræn framsetning fjárhagsstöðu sveitarfélaga

Hag- og upplýsingasvið sambandsins hefur útbúið excel-líkan sem sýnir á myndrænu formi annars vegar skuldahlutfall sveitarfélaga og hins vegar veltufé frá rekstri í hlutfalli við tekjur á árunum 2010-2013. Á excel skjalinu er unnt að velja eitt eða fleiri sveitarfélög eða einn eða fleiri landshluta og sjá veltufé frá rekstri á Y-ásnum og skuldahlutfall á X-ásnum.

Lesa meira

Fréttir

21.11.2014 : Tónlistarkennarar hafna samningstilboði 

Eftirfarandi bókun var gerð á fundi stjórnar Sambands íslenskra sveitarfélaga á fundi hennar föstudaginn 21. nóvember 2014 (Jónína Erna Arnardóttir tók ekki þátt í umræðu og afgreiðslu málsins):

SIS_Skolamal_760x640

20.11.2014 : Árbók sveitarfélaga 2014 komin á vefinn

Árbók sveitarfélaga 2014 sem kom út í byrjun október sl. er nú komin inn á heimasíðu sambandsins. Í bókinni er að finna upplýsingar um rekstur og efnahag sveitarfélaganna sem byggðar eru á niðurstöðum ársreikninga þeirra árið 2013.






Viðburðir

nóvember 2014

(Sleppa dagatali)
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Á döfinni

Enginn viðburður fannst skráður.

Fleira á döfinni


Sjónarmið

Einstaklega fagleg og markviss umræða

Landsþing sambandsins, sem haldið var á Akureyri 24.-26. september sl., er almennt talið hafa heppnast mjög vel. Fulltrúar nær allra sveitarfélaga tóku virkan þátt í þinginu og unnu vel að þróun stefnumörkunar sambandsins fyrir árin 2014-2018. Eftir því var tekið að umræðan í þeim fjórum hópum, sem fjölluðu um einstaka kafla stefnumörkunarinnar, var einstaklega fagleg og markviss.


Áskrift að vefflokkum

Fáðu nýjasta efni vefsins að eigin vali sent í tölvupósti.

Gerast áskrifandi


Tíðindi



Útlit síðu: