Endurmenntunarsjóður grunnskóla
Endurmenntunarsjóður grunnskóla starfar í samræmi við bráðabirgðaákvæði laga nr. 91/2008. Sjóðurinn starfar sem sjálfstæð deild undir stjórn Námsleyfasjóðs.
Hlutverk Endurmenntunarsjóðs grunnskóla er að veita fé til endurmenntunar kennara og stjórnenda grunnskóla. Þeir sem hyggjast standa fyrir endurmenntun fyrir kennara og stjórnendur grunnskóla geta sótt um framlög úr sjóðnum, þar á meðal grunnskólar, skólaskrifstofur, sveitarfélög, símenntunarstofnanir, félög, fyrirtæki og aðrir. Frestur til að sækja um styrk til verkefna vegna skólaársins 2012-2013 er til og með 20. febrúar 2012.
Stjórn sjóðsins hefur ákveðið að allt að þriðjungi ráðstöfunarfjár verði úthlutað til verkefna sem tengjast eftirfarandi áherslusviðum:
- Námsmat
- Jákvæður skólabragur og samskipti
Umsækjendum er gert að sækja um á rafrænu formi hér neðar á síðunni, umsóknir sendar á öðru formi verða ekki teknar gildar. Í umsóknum skal gefa ítarlegar upplýsingar um hvers konar endurmenntun umsækjandi hyggst bjóða, m.a. markmið námsins, stað og tíma, áætlaðan fjölda þátttakenda, skipulag kennslu, stjórnun, ábyrgðarmann og annað það sem máli kann að skipta við mat á umsókn. Einnig skal leggja fram kostnaðaráætlun. Þær umsóknir einar koma til álita sem sýna fram á að endurmenntunarverkefnin mæti þörfum grunnskólans, séu byggð á skólastefnu, aðalnámsskrá, fagmennsku og gæðum. Sjóðurinn veitir ekki fé til ferða og uppihalds þátttakenda.
Þegar fyrir liggur ákvörðun um hverjir fá styrk verður gerður sérstakur samningur um hvert endurmenntunarverkefni.Umsækjendur eru hvattir til að skoða sýnishorn af umsóknareyðublaði áður en þeir senda inn umsókn því eyðublaðið þarf að fylla út í einni lotu og senda inn. Það geymist ekki á vefnum.
Senda umsókn í Endurmenntunarsjóð grunnskóla 2012
- Eyðublað fyrir greinargerð vegna styrks, sem úthlutað var árið 2011
- Úthlutun árið 2011
- Úthlutun árið 2010
- Úthlutun árið 2009