Fréttir og tilkynningar: febrúar 2017

Fyrirsagnalisti

28. feb. 2017 : Skrifað undir samninga um ljósleiðarastyrki

Fulltrúar fjarskiptasjóðs og sveitarfélaga skrifuðu í dag undir samninga um styrki sjóðsins til sveitarfélaganna vegna ljósleiðaravæðingar þeirra í tengslum við landsátakið Ísland ljóstengt. Athöfnin fór fram á skrifstofu Sambands íslenskra sveitarfélaga að Borgartúni 30 í Reykjavík þar sem fulltrúar sveitarfélaganna og Jón Gunnarsson, samgöngu- og sveitarstjórnarráðherra, staðfestu samningana með undirskrift sinni.

Nánar...

28. feb. 2017 : Kynningarfundur um húsnæðisáætlanir sveitarfélaga

Íbúðalánasjóður stendur fyrir kynningarfundi í dag um gerð og framkvæmd húsnæðisáætlana sveitarfélaga. Á fundinum verður kynnt ítarlegt efnisyfirlit fyrir húsnæðisáætlanir sem Íbúðalánasjóður hefur unnið að í samstarfi við sambandið. Jafnframt verður farið yfir þau tölfræðilegu gögn sem Íbúðalánasjóður mun leggja til og nýst geta sveitarfélögum við gerð húsnæðisáætlana.

Nánar...

22. feb. 2017 : Námskeið um jafnlaunastaðal

Fræðslusetrinu Starfsmennt hefur verið falið að halda utan um námskeið til að styðja við og auðvelda innleiðingu jafnlaunastaðals hjá stofnunum og fyrirtækjum. Stjórnvöld og aðilar á vinnumarkaði hafa sammælst um það hlutverk setursins og hvatt til samstarfs við fjölmarga fræðslu- og mannauðssjóði, sem munu greiða leið sinna félagsmanna á námskeiðin. Markmiðið er að vinna að auknu launajafnrétti og tryggja að jafnverðmæt störf séu metin eins.

Nánar...

16. feb. 2017 : Víðtæk áhrif verkfalls sjómanna

Atvinnuvega- og nýsköpunarráðuneytið sendi í síðustu viku frá sér skýrslu þar sem lagt er mat á þjóðhagslegan kostnað af verkfalli sjómanna. Skýrslan er unnin að tilstuðlan sjávarútvegs- og landbúnaðarráðherra, sem skipaði nefnd fulltrúa úr fjórum ráðuneytum auk fulltrúa frá Sambandi íslenskra sveitarfélaga og sérfræðingum frá Íslenska sjávarklasanum.

Nánar...

09. feb. 2017 : Opið fyrir umsóknir úr Sprotasjóði

Mennta- og menningarmálaráðuneytið auglýsir eftir umsóknum um styrki úr Sprotasjóði leik-, grunn- og framhaldsskóla vegna skólaársins 2017-18. Hlutverk sjóðsins er að styðja við þróun og nýjungar í skólastarfi.

Nánar...

07. feb. 2017 : Orðsporið 2017

Ordsporshafar-2017---nota

Dagur leikskólans var haldinn hátíðlegur í tíunda sinn mánudaginn 6. febrúar 2017. Markmið dagsins er að beina sjónum að leikskólanum og því gróskumikla starfi sem þar fer fram. Í tilefni dagsins var Orðsporið veitt við hátíðlega athöfn á leikskólanum Hofi í Reykjavík.

Nánar...

03. feb. 2017 : Ræða leiðir til að styrkja sveitarstjórnarstigið

Verkefnisstjórn sem hefur það hlutverk að greina sveitarstjórnarstigið og skilgreina tækifæri og leiðir til að styrkja það hefur nú hafið fundaferð þar sem markmiðið er að ræða við og hlusta á sveitarstjórnarmenn um efnið. Fyrsti fundurinn var haldinn í síðustu viku á Hólmavík með fulltrúum sveitarfélaga á Vestfjörðum og nú í vikunni voru fundir á Hvolsvelli og Selfossi með fulltrúum sunnlenskra sveitarfélaga.

Nánar...

02. feb. 2017 : Dagur leikskólans 2017

Mánudaginn 6. febrúar nk. verður dagur leikskólans haldinn hátíðlegur í leikskólum landsins í tíunda sinn, en þann dag árið 1950 stofnuðu frumkvöðlar leikskólakennara fyrstu samtök sín. Leikskólar landsins hafa á undanförnum árum haldið upp á dag leikskólans með margbreytilegum hætti og þannig stuðlað að jákvæðri umræðu um leikskólastarfið.

Nánar...