Samband íslenskra sveitarfélaga efndi til umræðu- og upplýsingafundi um málefni barna með alvarlegar geð- og þroskaraskanir. Fundurinn var haldinn í Háteigi á Grand hótel föstudaginn 9. febrúar 2018 frá kl. 13:00 - 16:00.
Fundurinn var tekinn upp og er aðgengilegur hér á vef sambandsins.
Tilgangur fundarins var að kalla saman þá aðila sem koma að málefnum barna með geð- og þrosakaraskanir. Farið var yfir hver staða mála er í dag og hvernig mæta megi þörfum umræddra barna og fjölskyldna sem best. Enda þótt um fremur fámennan hóp barna sé að ræða á hverjum tíma, er verkefnið af þeirri stærðargráðu að samstilltra aðgerða er þörf og með það fyrir augum hafa sveitarfélögin kallað eftir aðgerðum. Á meðal þess sem huga verður að í þessu sambandi eru sérhæfð búsetuúrræði, kostnaðarmat og fjármögnun með hliðsjón af aðkomu félagsþjónustu sveitarfélaga, barnaverndar og uppeldis- og menntastofnana.
Til fundarins voru boðaðir félagsmálastjórar og stjórnendur í málefnum fatlaðs fólks, stjórnendur og starfsmenn í barnavernd, Barnaverndarstofa, stjórnendur og sérfræðingar Greiningar- og ráðgjafastöðvar ríkisins, BUGL, formenn velferðar- og félagsmálanefnda sveitarfélaga og skólanefnda, stjórnendur skólamála, framkvæmdastjórar sveitarfélaga sem og fulltrúar ráðuneyta og hagsmunaaðila.