Farsældarþing verður haldið mánudaginn 4. september frá kl. 8.30-16:00 í Ráðstefnuhúsinu Hörpu. Á farsældarþingi eiga fagfólk, þjónustuveitendur, stjórnvöld, börn og aðstandendur víðtækt samtal um farsæld barna og er þingið mikilvægur liður í stefnumótun og áætlanagerð þegar kemur að innleiðingu laga um farsæld barna.
Þingið verður í streymi með hópvinnu eftir hádegi. Þátttakendur sem ekki geta mætt á staðinn geta skráð sig til þátttöku í hópvinnu á netinu. Aðgangur er ókeypis en nauðsynlegt er að skrá sig.