Skipulagsmálanefnd Sambands íslenskra sveitarfélaga hélt sinn fyrsta fund 25. mars 2010.
Í erindisbréfi nefndarinnar segir m.a.:
Hlutverk skipulagsmálanefndar er:
Að vera ráðgefandi fyrir stjórn og starfsmenn sambandsins í skipulagsmálum, svo sem varðandi fyrirhugaðar breytingar á lögum og reglum um skipulagsmál og mat á umhverfisáhrifum. Einnig fylgist nefndin með þróun umhverfislöggjafar sem tengist skipulagsgerð sveitarfélaga, meðal annars um flóðavarnir og stjórn vatnamála.
Á fyrsta fundi skipulagsmálanefndar var lögð áhersla á að efla upplýsingaflæði milli sambandsins og sveitarfélaga. Nefndin hvetur sveitarfélögin jafnframt til þess að skiptast á umsögnum um frumvörp og upplýsa sambandið um afstöðu sína til stefnumarkandi atriða.
Nefndina skipa 2022-2026:
- Halla Björk Reynisdóttir, formaður skipulagsmálaráðs Akureyrarbæjar,
- Sveinn Björnsson, byggingarfulltrúi Reykjanesbæjar,
- Nanný Arna Guðmundsdóttir, formaður umhverfis- og framkvæmdanefndar Ísafjarðarbæjar og stjórnarmaður í sambandinu,
- Jón Kjartan Ágústsson, svæðisskipulagsstjóri höfuðborgarsvæðisins og
- Einar Þorsteinsson, borgarfulltrúi og stjórnarmann í sambandinu.
Staða helstu verkefna á málefnasviði skipulagsmálanefndar sambandsins (26.11.2022)
