Samband íslenskra sveitarfélaga í samvinnu við fleiri aðila hefur gefið út upplýsingabréf til íþrótta- og æskulýðsfélaga og samtaka sem ætlað er að minna á ábyrgðina sem við berum öll saman þegar kemur að því að koma í veg fyrir ofbeldi.
Í sumar eru ýmsar samkomur, viðburðir og mannamót þar sem börn koma að. Því er mikilvægt að öll þau sem koma að skipulagningu og framkvæmd íþrótta- og æskulýðsstarfs séu upplýst um það til hvers er ætlast af þeim varðandi hegðun og framkomu. Þá er einnig mikilvægt að þekkja einkenni ofbeldis og vita hvert skal leita ef vaknar grunur um að barn hafi orðið fyrir ofbeldi. Við minnum á að leita má ráða eða leiðsagnar hjá samskiptaráðgjafa íþrótta- og æskulýðsstarfs um samskipti.
Í upplýsingabréfinu eru gagnlegir hlekkir með fræðslu gegn kynferðislegu og kynbundnu ofbeldi og áreitni, gátlista varðandi nýráðningu starfsfólks og sjálfboðaliða ásamt leiðbeiningum varðandi öflun upplýsinga úr sakaskrá. Þar er einnig að finna hlekk á samræmda viðbragðsáætlun íþrótta- og æskulýðsstarfs.
Ætíð á að tilkynna til 112, og/eða barnaverndarþjónustu og lögreglu ef vaknar grunur um brot gegn barni.
Nánari upplýsingar veita:
- Alfa Jóhannsdóttir, forvarnarfulltrúi Sambands íslenskra sveitarfélaga, alfa@samband.is.
- Hjálmar Karlsson, samskiptaráðgjafi íþrótta- og æskulýðsstarfs, olof.asta.farestveit@bofs.is
- Ólöf Ásta Farestveit, forstjóri Barna- og fjölskyldustofu, samskiptaradgjafi@samskiptaradgjafi.is