Samband íslenskra sveitarfélaga óskar eftir að ráða drífandi og metnaðarfullan einstakling í öfluga liðsheild til að gegna ábyrgðarmiklu starfi á rekstrar- og útgáfusviði.
Leitað er að einstaklingi sem hefur til að bera frumkvæði, sjálfstæði, ríka þjónustulund, hæfni í mannlegum samskiptum, vilja til teymisvinnu, nákvæmni í vinnubrögðum og forystu- og skipulagshæfileika. Jafnræðis er gætt í hvívetna við ráðningu og leitast er við að starfsmannahópurinn endurspegli fjölbreytileika samfélagsins.
Helstu verkefni og ábyrgð
- Yfirumsjón með fjárhagsbókhaldi, viðskiptamannabókhaldi og lánardrottnabókhaldi sambandsins og samstarfsstofnana
- Umsjón með færslu bókhalds, framkvæmd afstemmingar, gerð vsk uppgjörs og launaútreiknings
- Ábyrgð á mánaðarlegu uppgjöri og gerð árshluta- og ársreikninga
- Greining á fjárhagsupplýsingum, þátttaka í áætlunargerð og eftirfylgni með áætlun
- Aðstoð við stjórnendur, önnur svið sambandsins og Lánasjóð sveitarfélaga ohf.
Menntunar- og hæfniskröfur
- Menntun sem nýtist í starfið
- Viðurkenndur bókari er kostur
- Þekking og reynsla á færslu bókhalds, afstemmingu og uppgjörsvinnu er skilyrði
- Mjög góð tölvukunnátta og færni í Excel
- Mjög góð þekking og reynsla af Dynamics 365 Business Central (NAV)
- Nákvæm, skipulögð, sjálfstæð vinnubrögð og lausnamiðuð hugsun
- Rík þjónustulund, samskiptahæfni og jákvætt hugarfar
Um er að ræða fullt starf. Umsóknarfrestur er til og með 28. ágúst. Sótt er um starfið á alfred.is eða með því að senda tölvupóst með ferilskrá og kynningarbréfi á netfangið samband@samband.is.
Nánari upplýsingar
Nánari upplýsingar veitir Valur Rafn Halldórsson sviðsstjóri rekstrar- og útgáfusviðs sambandsins, netfang: valur@samband.is og Þórdís Sveinsdóttir, lánastjóri Lánasjóðs sveitarfélaga, netfang: thordis@lanasjodur.is, og eða í síma 515-4900.
Vinnustaðurinn
Samband íslenskra sveitarfélaga er framsækinn vinnustaður sem býður upp á opið vinnuumhverfi, samheldinn starfsmannahóp og skapar starfsmönnum gott svigrúm til starfsþróunar. Samband íslenskra sveitarfélaga er heilsueflandi vinnustaður og leggur ríka áherslu á að vinnustaðurinn sé fjölskylduvænn. Boðið er upp á góða vinnuaðstöðu og kost á fjarvinnu eftir því sem við á.