Landskjörstjórn afhenti dómsmálaráðuneytinu skýrslu sína um undirbúning og framkvæmd sveitarstjórnarkosninganna sem fóru fram 14. maí 2022.
![](https://www.samband.is/wp-content/uploads/2022/10/skyrsallandskjorstjornar.png)
Skýrsla landskjörstjórnar um undirbúning og framkvæmd sveitarstjórnarkosninga 14. maí 2022 kom út nýverið og var hún afhent dómsmálaráðuneytinu í dag.
Þetta eru tímamót fyrir skrifstofu landskjörstjórnar sem sett var á fót með gildistöku kosningalaga í byrjun þessa árs. Um er að ræða skil á fyrstu skýrslu landskjörstjórnar til ráðherra um undirbúning og framkvæmd kosninga en samkvæmt lögunum skal ráðherra leggja skýrsluna fyrir Alþingi.
Í skýrslunni er meðal annars sagt frá hlutverki, skipan og starfsemi landskjörstjórnar það sem af er ári og fjallað um undirbúning og framkvæmd sveitarstjórnarkosninganna 14. maí 2022.