Samninganefndir Sambands íslenskra sveitarfélaga og Félags grunnskólakennara undirrituðu nýjan kjarasamning í gær, 7. október. Samningurinn er í samræmi við lífskjarasamninga sem gerðir hafa verið við önnur stéttarfélög.
Kjarasamningurinn er skammtímasamningur og gildir út árið 2021. Nú fer í hönd kynning á og atkvæðagreiðsla um kjarasamninginn meðal félagsmanna FG. Niðurstaða atkvæðagreiðslu um samninginn mun liggja fyrir þann 23. október næstkomandi.
Kjaraviðræður aðila fóru að mestu leyti fram á fjarfundum og vill samninganefnd sambandsins koma á framfæri þökkum til samninganefndar FG fyrir samstarfið við kjarasamningagerðina.
![](https://www.samband.is/wp-content/uploads/2020/10/20201007_223735-1024x768.jpg)