Fréttir og tilkynningar: mars 2013

Stofnfundur sameiginlegrar ráðgjafarnefndar Íslands og Svæðanefndar Evrópusambandsins var haldinn mánudaginn 4. mars sl. í borgarstjórnarsal Ráðhúss Reykjavíkur.

Nánar...

Fyrirhuguð er morgunverðarfundaröð, í framhaldi af HringÞingi um menntun innflytjenda, í samstarfi mennta- og menningarmálaráðuneytis, Sambands íslenskra sveitarfélaga, Fjölmenningarseturs og Reykjavíkurborgar
Fyrsti morgunverðarfundurinn verður haldinn föstudaginn 5. apríl kl. 8-10 á Grand hótel Reykjavík.

Nánar...

Í hádeginu í dag, föstudaginn 22. mars, undirrituðu Katrín Júlíusdóttir fjármála- og efnahagsráðherra og fulltrúar landshlutasamtaka samning um sóknaráætlanir landshluta. Með undirritun samninganna er brotið blað í sögu samskipta landshlutasamtakanna við Stjórnarráðið þegar kemur að úthlutun opinberra fjármuna til einstakra verkefna innan landshluta.

Nánar...

Mennta- og menningarmálaráðuneytið hefur birt seinni hluti aðalnámskrár grunnskóla fyrir einstök greinasvið á vefsíðu ráðuneytisins. Honum er bætt aftan við almenna hluta námskrárinnar sem heitir nú: Aðalnámskrá grunnskóla almennur hluti 2011 og greinasvið 2013. Lögformleg útgáfa verður birt í stjórnartíðindum fljótlega. Útgáfa aðalnámskrár fyrir greinasvið grunnskóla er lokaáfangi í heildarendurskoðun á aðalnámskrám fyrir leik-, grunn- og framhaldsskóla sem hófst í kjölfar heildarendurskoðunar laga fyrir þessi skólastig.

Nánar...

Aldís Hafsteinsdóttir, bæjarstjóri í Hveragerði, gerði breytingar í skólastarfi að umræðuefni í ræðu sem hún flutti á landsþingi sambandsins í morgun. Taldi hún ósanngjarnt þegar því væri haldið fram að sveitarstjórnarmenn hafi ekki vit á hinu eða þessu atriðinu af því að þeir væru ekki „fagmenn“ í viðkomandi grein.

Nánar...

Halldór Halldórsson, formaður Sambands íslenskra sveitarfélaga, setti XXVII. landsþing sambandsins á Grand hótel í Reykjavík í morgun. Í setningarræðu sinni varð honum tíðrætt um málefni grunnskólans.

Nánar...

XXVII. landsþing Sambands íslenskra sveitarfélaga verður sett á Grand hótel í Reykjavík nú kl. 9.30. Yfirskrift þingsins er „Áfram veginn“ en landsþingið í ár er síðasta landsþing kjörtímabils þeirra sveitarstjórna sem nú sitja, 2010-2014.

Nánar...

Samband íslenskra sveitarfélaga boðar til málþings í tengslum við landsþingið sem mun byggjast á þeim námsferðum sem farnar hafa verið undanfarin tvö ár til að kynna sér byggðamál í aðildarríkjum ESB. Málþingið á erindi við kjörna fulltrúa í sveitarfélögum og aðra yfirstjórnendur, svo og stjórnendur og starfsmenn landshlutasamtaka sveitarfélaga og atvinnuþróunarfélaga.

Nánar...

Frumvarpið felur í sér heildarendurskoðun á gildandi lögum, nr. 69/2002. Unnið hefur verið að málinu um alllanga hríð og var nokkuð samráð haft við sambandið um ýmis efnisatriði þess. Sambandið gerir alvarlega athugasemd við að frumvarp til svo umfangsmikillar heildarlöggjafar sé lagt fram jafn seint og raun ber vitni, án þess að því sé jafnframt lýst yfir að framlagningin sé til kynningar. Nánar...