Uppfærðar forsendur taka að mestu mið af þjóðhagsspá Seðlabanka Íslands frá því í ágúst. Á grunni þeirrar spár framlengir fjármála- og efnahagsráðuneytið spátímabilið og spáir fyrir um þróun útsvarsstofns sveitarfélaga. Þá er einnig stuðst við þjóðhagsspár greiningardeilda viðskiptabankanna, auk mannfjöldaspár Hagstofunnar og Byggðastofnunar. 

Spárnar gefa vísbendingar um skattheimtu og útgjaldaþróun sveitarfélaga á komandi árum. Ætlun Sambands íslenskra sveitarfélaga með minnisblaði um forsendur fjárhagsáætlana er að styðja við fjárhagsáætlunargerð sveitarfélaga en fjárhagsáætlun skal fylgja upplýsingar um þær forsendur sem byggt er á.  

Í minnisblaðinu er spátímabilið fimm ár (2027-2031) því samkvæmt nýjum sveitarstjórnarlögum sem liggja fyrir þinginu er lagt til að áætlanagerð sveitarfélaga nái til fimm ára. Frumvarpið hefur þó ekki verið afgreitt. 

Hér má finna uppfærðar forsendur fjárhagsáætlana.

Forsendur fjárhagsáætlana 2027-2030 hafa verið uppfærðar á vef Sambandsins. 

Uppfærðar forsendur fjárhagsáætlana

Stjórnun og eftirlit í parasamböndum ungs fólks fer mikið fram í gegnum símann.

Það gerir hana bæði auðveldari og ósýnilegri en áður. Í dag er hægt fylgjast með einhverjum allan sólarhringinn án þess að nokkur taki eftir því.

Horfðu á myndbandið á vefnum Stopp ofbeldi.

Á vefnum Stopp ofbeldi! er að finna hugmyndir að fræðsluefni fyrir börn, foreldra og starfsfólk um kynbundið ofbeldi og áreiti. Í nýjasta myndbandinu er fjallað um stafræna stjórnun í parasamböndum.

Gervigreind og djúpfölsun

Umhverfis-, orku- og loftslagsráðuneytið hefur gefið út nýja aðgerðaáætlun um líffræðilega fjölbreytni fyrir árin 2026–2030. Áætlunin markar fyrsta áfanga í innleiðingu á stefnu Íslands um líffræðilega fjölbreytni og inniheldur aðgerðir á sviði verndar og endurheimtar vistkerfa, þekkingar og vöktunar, landnýtingar og stjórnsýslu.

Sérstaklega er vert að vekja athygli sveitarfélaga á aðgerð 5.1, Samstarf og stuðningur við sveitarfélög, sem miðar að því að efla hlutverk og aðkomu sveitarfélaga að verkefnum sem varða líffræðilega fjölbreytni. Gert er ráð fyrir samstarfsverkefni ríkis og sveitarfélaga þar sem þróuð verða verkfæri, verklag og dæmi um lausnir sem sveitarfélög geta nýtt til að samþætta sjónarmið um líffræðilega fjölbreytni betur inn í skipulagsvinnu.

Aðgerðin felur þannig ekki í sjálfu sér í sér ný lögbundin verkefni fyrir sveitarfélög, heldur er henni ætlað að styðja sveitarfélög við að taka tillit til líffræðilegrar fjölbreytni í skipulagi og landnotkun. Meðal þess sem stendur til að þróa eru leiðbeiningar og staðlaður gátlisti fyrir skipulagsvinnu, yfirlit yfir gögn og kortasjár, verklag við mat á verndargildi vistgerða og dæmi um góðar lausnir. Þá er gert ráð fyrir miðlun niðurstaðna til sveitarfélaga með vinnustofum og einskonar lausnabanki.

Hluti aðgerðarinnar verður tilraunaverkefni þar sem unnið verður með áskoranir sem tengjast meðal annars landnotkun, vernd og endurheimt vistkerfa og skipulagi strandsvæða. Þar verður einnig horft til þess hvernig móta megi stefnu um landnotkun með hliðsjón af bestu fáanlegu þekkingu um líffræðilega fjölbreytni, verndargildi og ástandi vistkerfa. Nákvæmt fyrirkomulag framkvæmdarinnar liggur ekki fyrir að svo stöddu en aðgerðin er í undirbúningi og er gert ráð fyrir framkvæmd hennar á árunum 2027–2029.

Þátttaka Sambandsins í samráðsferlinu

Sambandið tók virkan þátt í samráði við mótun stefnunnar og sveitarfélögum var meðal annars boðið til sérstaks samráðsfundar vorið 2025 þar sem rætt var um landnotkun og skipulag í þágu líffræðilegrar fjölbreytni og hlutverk sveitarfélaga við náttúruvernd og endurheimt. Sambandið skilaði jafnframt umsögn við mótun stefnunnar þar sem meðal annars var lögð áhersla á faglegan og fjárhagslegan stuðning við sveitarfélög, gott samráð og að breytingar gerðu skipulagsferli sveitarfélaga ekki flóknari eða seinvirkari.

Sambandið mun fylgjast áfram með útfærslu aðgerðarinnar með hagsmuni sveitarfélaga að leiðarljósi.

Ný aðgerðaáætlun um líffræðilega fjölbreytni: Aukinn stuðningur við sveitarfélög

Í fræðslunni verður farið yfir upplýsingarétt kjörinna fulltrúa og samspil upplýsingarréttar sveitarstjórnarlaga við upplýsingalög og lög um persónuvernd og vinnslu persónuupplýsinga. Fræðslan hentar bæði nýjum og reynslumiklum kjörnum fulltrúum. 

Fyrirlesari er Bryndís Gunnlaugsdóttir, lögfræðingur á þjónustusviði Sambandsins.  

Tengill á Zoom verður sendur til skráðra þátttakenda að morgni fræðsludags.

Ráðhúsfræðslan þann 10. nóvember kl. 12:00 mun fjalla um upplýsingarétt kjörinna fulltrúa. Nauðsynlegt er að skrá sig á fræðsluna.

Leitarniðurstöður

Upplýsingaréttur kjörinna fulltrúa

Leitarniðurstöður

Upp­lýs­inga­rétt­ur kjör­inna full­trúa

Upplýsingaréttur kjörinna fulltrúa