Beint streymi frá fundinum

Léttur morgunverður í boði frá kl. 8:30 og dagskrá hefst kl. 8:50. 

Á fundinum verður ný greining Sambandsins á stuðningi sveitarfélaga við íþróttastarf í landinu kynnt auk þess sem Vésteinn Hafsteinsson, afreksstjóri ÍSÍ, mun segja frá samvinnu ÍSÍ og sveitarfélaga um allt land. Þá verða pallborðsumræður með fulltrúum íþróttahreyfingarinnar, sveitarfélaga og stjórnvalda. Áætlað er að fundinum ljúki kl. 10:30.

Dagskrá morgunfundar Sambandsins og ÍSÍ um íþróttir 

8:50: Jón Björn Hákonarson, formaður Sambands opnar fundinn. 

9:00: Ávarp. Forseti/framkvæmdastjóri ÍSÍ. 

9:10: Óskar Þór Ármansson, teymisstjóri íþrótta hjá mennta- og barnamálaráðuneytinu.  

9:20: Saga Guðmundsdóttir, aðalhagfræðingur Sambandsins. Greining um stuðning sveitarfélaga við íþróttastarf. 

9:40: Vésteinn Hafsteinsson, ráðgjafi í Afreksmiðstöð Íslands.  

Samband íslenskra sveitarfélaga og ÍSÍ standa fyrir morgunfundi um íþróttir á Grand hótel þann 19. maí. Streymt verður beint frá fundinum. 

Morg­un­fund­ur um íþrótt­ir 19. maí - beint streymi

Umhverfis- og innviðanefnd Sambandsins hefur nú tekið til starfa og sitja eftirfarandi fulltrúar í nefndinni:

Nefndin er ráðgefandi fyrir stjórn Sambandsins í umhverfis- og innviðamálum sveitarfélaga. Helstu verkefni nefndarinnar eru m.a. umhverfis- og loftlagsmál, fráveitumál, skipulags- og húsnæðismál, náttúruvernd, orkumál og samgöngumál. Mun nefndin taka þátt í undirbúningi stefnumörkunar Sambandsins á þessum sviðum, og veita álit á stefnumótun, frumvörpum og opinberum áætlunum, vekja athygli á málum sem þarfnast úrlausnar á vettvangi Sambandsins og vera til ráðgjafar varðandi ýmis mál og viðburði sem tengjast málefnasviðinu. Þannig styrkir nefndin umhverfis- og innviðateymi Sambandsins í sínum störfum og er ráðgefandi um markmið og verkefni teymisins. Formaður nefndarinnar er jafnframt tengiliður hennar inn í stjórn Sambandsins.

Nefndin mun funda eftir þörfum og verður hægt að nálgast fundargerðir á vef Sambandsins.

„Það er virkilega spennandi að fá að vinna með öflugu fólki í nefndinni og sveitarfélögum um land allt að því að móta framtíðarsýn og lausnir í umhverfis- og innviðamálum, með sjálfbæra þróun og öfluga innviði að leiðarljósi.“ - Hjördís Ýr Johnson, formaður umhverfis- og innviðanefndar Sambands íslenskra sveitarfélaga

Umhverfis- og innviðanefnd Sambandsins hefur nú tekið til starfa og mun hún sinna ráðgefandi hlutverki fyrir stjórn Sambandsins í umhverfis- og innviðamálum sveitarfélaga.

Umhverfis- og innviðanefnd Sambandsins tekur til starfa

Annars vegar er um að ræða frumvarp til laga um breytingu á lögum um tekjustofna sveitarfélaga, nr. 4/1995 o.fl. (skattlagning orkumannvirkja), og hins vegar er um að ræða frumvarp til laga um breytingu á sveitarstjórnarlögum (endurskoðun sveitarstjórnarlaga). Frestur til að veita umsögn um áformin er til 9. júní nk.

Markmið breytinga á lögum um tekjustofna sveitarfélaga er að tryggja sanngjarnari hlutdeild nærsamfélaga í ávinningi af raforkuframleiðslu og auka sjálfbærni sveitarfélaga. Í því skyni verður lagt til að fella úr gildi undanþágu rafveitna (vatnsafls-, jarðvarma- og vindaflsvirkjana) frá fasteignamati og að settar verði reglur um hvernig tekjum af fasteignaskatti verði dreift til sveitarfélaga þegar rafveita og áhrifasvæði hennar nær yfir tvö eða fleiri sveitarfélög.


Markmið breytinga á sveitarstjórnarlögum er m.a. að tryggja að sveitarstjórnarlögin fylgi framþróun sveitarstjórnarstigsins og að þau séu skýr og aðgengileg. Þá er einnig markmið með breytingunum að auka sjálfbærni sveitarfélaga. Breytingarnar snúa m.a. að almennum umbótum á I.-VI. kafla sveitarstjórnarlaga, reglum um fjármál sveitarfélaga og atvinnuþátttöku þeirra, eftirliti með sveitarfélögum, reglum um samvinnu, sjálfbærni sveitarfélaga og getu þeirra til að sinna lögbundnum verkefnum og fleira.

Samráðsferlið mun halda áfram á haustmánuðum þegar drög að frumvörpum verða kynnt í samráðsgátt stjórnvalda.

Mikilvægt er að sveitarstjórnarfólk, íbúar sveitarfélaga og hagaðilar taki virkan þátt í samráðinu um þessi áform. Samtalið er nauðsynlegt til að tryggja að löggjöf um sveitarfélög endurspegli raunveruleika og þarfir sveitarfélaga og virk þátttaka í samráði eykur líkurnar á að vel takist til. Sterkt sveitarstjórnarstig er forsenda þess að allir landsmenn njóti sambærilegrar þjónustu og jöfn tækifæri hvar sem þeir búa og er fólk því sérstaklega hvatt til að kynna sér áformin og taka þátt í samráðinu.

Skoða áform um breytingar á sveitarstjórnarlögum (endurskoðun sveitarstjórnarlaga)

Skoða áform um breytingar á lögum um tekjustofna sveitarfélaga (skattlagning orkumannvirkja)

Áform um lagabreytingar sem innviðaráðherra hyggst leggja fram á næsta haustþingi til að styrkja sveitarstjórnarstigið og auka sjálfbærni sveitarfélaga hafa verið birt í samráðsgátt stjórnvalda.

Áform um lagabreytingar á sviði sveitarstjórnarmála kynnt í Samráðsgátt

Nýr þáttur kemur út á tveggja vikna fresti og er hægt að hlusta á þættina á helstu hlaðvarpsveitum eins og Spotify og Apple Podcasts.

Tveir þættir eru nú þegar aðgengilegir, báðir í umsjón Bryndísar Gunnlaugsdóttir, lögfræðings á þjónustusviði. Í fyrsta þætti fær Bryndís til sín Arnar Þór Sævarsson, framkvæmdastjóra Sambandsins, sem fer yfir starfsemi Sambandsins og helstu verkefni. 

Í þætti tvö fær Bryndís síðan til sín Árna Sverri Hafsteinsson, sérfræðing hjá innviðaráðuneytinu í málefnum Jöfnunarsjóðs, en fyrir Alþingi er til umfjöllunar frumvarp um breytingar á jöfnunarsjóði. Fara þau Bryndís og Árni Sverrir yfir það hvað þessar breytingar þýða fyrir sveitarfélögin.

Ef þú skráir þig fyrir áskrift að hlaðvarpinu í þeirri hlaðvarpsveitu sem þú notar hlaðast nýir þættir sjálfkrafa inn á tækið þitt og áskriftin er að sjálfsögðu ókeypis.

Ráðhúsið, nýtt hlaðvarp Sambandsins er komið í loftið. Hlaðvarpið fjallar um sveitarstjórnarmál í víðum skilningi og verða efnistökin fjölbreytt, allt frá breytingum á Jöfnunarsjóði yfir stafræn mál.

Leitarniðurstöður

Ráðhúsið – nýtt hlaðvarp Sambandsins komið í loftið

Leitarniðurstöður

Ráð­hús­ið – nýtt hlað­varp Sam­bands­ins kom­ið í loft­ið

Ráðhúsið – nýtt hlaðvarp Sambandsins komið í loftið