Átakinu er hvort tveggja ætlað að hvetja fólk til að bjóða sig fram og hafa áhrif með því að kjósa í kosningunum. Sérstök áhersla verður lögð á hópa sem hingað til hafa tekið síður þátt. Samkomulag um átakið var undirritað í dag á grundvelli aðgerðar 8 í stefnumótandi áætlun í málefnum sveitarfélaga fyrir árin 2024-2028, sem hefur það að markmiði að stuðla að aukinni kosningaþátttöku og almennri lýðræðisþátttöku íbúa.

Hvatning til framboða og aukin vitund um sveitarstjórnarstigið

Í fyrri hluta átaksins verður lögð sérstök áhersla á að fá fjölbreyttan hóp einstaklinga til að bjóða sig fram til sveitarstjórna. Markmiðið er tvíþætt:

Hvetja nýtt fólk til þátttöku í stjórnmálum á sveitarstjórnarstigi, með áherslu á að virkja einstaklinga sem hingað til hafa ekki tekið virkan þátt.

Stuðla að framhaldi þátttöku núverandi kjörinna fulltrúa, þannig að þekking og reynsla haldist innan sveitarstjórna.

Jafnframt verður unnið markvisst að því að auka umræðu og vitund almennings um sveitarstjórnarstigið, hlutverk sveitarstjórnarfulltrúa og mikilvægi þess að hafa virka og fjölbreytta þátttakendur í lýðræðislegum ákvörðunum. Áhersla verður lögð á að ná til þeirra hópa sem hafa minnst tekið þátt í sveitarstjórnarmálum hingað til.


Í síðari hluta átaksins verður sjónum beint að því að hvetja almenning til að kjósa í sveitarstjórnarkosningunum sem haldnar verða laugardaginn 16. maí nk. Haldið verður áfram að fræða fólk um hlutverk sveitarstjórna, en nú með áherslu á rétt og skyldu íbúa til að nýta atkvæðisrétt sinn.

Sérstaklega verður dregið fram hvers vegna það skiptir máli að kjósa. Sveitarstjórnarstigið sinnir margvíslegri nærþjónustu sem hefur bein áhrif á daglegt líf íbúa – frá skipulagsmálum og grunnþjónustu til leik- og grunnskóla, velferðarþjónustu og félagslegra úrræða. Með því að nýta kosningarétt sinn fá íbúar tækifæri til að hafa áhrif á samfélag sitt, hvernig það þróast og hverjir taka ákvarðanir um þau málefni sem snerta þá helst.

Í þessum áfanga verður sérstök áhersla lögð á að virkja þá hópa sem hafa sýnt minnsta kosningaþátttöku, þar á meðal:

aðra íbúahópa sem hafa ekki nýtt kosningarétt sinn í sama mæli og aðrir.

Hægt er að kynna sér ítarefni um kosningarnar hér. 

Samband íslenskra sveitarfélaga og innviðaráðuneytið hafa hrundið af stað átaki sem miðar að því að auka þátttöku almennings um land allt í sveitarstjórnarkosningum vorið 2026 og styrkja lýðræðislega þátttöku á sveitarstjórnarstiginu.

Hafðu áhrif – taktu þátt

Skilyrði fyrir styrkveitingu er að fráveituframkvæmdin sé áfangi í heildarlausn á fráveitumálum sveitarfélags í samræmi við áætlun sem hlotið hefur samþykki umhverfis-, orku- og loftslagsráðuneytisins.

Styrkhæfar fráveituframkvæmdir eru framkvæmdir við safnkerfi fráveitna, hreinsivirki, dælustöðvar og útrásir. Einnig teljast styrkhæfar framkvæmdir við hreinsun ofanvatns, svo sem til að draga úr mengun af völdum örplasts en rannsóknir hafa sýnt að megnið af örplastmengun berst til sjávar með ofanvatni. Meðal skilyrða fyrir að fráveituframkvæmd teljist styrkhæf er að kostnaður hafi fallið til eftir 1. janúar 2020.

Kostnaður við útboð, fjármagns- og lántökukostnaður og kaup á löndum og lóðum vegna framkvæmda í fráveitumálum teljast ekki styrkhæf. Sama gildir um hefðbundið viðhald og endurbætur á eldri fráveitukerfum. Þó eru endurbætur á eldri kerfum styrkhæfar, ef tilgangurinn með endurbótunum er að kerfin standist gildandi kröfur laga og reglugerða.

Styrkfjárhæð nemur að jafnaði 20% af staðfestum heildarkostnaði styrkhæfrar fráveituframkvæmdar. Styrkfjárhæð skal þó aldrei verða hærri en 30% af heildarkostnaði og að jafnaði ekki lægri en 15%.

Umsóknir á eyðublaðavef Stjórnarráðsins

Umsækjendum er gert að sækja um á rafrænu formi á eyðublaðavef Stjórnarráðsins.

Umsækjendur skrá sig inn með rafrænum skilríkjum og finna þar viðeigandi eyðublað undir umhverfis-, orku- og loftslagsráðuneyti.

Umsóknum skal fylgja verk- og tímaáætlun fyrir þá áfanga framkvæmdar sem sótt er um styrk fyrir og uppfærðar upplýsingar um framkvæmdina og kostnað frá samþykktri áætlun eftir því sem við á, auk afrita af greiddum reikningum eftir atvikum.

Miðað er við að greiðsla styrkja fari fram um mitt ár 2026 og í janúar 2027 - og þurfa gögn að berast annars vegar fyrir lok maí og hins vegar fyrir 15. janúar 2027.

Fyrirvari er um að greiðslur styrkja verði eftir því sem fjárheimildir leyfa.

Styrkir verða einungis greiddir út á grundvelli þegar greiddra reikninga.

Upplýsingar um útgreiðslu styrkja, útgreiðsluáætlun og útgreiðsluhlutfall verða birtar á vef ráðuneytisins.

Umsóknir sem ekki uppfylla skilyrði auglýsingar og úthlutunarskilmála samkvæmt reglugerð um úthlutun styrkja til fráveitna sveitarfélaga, nr. 1424/2020, verða ekki teknar til umfjöllunar.

Nánari upplýsingar má nálgast hjá umhverfis-, orku- og loftslagsráðuneytinu: urn@urn.is

Umhverfis-, orku- og loftslagsráðuneytið hefur opnað fyrir umsóknir sveitarfélaga um styrki til fráveituframkvæmda, en í fjárlögum 2026 er gert ráð fyrir að 378 m.kr. verði varið til þess að styrkja sveitarfélög vegna fráveituframkvæmda. Umsóknarfrestur vegna styrkjanna er til og með 9. febrúar 2026.

Auglýst eftir umsóknum um styrki til fráveituframkvæmda

Segja má að leiðir Sturlu og Sambandsins hafi legið saman í ríflega 40 ár. Hann var sveitarstjóri og síðar bæjarstjóri í Stykkishólmi frá 1974 til 1991 er hann var kjörinn á þing, þar sem hann varð síðar samgönguráherra 1999-2007. Hann sneri aftur í stól bæjarstjóra kjörtímabilið 2014-2018. Hann átti sæti í fulltrúaráði Sambands íslenskra sveitarfélaga 1978-1990, formaður Samtaka sveitarfélaga á Vesturlandi 1981-1982 og formaður stjórnar Hafnasambands sveitarfélaga 1988-1994.

Stjórn og starfsfólk Sambands íslenskra sveitarfélaga og Hafnasambands Íslands senda Hallgerði Gunnarsdóttur, eiginkonu Sturlu, og börnum þeirra okkar dýpstu samúðarkveðjur.

Sturla á Hafnasambandsþingi 2014 en þá var hann kominn aftur í stól bæjarstjóra í Stykkishólmi. Með honum á myndinni eru Eyrún Ingibjörg Sigþórsdóttir, bæjarstjóri Dalvíkurbyggðar, og Karl Björnsson þáverandi framkvæmdastjóri Sambands íslenskra sveitarfélaga.

Sturla Böðvarssonvar lést laugardaginn 10. janúar sl. Sturla var öflugur sveitarstjórnarmaður á hafði mikinn og einlægan áhuga á samfélagsmálum og því hvernig hægt væri að vinna að bættum hag landsbyggðarinnar.

Sturla Böðvarsson látinn

Hægt er að senda inn tilnefningu til Orðsporsins 2026 í gegnum þennan tengil hér. Frestur til að senda inn tilnefningu er til 2. febrúar 2026.

Að Orðsporinu standa Félag leikskólakennara, Félag stjórnenda leikskóla, mennta- og barnamálaráðuneytið, Samband íslenskra sveitarfélaga og Heimili og skóli. 

Verðlaunin eru veitt árlega á Degi leikskólans, 6. febrúar, fyrir framúrskarandi skólastarf eða umbætur og þróun í menntamálum eða í kennsluháttum á leikskólastiginu. 

Leitarniðurstöður

Óskað er eftir tilnefningum til Orðsporsins 2026

Leitarniðurstöður

Ósk­að er eft­ir til­nefn­ing­um til Orð­spors­ins 2026

Óskað er eftir tilnefningum til Orðsporsins 2026