Dagskráin var fjölbreytt og veitti þátttakendum víðtæka innsýn í þróun og innleiðingu stafrænna verkefna í Danmörku. Kynnt var hvernig danska sambandið (KL) leiðir sameiginlegar stafrænar lausnir og hvernig upplýsingatæknirekstur sveitarfélaga verða sameinaður í færri einingar. Þá fengu þátttakendur að kynnast starfsemi KOMBIT sem gegnir lykilhlutverki við samræmingu og innleiðingu sameiginlegra lausna. Auk þess fengum við innsýn í fjármál sveitarfélaga og nýtingu gagna til samanburðar og stefnumótunar.

Sérstaka athygli vakti heimsókn til Glostrup þar sem kynnt var hvernig velferðartækni er nýtt í þjónustu við aldraða og hvernig tæknin hefur bætt bæði vinnuumhverfi starfsfólks og þjónustu við íbúa. Þá var einnig áhersla lögð á samstarf sveitarfélaga á höfuðborgarsvæðinu í Kaupmannahöfn, þar sem þátttakendur fengu að sjá hvernig samvinna um stafræna þróun hefur skilað árangri. Í Gladsaxe kynntu fulltrúar sveitarfélagsins hvernig gervigreind er nýtt til að auka skilvirkni, meðal annars með sjálfvirkum bókhaldslausnum og verkfærum sem styðja félagsráðgjafa í samskiptum við íbúa.

Þátttakendur lýstu ánægju með ferðina og bentu á að hún hafi veitt bæði innblástur og hagnýta sýn á hvernig samstarf, nýsköpun og markviss stefna geta skilað árangri í stafrænni umbreytingu sveitarfélaga. Þá var upplifunin sú að Danir hafi byggt upp öflugt samstarf sem auðveldar framgang verkefna og geti íslensk sveitarfélög dregið af því mikilvægan lærdóm til framtíðar.

Í byrjun september fóru 47 fulltrúar frá sautján sveitarfélögum í námsferð til Danmerkur þar sem sjónum var beint að stafrænni umbreytingu í opinberri stjórnsýslu. Ferðin var skipulögð í samstarfi Sambands íslenskra sveitarfélaga og Samtaka stjórnenda á stjórnsýslu- og fjármálasviðum sveitarfélaga (SSSFS) og var markmiðið að öðlast dýpri skilning á því hvernig danskir jafningjar nýta stafrænar lausnir til að bæta þjónustu og auka skilvirkni.

Sveitarfélög í námsferð til Danmerkur um stafræna umbreytingu

Hagvöxtur hefur undanfarið verið knúinn áfram af hraðri fólksfjölgun sem hefur aukið álag á opinbera innviði og þjónustu. Sambandið er tekur undir með ríkisstjórninni að efla þarf opinbera fjárfestingu því opinberir innviðir eru undirstaða verðmætasköpunar.   

Sveitarfélög eru þriðjungur hins opinbera. Samtal ríkis og sveitarfélaga er því lykilforsenda árangursríkrar atvinnustefnu. Með virku samtali og samstarfi skapast heildstæð sýn á atvinnuþróun og  nýsköpun sem stuðlar að jafnvægi í atvinnu- og byggðaþróun.   

Sambandinu hlakkar til samtals við ríkið um það hvernig sveitarfélög geta lagt sitt  af mörkum í að styðja við meiri hagvöxt hér á landi á komandi árum.

Sambandið fagnar áformum stjórnvalda til að styðja við meiri verðmætasköpun í landinu og auka lífskjör fyrir íbúa um allt land.

Atvinnustefna jákvætt skref

Þátttökugjald á ráðstefnuna í ár er 30.900 krónur. 

Í tilefni af 80 ára afmæli Sambandsins efnum við til veglegs hátíðarkvöldverðar fyrir kjörna fulltrúa í sveitarstjórnum og starfsfólk sveitarfélaga á Hilton að kvöldi fimmtudagsins 2. október. Þátttökugjald í hátíðarkvöldverðinn er 10.000 krónur.

Verið er að leggja lokahönd á dagskrá ráðstefnunnar og verður hún birt á vef okkar um leið og hún liggur fyrir. 

Skráning á fjármálaráðstefnu fer fram hér. 

Opnað hefur verið fyrir skráningu á fjármálaráðstefnu sveitarfélaga sem haldin verður á Hilton Reykjavík Nordica 2. og 3. október 2025.

Opið fyrir skráningu á fjármálaráðstefnu 2025

Umsækjendum er gert að skila inn umsóknum á rafrænu formi á heimasíðu Sambands íslenskra sveitarfélaga. Umsóknarfrestur er til kl. 15:00 14. október 2025.

Nánari upplýsingar er að finna á vefsíðu Námsleyfasjóðs.

Námsleyfasjóður hefur opnað fyrir umsóknir um námsleyfi grunnskólakennara og stjórnenda grunnskóla fyrir skólaárið 2026-2027.

Leitarniðurstöður

Opið fyrir umsóknir í Námsleyfasjóð 2026-2027

Leitarniðurstöður

Opið fyr­ir um­sókn­ir í Náms­leyfa­sjóð 2026-2027

Opið fyrir umsóknir í Námsleyfasjóð 2026-2027