Tilgangurinn er að tryggja sameiginlega yfirsýn varðandi þróun og innleiðingu stafrænna lausna, uppbyggingu gagnainnviða, til öflunar og nýtingu gagna í þágu farsældar barna og aukinna gæða í skóla- og frístundastarfi. Guðmundur Ingi Kristinsson, mennta- og barnamálaráðherra, og Jón Björn Hákonarson, formaður Sambands íslenskra sveitarfélaga, undirrituðu nýverið samkomulag þess efnis. Markmiðið er að ná yfirsýn yfir aðstæður barna og þjónustuþörf þeirra og fjárfestingu í aðgerðum í þágu barna með traustum gögnum og mælanlegum markmiðum, sem varpa ljósi á stöðu og farsæld barna og nýta til gagnadrifinnar stefnumörkunar.  

 Umfang gagnasöfnunarinnar er fordæmalaus og nær til allra þjónustuaðila á vegum hins opinbera þvert á stjórnsýslustig. Með samkomulaginu sammælast aðilar um samstarf um skipulag gagnamála, öflun, geymslu, vinnslu og deilingu gagna frá ólíkum þjónustustofnunum er varðar málefni og velferð barna. Haft verður víðtækt samstarf við lykilaðila og aðila sem starfa í þágu barna, til dæmis háskóla, stofnanir, frjáls félagasamtök, og einkaaðila sem vinna að málefnum barna og menntafyrirtækja.  

 „Málefni barna, þar með talið fræðslumál, eru stærsti málaflokkurinn á vegum sveitarfélaganna. Þetta eru því stór og ánægjuleg skref í samstarfi ríkis og sveitarfélaga við að ná  yfirsýn yfir málaflokkinn og styrkja grunnstoðir í gagnainnviðum og stafrænni þróun. Samkomulagið markar mikilvægan áfanga í  stafrænum málum ríkis og sveitarfélaga sem mun gagnast okkur við að taka ákvarðanir á faglegum grunni og vonandi verða fleiri slík skref stigin með fleiri ráðuneytum í sameiginlegum málum,“ segir Jón Björn Hákonarson, formaður Sambands íslenskra sveitarfélaga. 

„Það eru gleðitíðindi að ná fram þessum áfanga. Til að framfarir gerist hratt þarf að geta skoðað gögn og ferli og haft yfirsýn, því þurfum við víðtækara samstarf en verið hefur, að ná fólki saman og að allir séu sammála. Við viljum sjá hvar skórinn kreppir til að geta brugðist hratt við og metið inngrip. Samkomulagið markar stórt skref í þessa átt og í sameiginlegri vegferð ríkis og sveitarfélaga í stafrænni þróun, börnum og skólakerfinu til hagsbóta,“ segir Guðmundur Ingi Kristinsson, mennta- og barnamálaráðherra.    

 Til að fylgja samkomulaginu eftir verður skipaður sameiginlegur stýrihópur með fulltrúum frá mennta- og barnamálaráðuneytinu og Sambandinu innanborðs. Stýrihópurinn skal gera tillögu að sameiginlegri yfirsýn að framtíð tengingu grunna og samhæfingu tæknilegra staðla og gagnainnviða, ásamt því að forgangsraða upplýsingum sem tengjast börnum og nýtast í stefnumörkun á sviði skólamála og farsældar barna. 

Samhliða og til stuðnings vinnu stýrihópsins, verður unnin kortlagning gagna sem opinberir aðilar og stofnanir safna með markvissum hætti og greining á því hvernig þau nýtast eða gætu nýst í þágu barna og hvaða gögn vantar til að fá fram heildarmynd.   

Mennta- og barnamálaráðuneytið og Samband íslenskra sveitarfélaga, fyrir hönd sveitarfélaga landsins, munu ráðast í víðtækt samstarf um uppbyggingu traustra gagnainnviða og stafræna þróun þvert á stjórnsýslustig.

Ríki og sveitarfélög sammælast um stafræna þróun og víðtæka nýtingu gagna í þágu barna 

Undanfarin ár hefur færst mjög í vöxt að einstaklingar flytji í frístundabyggð. Frístundabyggð er ekki ætluð til fastrar búsetu og frístundahús því ekki skilgreind sem íbúðarhúsnæði. Ef óvissa er um lögheimili er þó heimilt að skrá einstakling til lögheimilis í sveitarfélagi án tilgreinds heimilisfangs og er það sú skráning sem einstaklingar sem flytja í frístundahús fá samkvæmt þjóðskrá. 

Þessi staða veldur ákveðinni óvissu fyrir sveitarfélög enda ekki ljóst hvaða þjónustu sveitarfélögum ber að veita í slíkum tilfellum. 

Í stefnumörkun Sambandsins er að finna eftirfarandi áherslu: 

"Sambandið beiti sér fyrir breytingum á lögum um lögheimili og aðsetur þar sem sérstaklega verið litið til fjölgunar þeirra sem skrá lögheimili án tilgreinds heimilisfangs. Við útfærslu lagabreytinga verði unnið út frá þeirri meginreglu að skipulag sveitarfélaga ráði því hvar heimilt er að skrá lögheimili og einnig hvar sveitarfélögum er skylt að veita þjónustu við íbúa." 

Vinnustofan verður haldinn fimmtudaginn 11. september klukkan 10:30-14 á Hilton Reykjavík Nordica, Suðurlandsbraut 2, 108 Reykjavík. Nauðsynlegt er að skrá þátttöku á tenglinum hér að neðan. 

Sambandið býður sveitarfélögum að taka þátt í vinnustofu um skráningu lögheimilis í frístundabyggð. Vinnustofan er ætluð kjörnum fulltrúum og starfsfólki sveitarfélaga. 

Vinnustofa um skráningu lögheimilis án tilgreinds heimilisfangs 

Frá því snjóflóðin féllu á byggðirnar hefur verið unnið markvisst að byggingu varnarmannvirkja og aðlögun samfélaga að þeirri ógn sem þessi náttúruvá er. Verkfræðingafélag Íslands (VFÍ) minnist þessara atburða með því að halda næstu SNOW ráðstefnu á Ísafirði dagana 30. september til 3. október nk. 

Sambandið vill vekja athygli á þessari ráðstefnu og um leið minnast þessara atburða sem mörkuðu djúp spor í sögu lands og þjóðar. 

Ráðstefnan SNOW2025 er alþjóðleg ráðstefna um ofanflóðavarnir og ber nafnið: The International Symposium on Mitigation Measures against Snow Avalanches and other Rapid Gravity Mass Flows. 

Ráðstefnan hefur eftirfarandi megin þemu: 

Skipulag, hönnun, uppbygging og viðhald varnarmannvirkja.

Virkni varnargarða byggt á reynslu, tilraunum og tölulegum hermunum. 

Síðustu ráðstefnur hafa ekki aðeins laðað að sér fjölmarga íslenska þátttakendur heldur einnig töluverðan hóp erlendra vísindamanna og fagfólks á ofan nefndum sviðum. Ráðstefnan er ætluð fólki frá sveitarstjórnum, stjórnsýslu, rekstraraðilum skíðasvæða, vegagerð, mannvirkjahönnuðum, eftirlitsaðilum og fræðimönnum innlendum sem erlendum. 

 Skipuleggjendur ráðstefnunnar eru íslenskir og erlendir fagaðilar, þeir eru: Verkfræðingafélag Íslands, Vegagerðin, Skipulagsstofun, FSRE, Háskóli Íslands, COWI, NTNU í Þrándheimi, Norges Geotekniske Institutt NGI, SLF í Davos Sviss, og ORION Consulting slf. 

Á vefsíðu ráðstefnunnar má nálgast frekari upplýsingar. Áhugasamir eru hvattir til þess að kynna sér efni ráðstefnunnar og skrá sig á þennan áhugaverða atburð.

Í ár er þess minnst að 30 ár eru frá því að hin mannskæðu snjóflóð féllu í Súðavík og á Flateyri árið1995. Atburðirnir ullu ekki aðeins miklu manntjóni heldur einnig umtalsverðu eignatjóni og röskun á lífi fólks og starfsemi fyrirtækja. 

Snow 2025

Þátttökugjald á ráðstefnuna í ár er 30.900 krónur. 

Í tilefni af 80 ára afmæli Sambandsins efnum við til veglegs hátíðarkvöldverðar fyrir kjörna fulltrúa í sveitarstjórnum og starfsfólk sveitarfélaga á Hilton að kvöldi fimmtudagsins 2. október. Þátttökugjald í hátíðarkvöldverðinn er 10.000 krónur.

Verið er að leggja lokahönd á dagskrá ráðstefnunnar og verður hún birt á vef okkar um leið og hún liggur fyrir. 

Skráning á fjármálaráðstefnu fer fram hér. 

Opnað hefur verið fyrir skráningu á fjármálaráðstefnu sveitarfélaga sem haldin verður á Hilton Reykjavík Nordica 2. og 3. október 2025.

Leitarniðurstöður

Opið fyrir skráningu á fjármálaráðstefnu 2025

Leitarniðurstöður

Opið fyr­ir skrán­ingu á fjár­mála­ráð­stefnu 2025

Opið fyrir skráningu á fjármálaráðstefnu 2025