Sem skref í því að taka við Upplýsingaveitu sveitarfélaga og hýsingu gagnagrunnsins sem henni fylgir stefnir Sambandið að aukinni sjálfvirkni í skilum, bættum gæðum fjárhagsupplýsinga og aukinni samanburðarhæfni þeirra. Jafnframt er markmiðið að auka skila­tíðni og bæta endurgjöf til sveitarfélaga. 

Til þess að geta nýtt fjárhagsupplýsingar sveitarfélaga sem best þarf að uppfæra og þróa áfram þau gögn sem berast í gagnagrunninn. Margt hefur breyst í starfsemi sveitarfélaga á undanförnum árum og því þarf að auka kröfur um færslu á bókhaldi, fjölga kostnaðarstöðum meðal málaflokka og gera um leið skýrar leiðbeiningar til að auka samanburðarhæfni bókhaldsgagna. 

Með aðstoð frá starfsfólki sveitarfélaganna og þekkingu þeirra og reynslu á rekstri sveitarfélaga, færslu bókhalds og framsetningu á fjárhagsupplýsingum sveitarfélaga, hefur Sambandið farið í endurskoðun á ákvæði reglugerða og laga um framsetningu ársreikninga, fjárhagsáætlana og viðauka við fjárhagsáætlanir, ásamt ákvæðum sveitarstjórnarlaga um fjárhagsupplýsingar og með samræmi og samanburðarhæfni að leiðarljósi. Breytingarnar leggja grunn að nýrri Upplýsingaveita sveitarfélaga með uppfærðum málaflokkum og deildum við sundurliðun fjárhagsupplýsinga sveitarfélaga, samfellu í gögnum og bættu gæði gagna. 

Leiðbeiningar fyrir sveitarfélögin

Samband íslenskra sveitarfélaga mun nú í fyrsta sinn safna ársreikningum sveitarfélaga beint inn í nýja Upplýsingaveitu sveitarfélaga. Hagstofa Íslands mun einnig safna ársreikningunum fyrir árið 2025 með sama hætti og áður en á næsta ári mun Sambandið taka alfarið við söfnun þeirra. Með því að safna ársreikningunum á báðum stöðum fær Sambandið gott tækifæri til að sannreyna breytt fyrirkomulag. 

Bæði Sambandið og Hagstofa safna ársreikningum sveitarfélaga fyrir árið 2025

Sérstaklega verður horft til verkefna sem:

Stuðla að innkaupum sem styðja við endurnotkun og endurnýjun upplýsinga- og samskiptatæknibúnaðar.

Stuðla að hagræðingu í flutningum og sendingum svo hægt sé að auka hringrás í samgöngum, t.d. með lengingu líftíma ökutækja eða bættri flotastjórnun.

Stuðla að bættri innkaupahegðun sem styður við hringrásarhagkerfið á einhverjum eftirfarandi sviða: gagnasöfnun sem varpar ljósi á raunverulega kauphegðun, hönnun á aðferðum sem styðja innkaupastjóra við hringrásarstyðjandi innkaup eða innleiðing á aðgerðum sem styðja við hringrásarhegðun.

Næsti umsóknarfrestur er 1. júní 2026 og er frekari upplýsingar að finna á vefsíðu sjóðsins.

Sveitarfélög á Norðurlöndum geta sótt um styrki að andvirði allt að 14 milljóna íslenskra króna til að prófa hringrásarlausnir. Stutt er við verkefni sem ætlað er að einfalda ferla og aðferðir sem styðja við hringrásarhagkerfið opinberum innkaupum. Lausnirnar þurfa að vera nógu nýstárlegar til að vera ekki aðgengilegar á viðráðanlegu verði og aðgerðir geta ekki verið hluti af daglegum rekstri.

Styrkir til sveitarfélaga vegna opinberra innkaupa sem styðja við hringrásarhagkerfið

LIFE Icewater er viðamikið sex ára samstarfsverkefni 23 aðila sem hófst í fyrra og er styrkt af LIFE sjóði ESB. Styrkurinn sem fékkst er um 3,5 milljarðar króna og er ætlaður í vinnu við fjölbreytt verkefni til að flýta fyrir og bæta innleiðingu vatnaáætlunar á Íslandi.  Verkefninu er ætlað að auka þekkingu á notkun, eiginleikum og ástandi vatns á Íslandi, að tryggja fumlausa og samhæfða stjórnsýslu í vatnamálum, bæta vatnsgæði, svo sem með úrbótum á fráveitu og hreinsun fráveituvatns, og að fræða almenning og hagaðila um mikilvægi vatns.

Björg Ágústsdóttir, bæjarstjóri Grundarfjarðar, opnaði fundinn.

Á ársfundinum var farið yfir framvindu vinnupakka verkefnisins sem snúa að fjölbreyttum vatnamálum, allt frá vöktun yfirborðsvatns til tæknilegra úrbóta í fráveitumálum. Fundargestir fengu meðal annars kynningu og vettvangsferð um Grundarfjarðarbæ þar sem skoðaðar voru blágrænar ofanvatnslausnir sem Grundarfjarðarbær vinnur nú að sem lið í fráveitumálum sveitarfélagsins. Þar mátti skýrt sjá hvernig blágrænar ofanvatnslausnir bæta bæði umhverfi og styrkja innviði sveitarfélaga.

Nanna Vilborg Harðardóttir, verkefnisstjóri skipulags- og umhverfismála á Grundarfirði, segir frá blágrænum ofanvatnslausnum.

Seinni hluti fundarins snerist um framtíð vatnamála á Íslandi þar sem kynnt var vinna við nýja vatnaáætlun sem nú er í undirbúningi og mun taka gildi árið 2028. Umhverfis- og orkustofnun stýrði vinnustofu þar sem þátttakendur fundarins unnu saman að móta hugmyndir að aðgerðum fyrir nýja vatnaáætlun.

Eitt af verkefnum Sambandsins í Icewater verður að setja upp síðuna Strauma sem mun þjóna sem miðlægur og aðgengilegur gagnabanki fyrir sveitarfélög til að sækja sér leiðbeiningar og fræðslu í vatnamálum og mun einnig nýtast sem vettvangur fyrir sveitarfélögin sem taka þátt í Icewater til að deila því sem mun lærast í verkefninu með öðrum sveitarfélögum. 

Samband íslenskra sveitarfélaga tók nýverið þátt í öðrum ársfundi LIFE Icewater sem haldinn var Grundarfirði. Grundfirðingar tóku vel á móti um 60 gestum frá þeim sveitarfélögum, stofnunum og fyrirtækjum sem taka þátt í verkefninu og gestir voru hæstánægðir með móttökur heimamanna.  

Vatnamálin rædd á ársfundi Icewater

Markmið verðlaunanna er að auka veg menntaumbótastarfs og vekja athygli samfélagsins á metnaðarfullu og vönduðu skóla- og frístundastarfi með börnum og unglingum.

Framúrskarandi skóla- eða menntaumbætur, ein verðlaun veitt til skóla eða annarrar menntastofnunar.

Framúrskarandi kennari, ein verðlaun veitt til kennara.

Framúrskarandi þróunarverkefni, ein verðlaun. Til greina koma verkefni sem tengjast skóla- og frístundastarfi, listnámi eða öðru starfi með börnum og ungmennum.

Framúrskarandi iðn- og verkmenntun, ein verðlaun veitt kennara, námsefnishöfundi, skóla- og menntastofnun .

Hvatningarverðlaun til einstaklings, hóps eða samtaka sem þykja hafa skarað fram úr.

Tilnefningar skulu hafa borist fyrir 1. júní n.k.

Vakin er athygli á því að hægt er að fá ráðgjöf og aðstoð við tilnefningar með því að hafa samband við verkefnisstjóra verðlaunanna, Ingvar Sigurgeirsson, í síma 896 3829 eða í tölvupósti: ingvars(hja)hi.is

Frekar upplýsingar og tilnefningarform eru hér: https://skolathroun.is/menntaverdlaun/

Myndband frá Unni Ösp Guðmundsdóttur, verkefnastjóra á leikskólanum á Grænuvöllum, sem hlaut viðurkenningu 2025.

Er framúrskarandi kennari, verkefni og/eða menntaumbætur í þínu sveitarfélagi?  

Nú getur þú sent inn tillögur um tilnefningar til Íslensku menntaverðlaunanna 2026 sem veitt verða á Bessastöðum í nóvember næstkomandi.

Leitarniðurstöður

Opið fyrir tilnefningar til Íslensku menntaverðlaunanna 2026

Samband íslenskra sveitarfélaga

Leitarniðurstöður

Opið fyr­ir til­nefn­ing­ar til Ís­lensku mennta­verð­laun­anna 2026

Opið fyrir tilnefningar til Íslensku menntaverðlaunanna 2026