Kristian mun í erindi sínu fjalla um hvernig öflugt samstarf sveitarfélaga hefur skapað mikinn ábata og verið lykill að farsælli stafrænni þróun sveitarfélaga í Danmörku. Camilla mun fjalla um nýtingu gagna úr stafrænum lausnum sveitarfélaga, með áherslu á hvernig tryggja megi sveitarfélögum aðgengi að eigin gögnum.

Auk erinda sinna munu þau bæði taka þátt í pallborðsumræðum á ráðstefnunni. Við erum afar ánægð og þakklát fyrir að þau hafi þegið boð um þátttöku og hlökkum til að njóta reynslu þeirra og innsýnar.

Skráning er hafin á stafrænu ráðstefnuna og dagskráin er væntanleg á næstu dögum.

Skráning á stafræna ráðstefnu sveitarfélaga

Kristian Vengsgaard, framkvæmdastjóri KOMBIT, og Camilla Kragh, skrifstofustjóri velferðar og gagna hjá KOMBIT, koma til landsins til að taka þátt í stafrænni ráðstefnu sveitarfélaga sem fram fer 25. mars næstkomandi í Grósku, en KOMBIT er sameiginlegt stafrænt þróunar- og rekstrarfélag danskra sveitarfélaga sem vinnur að hönnun, innleiðingu og rekstri stafrænnar þjónustu fyrir sveitarfélögin.

Fulltrúar frá KOMBIT flytja erindi á stafrænni ráðstefnu sveitarfélaga

Niðurstöðurnar draga skýra mynd af ungmennum sem eru bæði tilbúin að leggja sitt af mörkum og greina frá því sem skiptir þau mestu máli í daglegu lífi og framtíðarsýn þeirra fyrir sín sveitarfélög.  

Í svörum þátttakenda kom fram sterk áhersla á að bæta samgöngur og aðgengi, tryggja öryggi í nærumhverfi og efla lýsingu og innviði. Þau lögðu einnig mikla áherslu á skólamál, jafnræði í námi, og aukna fræðslu. Íþróttaaðstaða, frístundastarf og félagsmiðstöðvar skipuðu jafnframt stóran sess, enda um mikilvægan hluta af lífsgæðum ungmenna að ræða. Mörg ungmenni lýstu einnig áhuga á formlegri þátttöku í stefnumótun, svo sem með virku samráði, áheyrnarfulltrúum og skýrara hlutverki ungmennaráða innan stjórnsýslu sveitarfélaga.  

Ungmenni bentu á að víða hefðu ungmennaráð þegar haft jákvæð áhrif á samfélagið, meðal annars með ábendingum um bætta strætóþjónustu, lýsingu í hverfum, umferðaröryggi og endurbætur á leik- og íþróttasvæðum. Einnig nefndu þau verkefni á sviði menntunar og velferðar. frá endurskoðun á reglum í grunnskólum, yfir í aukna sálfræðiþjónustu og fræðslu um andlega heilsu. Slík verkefni endurspegla skýrt vilja ungmenna til að byggja upp samfélag sem er öruggt, sanngjarnt og hvetjandi fyrir þau sjálf og jafnaldra sína.  

Þegar rætt var um hvað geri ungmennaráð öflug var niðurstaða ráðstefnunnar sú að reglulegir fundir, faglegur stuðningur frá starfsfólki sveitarfélaga og virkur áhugi kjörinna fulltrúa séu lykilforsendur. Ungmenni leggja áherslu á að það sé erfitt að vinna markvisst að málum ef fundir eru ekki reglulegir og raunverulegt samtal fari ekki fram. Þá skiptir máli að hafa góða aðstöðu, skýrt hlutverk og að þátttaka sé virt, meðal annars með sanngjarnri greiðslu fyrir fundarsetu. 

Það sem ungmennin telja hvetjandi í starfi ungmennaráða er þátttaka í viðburðum þar sem þau fá að mæta jafningjum og áhrifafólki. Ungmenna- og barnaþing, ráðstefnur eða fundir með öðrum ungmennaráðum, alþjóðleg verkefni, ferðir og norræn samskipti, sem og fundir með sveitarstjórnum og fulltrúum Alþingis, voru nefnd sem sterkustu hvatningaratriðin. Þegar þau taka þátt í slíkum vettvangi upplifa þau að rödd þeirra hafi vægi, að þau standi saman og séu hluti af stærri heild.  

Á sama tíma voru þátttakendur ófeimnir við að nefna þær áskoranir sem standa í vegi fyrir árangri, þar má nefna fundaskort, óreglulegt skipulag og takmarkað fjármagn. Einnig kom fram gagnrýni á að reglulega sé ekki hlustað nægilega á sjónarmið ungmenna eða ekki tekið mark á tillögum þeirra.  

Það var skýr afstaða ungmennaráða að þau vilja vera virk í stefnumótandi ákvarðanatöku sveitarstjórna í málaflokkum sem hafa bein áhrif á líf þeirra: samgöngur og strætó, menntamál, íþróttir og heilsuefling, frístundir, aðgengi að heilbrigðis- og sálfræðiþjónustu, öryggi í nærumhverfi og jafnrétti. Ungmenni kalla eftir því að vera hluti af reglubundinni og markvissri ákvarðanatöku, ekki aðeins sem hlustendur heldur þátttakendur með skýra og viðurkennda rödd.  

Ingimar Guðmundsson ræddi um stöðu ungmennaráða og ráðstefnuna í Ráðhúsinu, hlaðvarpi Sambandsins, í lok desember. 

Á ráðstefnu ungmennaráða sveitarfélaga, sem haldin var 5. desember síðastliðinn, komu saman rúmlega 150 fulltrúar ungmennaráða víðs vegar af landinu. Þar kom skýrt fram að ungt fólk vill gegna stærra hlutverki í mótun samfélagsins, taka virkan þátt í ákvarðanatöku og sjá sjónarmið sín fá raunverulegt vægi í stefnumótandi ákvarðanatöku sveitarstjórna.

Ungmenni um allt land kalla eftir skýrara hlutverki og auknum áhrifum

Markmiðið er að efla þekkingu opinberra aðila á bestum starfsháttum, draga úr hindrunum á samkeppni og styrkja varnir gegn samráði í útboðum.

Sambandið hvetur sveitarfélög eindregið til að taka þátt, enda snerta þessi mál beint daglegt starf sveitarstjóra, fjármálastjóra, innkaupafólks og annarra stjórnenda. Hægt verður að fylgjast með stórum hluta vinnustofanna í gegnum Teams, auk þess sem opni fundurinn verður í streymi.

Þriðjudagur 17. febrúar – Vinnustofa um samkeppnismat

Fyrsta vinnustofan fjallar um samkeppnismat á lögum og reglum, með áherslu á leiðir til að draga úr reglubyrði og stuðla að skilvirkari stjórnsýslu. Sérfræðingar frá OECD leiða vinnustofuna. Dagskrá má finna hér og skráning fer fram hér. 

Miðvikudagur 18. febrúar – Vinnustofa um opinber útboð

Önnur vinnustofan beinist að opinberum innkaupum og aðgerðum gegn samráði í útboðum, sem er eitt helsta alþjóðlega áhættusvæði í opinberri starfsemi. Sérfræðingur OECD mun stýra vinnustofunni. Dagskrá má finna hér og skráning hér. 

Fimmtudagur 19. febrúar – Opinn fundur um samkeppni og hið opinbera

Vikunni lýkur með opnum fundi þar sem fjallað verður almennt um samkeppni og hið opinbera, með þátttöku innlendra og erlendra sérfræðinga.
Frekari upplýsingar um dagskrá og skráningu má finna hér. 

Dagana 17.–19. febrúar standa Samkeppniseftirlitið, Stjórnarráðið og OECD fyrir röð vinnustofa og opnum fundi um samkeppni, reglubyrði og opinber innkaup. 

Vinnustofur og opinn fundur um samkeppnismat og opinber innkaup

Verkefnið byggir á innanhússtillögu ríkissáttasemjara sem aðilar undirrituðu 25. febrúar 2025.

Á síðunni eru birtar lykilupplýsingar um verkefnið hjá Jafnlaunastofu og sameiginlega þróun virðismatskerfis sem ætlað er að skapa hlutlægar og málefnalegar forsendur fyrir mati á virði starfa kennara.

Jafnlaunastofa hefur opnað nýja upplýsingasíðu þar sem hægt er að fylgjast með framgangi virðismatsverkefnis opinberra vinnuveitenda og Kennarasambands Íslands.

Leitarniðurstöður

Ný upplýsingasíða um virðismatsvegferð opinberra vinnuveitenda og KÍ

Leitarniðurstöður

Ný upp­lýs­inga­síða um virð­is­mats­veg­ferð op­in­berra vinnu­veit­enda og KÍ

Ný upplýsingasíða um virðismatsvegferð opinberra vinnuveitenda og KÍ