Á aðalfundinum verður kosinn formaður stjórnar, sex aðalmenn í stjórn og fimm varamenn til tveggja ára. Við skipan stjórnar er lögð áhersla á að hún endurspegli sem best fjölbreytni og heildarhagsmuni þeirra sveitarfélaga sem eiga aðild að Samtökum orkusveitarfélaga. Jafnframt skal leitast við að tryggja kynjajafnvægi bæði í aðalstjórn og varastjórn.

Kjörgengir eru kjörnir fulltrúar í sveitarstjórnum og starfsmenn aðildarsveitarfélaga samtakanna.

Samtök orkusveitarfélaga eru sameiginlegur vettvangur sveitarfélaga sem hafa hagsmuna að gæta vegna orkuvinnslu, virkjunarmannvirkja, vatnsmiðlunar og annarrar nýtingar orkuauðlinda. Á undanförnum árum hafa samtökin meðal annars unnið markvisst að því að tryggja sanngjarnari tekjur til nærsamfélaga vegna orkuvinnslu, tekið þátt í mótun orkulöggjafar og verið öflugur málsvari sveitarfélaga í orkumálum.

Kjörnefnd hvetur áhugasama til að gefa kost á sér til starfa. Framboð skulu berast eigi síðar en 13. ágúst 2026 á netfangið bryndis@samband.is. Í framboði þarf að koma fram:

starf eða hlutverk innan sveitarfélags,

hvort framboðið sé til formanns, aðalstjórnar og/eða varastjórnar.

Kjörnefnd leggur fram tillögu að stjórn þremur dögum fyrir aðalfund. Heimilt er öllum kjörgengum að bjóða sig fram og komi fram önnur framboð en tillaga kjörnefndar verður kosið á aðalfundi.

Við samsetningu tillögu sinnar mun kjörnefnd meðal annars horfa til landfræðilegrar dreifingar, fjölbreytni orkugjafa, mismunandi stöðu orkuverkefna og heildarhagsmuna aðildarsveitarfélaga, þannig að stjórnin endurspegli sem best breidd og fjölbreytni samtakanna.

Kjörnefnd Samtaka orkusveitarfélaga óskar eftir framboðum til stjórnar samtakanna fyrir starfsárið 2026–2028 í tengslum við aðalfund samtakanna sem fram fer föstudaginn 21. ágúst 2026 kl. 13:00 í Borgartúni 30.

Óskað eftir framboðum til stjórnar Samtaka orkusveitarfélaga

Hægt er að hafa senda á thjonusta@samband.is og erindum verður svarað eins fljótt og hægt er þegar skrifstofan opnar aftur.

Skrifstofan opnar að nýju eftir verslunarmannahelgi.

Skrifstofa Sambandsins verður lokuð frá 20. júlí til 4. ágúst vegna sumarleyfa starfsfólks.

Sumarlokun skrifstofu

Almar tók við embætti bæjarstjóra Garðabæjar eftir sveitarstjórnarkosningarnar 2022 og var endurráðinn í upphafi þessa kjörtímabils. Hann hefur setið í bæjarstjórn Garðabæjar frá árinu 2014, var formaður fjölskylduráðs 2018-2022 og í bæjarráði frá 2018-2022. Þá hefur hann setið í stjórn Samtaka sveitarfélaga á höfuðborgarsvæðinu og Slökkviliðs höfuðborgarsvæðisins undanfarin ár. Hann er hagfræðingur frá Háskóla Íslands og með MBA gráðu frá London Business School.

Almar var framkvæmdastjóri Reiknistofu lífeyrissjóða áður en hann tók við starfi bæjarstjóra. Hann hefur á sínum starfsferli starfað hjá ýmsum fjármálafyrirtækjum, meðal annars Íslandsbanka og Kviku. Á árunum 2009-2017 var hann framkvæmdastjóri hagsmunasamtaka fyrirtækja, fyrst hjá Félagi atvinnurekenda og síðan hjá Samtökum iðnaðarins.

Almar er uppalinn Garðbæingur, en á ættir að rekja til Akraness og Bolungarvíkur. Hann er kvæntur Guðrúnu Zoega, hjúkrunarfræðingi, og eiga þau fimm börn og eitt barnabarn.

Almar tekur við sem formaður stjórnar á Landsþingi Sambandsins sem fram fer á Akureyri dagana 23.-25. september.

Almar Guðmundsson, bæjarstjóri í Garðabæ, verður næsti formaður stjórnar Sambands íslenskra sveitarfélaga. Hann var einn í framboði og því sjálfkjörinn, en framboðsfrestur rann út á miðnætti 15. júlí.

Almar nýr formaður stjórnar Sambandsins

Í framhaldi af honum efna samtökin til Orkufundar sem áformað er að hefjist klukkan 14:30. Boðið verður upp á léttar veitingar að loknum Orkufundi. 

Aðalfundur Samtaka orkusveitarfélaga verður haldinn á skrifstofu Sambands íslenskra sveitarfélaga, Borgartúni 30, föstudaginn 21. ágúst nk.  kl.13:00.

Leitarniðurstöður

Aðalfundur Samtaka Orkusveitarfélaga 2026

Samband íslenskra sveitarfélaga

Leitarniðurstöður

Að­al­fund­ur Sam­taka Orku­sveit­ar­fé­laga 2026

Aðalfundur Samtaka Orkusveitarfélaga 2026