Fjármálaráðstefna sveitarfélaga 2026 verður dagana 8. og 9. október næstkomandi. Í þetta sinn verður ráðstefnan haldin í Vör, glænýrri farðþegamiðstöð Faxaflóahafnar við Skarfabakka. Á ráðstefnunni verða fjölbreytt erindi um málefni er tengjast fjármálum sveitarfélaga, stöðu þeirra og framtíðarsýn. Undanfarin ár hafa um 500 manns sótt ráðstefnuna en þar er fyrst og fremst um kjörna fulltrúa sveitarfélaganna og stjórnendur sveitarfélaga að ræða, ekkí síst fjármálastjórar þeirra. Kynningarbásar verða fyrir utan ráðstefnusalinn á fimmtudeginum 8. október, þar sem ráðstefnugestir ganga um í upphafi og lok dags og í hádeginu.

Hér fyrir neðan má finna umsóknarformið, en þar má einnig finna frekari upplýsingar. 

Fjármálaráðstefna sveitarfélaga 2026

Hlekkur að umsóknarformi

Viðburðarsíða fjármálaráðstefnunnar 8.-9. október

Vör, ný farþegamiðstöð Faxaflóahafna

Þann 8. október hefst Fjármálaráðstefna sveitarfélaga 2026 sem haldin verður á nýrri staðsetningu og þar gefst meira pláss fyrir kynningarbása. Frestur til að skrá fyrirtæki eða stofnanir og óska eftir kynningarbás verður til 26. júní nk.

Opnað hefur verið fyrir umsóknir kynningaaðila á Fjármálaráðstefnu sveitarfélaga 2026

Frá upphafi hefur hlutverk Sambandsins verið að gæta hagsmuna sveitarfélaga, efla samstarf þeirra og vera sameiginlegur vettvangur í samskiptum við ríkið. Á þessum tíma hafa orðið miklar breytingar á íslensku samfélagi og starfsemi sveitarfélaga vaxið verulega – bæði að umfangi og ábyrgð. Verkefni á borð við leikskóla, skólamál, félagsþjónustu, skipulagsmál og umhverfismál hafa tekið miklum breytingum og kröfur til sveitarfélaga aukist jafnt og þétt.

Sambandið hefur í gegnum árin komið að fjölmörgum stórum hagsmunamálum sveitarfélaga, allt frá fjármálum og kjarasamningum til stafrænnar þróunar og eflingar lýðræðis og þjónustu við íbúa. Fundurinn er því ekki aðeins táknrænn áfangi heldur einnig áminning um mikilvægt hlutverk sveitarfélaga í íslensku samfélagi og það samstarf sem byggt hefur verið upp á vettvangi Sambands íslenskra sveitarfélaga frá árinu 1945.

Stjórn Sambands íslenskra sveitarfélaga fundaði í vikunni í 1000. skipti frá stofnun Sambandsins árið 1945. Markar fundurinn ákveðin tímamót í sögu Sambandsins sem hefur gegnt lykilhlutverki í samvinnu íslenskra sveitarfélaga og eflingu sveitarstjórnarstigsins í meira en átta áratugi.

Stjórn Sambandsins fundaði í 1000. skipti

Samband íslenskra sveitarfélaga safnar nú í fyrsta sinn ársreikningum sveitarfélaga beint inn í nýja Upplýsingaveitu sveitarfélaga. Á sama tíma safnar Hagstofa Íslands ársreikningunum áfram með sama hætti og áður, en frá og með næsta ári mun Sambandið taka alfarið við söfnun þeirra. Samhliða þessu fær Sambandið mikilvægt tækifæri til að sannreyna nýtt fyrirkomulag og þróa áfram gagnasöfnun sveitarfélaga.

Markmið breytinganna er að auka sjálfvirkni, bæta gæði fjárhagsupplýsinga sveitarfélaga og styrkja samanburðarhæfni þeirra. Þá er einnig lagt upp með að bæta endurgjöf til sveitarfélaga og einfalda vinnslu og greiningu gagna.

Það er mikilvægt að sveitarfélög skili ársreikningum sínum tímanlega til Sambandsins svo hægt sé að birta áreiðanlegar og samanburðarhæfar upplýsingar um rekstur sveitarfélaga um land allt. Slík gögn nýtast sveitarfélögunum sjálfum og öðrum hagaðilum við greiningu og samanburð á rekstri og þróun sveitarfélaga.

Á undanförnum árum hefur starfsemi sveitarfélaga þróast hratt og því hefur verið ráðist í endurskoðun á framsetningu fjárhagsupplýsinga, málaflokkum og sundurliðun gagna. Sú vinna hefur verið unnin í nánu samstarfi við starfsfólk sveitarfélaga með það að markmiði að tryggja betra samræmi, aukin gæði gagna og sterkari grunn fyrir nýju Upplýsingaveituna.

Ársreikningar 2025

Hér má finna leiðbeiningar vegna skila ársreikninga

Vel gengur að safna ársreikningum sveitarfélaga fyrir árið 2025 og nú þegar hafa yfir 45 sveitarfélög skilað inn gögnum í nýja Upplýsingaveitu sveitarfélaga hjá Sambandinu. 

Nú hafa yfir 45 sveitarfélög skilað ársreikningum í Upplýsingaveitu sveitarfélaga

Með lögunum er stigið mikilvægt skref til aukinnar jöfnunar á dreifikostnaði raforku í dreifbýli og á köldum svæðum. Málið hefur mikla þýðingu fyrir heimili og fyrirtæki sem búa við hærri dreifikostnað vegna búsetu og aðstæðna.

Stjórn SSKS þakkar umhverfis-, orku- og loftslagsráðherra fyrir framlagningu málsins og Alþingi fyrir að klára þetta mikilvæga mál fyrir þinglok. Afgreiðslan sýnir skilning á því að aðgengi að raforku á sanngjörnu verði er byggðamál, jafnræðismál og grundvallarforsenda búsetu og atvinnulífs um allt land.

Stjórn Samtaka sveitarfélaga á köldum svæðum fagnar því að Alþingi hafi samþykkt frumvarp um breytingu á lögum um jöfnun kostnaðar við dreifingu raforku.

Leitarniðurstöður

Mikilvægt skref stigið í jöfnun raforkukostnaðar

Samband íslenskra sveitarfélaga

Leitarniðurstöður

Mik­il­vægt skref stig­ið í jöfn­un raf­orku­kostn­að­ar

Mikilvægt skref stigið í jöfnun raforkukostnaðar