Mennta- og barnamálaráðuneytið auglýsir eftir umsóknum frá sveitarfélögum um styrki til verkefna sem miða að því að efla farsæld barna.

Styrkirnir eru hluti af aðgerðum stjórnvalda í áætlun vegna ofbeldis meðal barna og gegn börnum. Því er sérstök áhersla lögð á verkefni sem er ætlað að sporna gegn ofbeldi meðal barna.

Styrkirnir eru veittir til verkefna sem stuðla að bættri þjónustu og velferð barna, þar á meðal á sviði frístundastarfs, forvarna, samfélagslegrar virkni og ráðgjafar og stuðnings við börn og fjölskyldur þeirra. Sveitarfélög eru sérstaklega hvött til þess að vinna verkefnin í samstarfi við önnur sveitarfélög, stofnanir, félagasamtök og/eða íþróttafélög. Heildarúthlutun er allt að 495 m.kr..

Nánar er hægt að kynna sér reglur um styrkveitingar mennta- og barnamálaráðherra.

Sótt er um styrk á Mínum síðum á vef Stjórnarráðsins undir mennta- og barnamálaráðuneytinu. Einungis er tekið við rafrænum umsóknum.

Hægt er að nálgast ítarlegri leiðbeiningar um notkun á Mínum síðum hér.

Umsókn skal fylgja greinargóð lýsing á verkefninu, áætlun um framkvæmd þess, hvernig sveitarfélagið hyggst halda áfram með verkefnið að styrkjatímabili loknu og hvernig sveitarfélagið sér fram á að mæla árangur verkefnisins. Vakin er athygli á því að ráðuneytið áskilur sér rétt til að óska eftir frekari upplýsingum, þar á meðal um faglega hæfni og rekstrargrundvöll verkefnis, í samræmi við leiðbeiningar ráðuneytisins.

Nánari upplýsingar má fá með því að senda fyrirspurn á netfangið mrn@mrn.is. Umsóknarfrestur er til og með 30. júní 2025. Áætlað er að úthlutun fari fram eigi síðar en í ágúst 2025.

Auglýst eftir umsóknum um styrki í þágu farsældar barna

Nýr þáttur kemur út á tveggja vikna fresti og er hægt að hlusta á þættina á helstu hlaðvarpsveitum eins og Spotify og Apple Podcasts.

Tveir þættir eru nú þegar aðgengilegir, báðir í umsjón Bryndísar Gunnlaugsdóttir, lögfræðings á þjónustusviði. Í fyrsta þætti fær Bryndís til sín Arnar Þór Sævarsson, framkvæmdastjóra Sambandsins, sem fer yfir starfsemi Sambandsins og helstu verkefni. 

Í þætti tvö fær Bryndís síðan til sín Árna Sverri Hafsteinsson, sérfræðing hjá innviðaráðuneytinu í málefnum Jöfnunarsjóðs, en fyrir Alþingi er til umfjöllunar frumvarp um breytingar á jöfnunarsjóði. Fara þau Bryndís og Árni Sverrir yfir það hvað þessar breytingar þýða fyrir sveitarfélögin.

Ef þú skráir þig fyrir áskrift að hlaðvarpinu í þeirri hlaðvarpsveitu sem þú notar hlaðast nýir þættir sjálfkrafa inn á tækið þitt og áskriftin er að sjálfsögðu ókeypis.

Ráðhúsið, nýtt hlaðvarp Sambandsins er komið í loftið. Hlaðvarpið fjallar um sveitarstjórnarmál í víðum skilningi og verða efnistökin fjölbreytt, allt frá breytingum á Jöfnunarsjóði yfir stafræn mál.

Ráðhúsið – nýtt hlaðvarp Sambandsins komið í loftið

Beint streymi frá fundinum

Léttur morgunverður í boði frá kl. 8:30 og dagskrá hefst kl. 8:50. 

Á fundinum verður ný greining Sambandsins á stuðningi sveitarfélaga við íþróttastarf í landinu kynnt auk þess sem Vésteinn Hafsteinsson, afreksstjóri ÍSÍ, mun segja frá samvinnu ÍSÍ og sveitarfélaga um allt land. Þá verða pallborðsumræður með fulltrúum íþróttahreyfingarinnar, sveitarfélaga og stjórnvalda. Áætlað er að fundinum ljúki kl. 10:30.

Dagskrá morgunfundar Sambandsins og ÍSÍ um íþróttir 

8:50: Jón Björn Hákonarson, formaður Sambands opnar fundinn. 

9:00: Ávarp. Forseti/framkvæmdastjóri ÍSÍ. 

9:10: Óskar Þór Ármansson, teymisstjóri íþrótta hjá mennta- og barnamálaráðuneytinu.  

9:20: Saga Guðmundsdóttir, aðalhagfræðingur Sambandsins. Greining um stuðning sveitarfélaga við íþróttastarf. 

9:40: Vésteinn Hafsteinsson, ráðgjafi í Afreksmiðstöð Íslands.  

Samband íslenskra sveitarfélaga og ÍSÍ standa fyrir morgunfundi um íþróttir á Grand hótel þann 19. maí. Streymt verður beint frá fundinum. 

Morg­un­fund­ur um íþrótt­ir 19. maí - beint streymi

Eins og undanfarin ár býður dagskráin upp á fjölbreytt og spennandi erindi sem varpa ljósi á mikilvægi og áhrif stafrænnar þróunar innan sveitarfélaga. Hér gefst einstakt tækifæri til að sækja sér innblástur, fræðast um árangursrík verkefni og heyra frá sérfræðingum og lykilfólki í stafrænum umbótum.

Dagskráin spannar allt frá ábata stafrænna lausna og nauðsyn stafræns leiðtoga, yfir í samstarf sveitarfélaga og framtíðarsýn Stafræns Íslands – og að sjálfsögðu verður rætt um áhrif gervigreindar í nútímasamfélagi.

Streymi verður í boði fyrir þá sem ekki komast á staðinn, en við hvetjum alla sem hafa áhuga á stafrænum umbótum og þróun innan sveitarfélaga – hvort sem þeir eru starfsmenn, kjörnir fulltrúar eða einfaldlega áhugasamir um málefnið – til að mæta og taka þátt

Ráðstefnugjaldið er 5.500 kr. og skráning er hafin

Skráning og nánar um dagskrá má finna hér: https://www.samband.is/vidburdir/stafraen-radstefna

Veitir þú sveitarfélaginu þínu forskot inn í framtíðina? 

Sjáumst á stafrænu ráðstefnunni 10. júní!

Hin árlega stafræna ráðstefna Sambands íslenskra sveitarfélaga verður haldin þriðjudaginn 10. júní 2025 á Hilton Reykjavík Nordica við Suðurlandsbraut. Ráðstefnan hefst kl. 13:00 og stendur fram eftir degi.

Leitarniðurstöður

Skráðu þig á árlegu stafrænu ráðstefnuna – framtíð sveitarfélaga í stafrænum heimi!

Veitir þú sveitarfélaginu þínu forskot inn í framtíðina?

Sjáumst á stafrænu ráðstefnunni 10. júní!

Leitarniðurstöður

Skráðu þig á ár­legu staf­rænu ráð­stefn­una – fram­tíð sveit­ar­fé­laga í staf­ræn­um heimi!

Veitir þú sveitarfélaginu þínu forskot inn í framtíðina?

Sjáumst á stafrænu ráðstefnunni 10. júní!

Skráðu þig á árlegu stafrænu ráðstefnuna – framtíð sveitarfélaga í stafrænum heimi!