Stafræn ráðstefna Samband íslenskra sveitarfélaga verður haldin þann 25. mars 2026. Að venju verður á dagskránni fróðlegt efni og erindi um stafræn mál sveitarfélaga þar sem við fáum að heyra frá ólíkum hliðum stafrænnar þróunar, innan og utan landssteinanna, sem starfsmenn, kjörnir fulltrúar og aðrir áhugasamir ættu ekki að láta fram hjá sér fara. Helst ber að nefna að tveir fulltrúar frá KOMBIT, sameiginlegt stafrænt þróunar- og rekstrarfélag danskra sveitarfélaga sem vinnur að hönnun, innleiðingu og rekstri stafrænnar þjónustu fyrir sveitarfélögin, munu halda erindi á ráðstefnunni.
Ráðstefnan verður haldin í fyrirlestrasal Grósku. Formleg dagskrá hefst kl. 10:00 og lýkur kl. 16:00 og munu erindin verða flutt á íslensku og ensku.
Boðið verður upp á veitingar yfir daginn og að ráðstefnu lokinni verður boðið upp á drykki og rými fyrir tengslamyndun meðal ráðstefnugesta og fulltrúa fyrirtækja í stafrænni þróun. Húsið lokar kl. 17:00.
Ráðstefnugjaldið er 13.900 kr. og skráningarfrestur er til 20. mars.
Dagskrá ráðstefnunnar*
*dagskráin er birt með fyrirvara um breytingar
Fulltrúar frá KOMBIT flytja erindi á stafrænni ráðstefnu sveitarfélaga
Poul Ditlev Christiansen, forstjóri velferðarsvæða, þróunar og gagna hjá KOMBIT, og Camilla Kragh, skrifstofustjóri velferðar og gagna hjá KOMBIT, koma til landsins til að taka þátt í stafrænni ráðstefnu sveitarfélaga sem fram fer 25. mars næstkomandi í Grósku, en KOMBIT er sameiginlegt stafrænt þróunar- og rekstrarfélag danskra sveitarfélaga sem vinnur að hönnun, innleiðingu og rekstri stafrænnar þjónustu fyrir sveitarfélögin.
Dagskrá stafrænnar ráðstefnu sveitarfélaga birt
Stafræn ráðstefna sveitarfélaga verður haldin í Grósku þann 25. mars næstkomandi. Í dagskránni má finna fjöldan allan af fjölbreyttum erindum frá spennandi fyrirlesurum, ekki síst frá Danmörku þar sem við fáum að heyra af vinnu KOMBIT, sameiginlegt stafrænt þróunar- og rekstrarfélag danskra sveitarfélaga.