Umhverfis- og innviðanefnd Sambandsins hefur nú tekið til starfa og sitja eftirfarandi fulltrúar í nefndinni:

Nefndin er ráðgefandi fyrir stjórn Sambandsins í umhverfis- og innviðamálum sveitarfélaga. Helstu verkefni nefndarinnar eru m.a. umhverfis- og loftlagsmál, fráveitumál, skipulags- og húsnæðismál, náttúruvernd, orkumál og samgöngumál. Mun nefndin taka þátt í undirbúningi stefnumörkunar Sambandsins á þessum sviðum, og veita álit á stefnumótun, frumvörpum og opinberum áætlunum, vekja athygli á málum sem þarfnast úrlausnar á vettvangi Sambandsins og vera til ráðgjafar varðandi ýmis mál og viðburði sem tengjast málefnasviðinu. Þannig styrkir nefndin umhverfis- og innviðateymi Sambandsins í sínum störfum og er ráðgefandi um markmið og verkefni teymisins. Formaður nefndarinnar er jafnframt tengiliður hennar inn í stjórn Sambandsins.

Nefndin mun funda eftir þörfum og verður hægt að nálgast fundargerðir á vef Sambandsins.

„Það er virkilega spennandi að fá að vinna með öflugu fólki í nefndinni og sveitarfélögum um land allt að því að móta framtíðarsýn og lausnir í umhverfis- og innviðamálum, með sjálfbæra þróun og öfluga innviði að leiðarljósi.“ - Hjördís Ýr Johnson, formaður umhverfis- og innviðanefndar Sambands íslenskra sveitarfélaga

Umhverfis- og innviðanefnd Sambandsins hefur nú tekið til starfa og mun hún sinna ráðgefandi hlutverki fyrir stjórn Sambandsins í umhverfis- og innviðamálum sveitarfélaga.

Umhverfis- og innviðanefnd Sambandsins tekur til starfa

Annars vegar er um að ræða frumvarp til laga um breytingu á lögum um tekjustofna sveitarfélaga, nr. 4/1995 o.fl. (skattlagning orkumannvirkja), og hins vegar er um að ræða frumvarp til laga um breytingu á sveitarstjórnarlögum (endurskoðun sveitarstjórnarlaga). Frestur til að veita umsögn um áformin er til 9. júní nk.

Markmið breytinga á lögum um tekjustofna sveitarfélaga er að tryggja sanngjarnari hlutdeild nærsamfélaga í ávinningi af raforkuframleiðslu og auka sjálfbærni sveitarfélaga. Í því skyni verður lagt til að fella úr gildi undanþágu rafveitna (vatnsafls-, jarðvarma- og vindaflsvirkjana) frá fasteignamati og að settar verði reglur um hvernig tekjum af fasteignaskatti verði dreift til sveitarfélaga þegar rafveita og áhrifasvæði hennar nær yfir tvö eða fleiri sveitarfélög.


Markmið breytinga á sveitarstjórnarlögum er m.a. að tryggja að sveitarstjórnarlögin fylgi framþróun sveitarstjórnarstigsins og að þau séu skýr og aðgengileg. Þá er einnig markmið með breytingunum að auka sjálfbærni sveitarfélaga. Breytingarnar snúa m.a. að almennum umbótum á I.-VI. kafla sveitarstjórnarlaga, reglum um fjármál sveitarfélaga og atvinnuþátttöku þeirra, eftirliti með sveitarfélögum, reglum um samvinnu, sjálfbærni sveitarfélaga og getu þeirra til að sinna lögbundnum verkefnum og fleira.

Samráðsferlið mun halda áfram á haustmánuðum þegar drög að frumvörpum verða kynnt í samráðsgátt stjórnvalda.

Mikilvægt er að sveitarstjórnarfólk, íbúar sveitarfélaga og hagaðilar taki virkan þátt í samráðinu um þessi áform. Samtalið er nauðsynlegt til að tryggja að löggjöf um sveitarfélög endurspegli raunveruleika og þarfir sveitarfélaga og virk þátttaka í samráði eykur líkurnar á að vel takist til. Sterkt sveitarstjórnarstig er forsenda þess að allir landsmenn njóti sambærilegrar þjónustu og jöfn tækifæri hvar sem þeir búa og er fólk því sérstaklega hvatt til að kynna sér áformin og taka þátt í samráðinu.

Skoða áform um breytingar á sveitarstjórnarlögum (endurskoðun sveitarstjórnarlaga)

Skoða áform um breytingar á lögum um tekjustofna sveitarfélaga (skattlagning orkumannvirkja)

Áform um lagabreytingar sem innviðaráðherra hyggst leggja fram á næsta haustþingi til að styrkja sveitarstjórnarstigið og auka sjálfbærni sveitarfélaga hafa verið birt í samráðsgátt stjórnvalda.

Áform um lagabreytingar á sviði sveitarstjórnarmála kynnt í Samráðsgátt

Verðlaunin eru veitt í samstarfi Sambandsins og Fjársýslunnar í þeim tilgangi að varpa ljósi á öflugt umbótastarf og nýsköpun sem eykur gæði og skilvirkni í opinberri þjónustu.

Hafnarfjarðarbær
Fyrir leiðandi umbótastarf við stafræna umbreytingu í þjónustu og rekstri sveitarfélagsins.

Bílastæðasjóður
Fyrir nýsköpun og breytingar á framkvæmd eftirlits með stöðvunarbrotum.

Benedikt Geir Jóhannesson
Fyrir öflugt einstaklingsframtak við hagnýtingu gervigreindar í umbótaverkefnum og framúrskarandi árangur í opinberri nýsköpun.

Réttarvörslugáttin
Fyrir stafvæðingu réttarvörslukerfisins og betri samvinnu milli stofnana innan dómskerfisins.

Skatturinn
Fyrir nýtingu gagna og tækninýjunga til að efla þjónustu stofnunarinnar við almenning.

Verðlaunin sýna fjölbreytileika nýsköpunar í opinbera geiranum, allt frá tækniinnleiðingu og gagnadrifinni stefnumótun yfir í notendamiðaðar lausnir og þróun þjónustu við almenning. Hver verðlaunahafi setur fordæmi fyrir hvernig frumkvæði og fagmennska geta umbreytt opinberri þjónustu til hagsbóta fyrir samfélagið í heild.

Við óskum öllum verðlaunahöfum innilega til hamingju og þökkum framlag þeirra til opinberrar nýsköpunar. 

Í gær fór fram afhending Nýsköpunarverðlauna hins opinbera 2025 á Nýsköpunardegi hins opinbera, þar sem fimm framúrskarandi verkefni og einstaklingar hlutu viðurkenningu fyrir árangur sinn á sviði opinberrar nýsköpunar.

Fimm hlutu Nýsköpunarverðlaun hins opinbera 2025

Beint streymi frá fundinum

Léttur morgunverður í boði frá kl. 8:30 og dagskrá hefst kl. 8:50. 

Á fundinum verður ný greining Sambandsins á stuðningi sveitarfélaga við íþróttastarf í landinu kynnt auk þess sem Vésteinn Hafsteinsson, afreksstjóri ÍSÍ, mun segja frá samvinnu ÍSÍ og sveitarfélaga um allt land. Þá verða pallborðsumræður með fulltrúum íþróttahreyfingarinnar, sveitarfélaga og stjórnvalda. Áætlað er að fundinum ljúki kl. 10:30.

Dagskrá morgunfundar Sambandsins og ÍSÍ um íþróttir 

8:50: Jón Björn Hákonarson, formaður Sambands opnar fundinn. 

9:00: Ávarp. Forseti/framkvæmdastjóri ÍSÍ. 

9:10: Óskar Þór Ármansson, teymisstjóri íþrótta hjá mennta- og barnamálaráðuneytinu.  

9:20: Saga Guðmundsdóttir, aðalhagfræðingur Sambandsins. Greining um stuðning sveitarfélaga við íþróttastarf. 

9:40: Vésteinn Hafsteinsson, ráðgjafi í Afreksmiðstöð Íslands.  

Samband íslenskra sveitarfélaga og ÍSÍ standa fyrir morgunfundi um íþróttir á Grand hótel þann 19. maí. Streymt verður beint frá fundinum. 

Leitarniðurstöður

Morgunfundur um íþróttir 19. maí - beint streymi

Beint streymi frá fundinum

Leitarniðurstöður

Morg­un­fund­­ur um íþrótt­­ir 19. maí - beint streymi

Beint streymi frá fundinum

Morgunfundur um íþróttir 19. maí - beint streymi