Viðburður stafrænu ráðstefnunnar

Glærur allra fyrirlesara eru nú aðgengilegar undir dagskránni á viðburðinum, en þangað inn kemur einnig upptakan eftir vinnslu hennar.

Að þessu sinni var happdrættisleikur á ráðstefnunni sem ráðstefnugestir gátu tekið þátt í. Dregnir hafa verið út vinningshafar í stafrænu happdrætti ráðstefnunnar og eru það þau Þórhildur Hafsteinsdóttir frá Reykjavíkurborg og Þorlákur Gíslason sem fá senda vinninga. 

Pallborðsumræður um ábatann af starfænni þróun sveitarfélaga með Sigurjóni Ólafssyni, Ingvari Högna Ragnarssyni, Fjólu Steindóru Kristinsdóttur og Björgvini Sigurðssyni.

Stafræn ráðstefna Sambandsins var haldin í Grósku miðvikudaginn 25. mars við góðar undirtektir. Um 200 manns sóttu fróðlega fyrirlestra og pallborðsumræður. Að þessu sinni fengum við góða gesti frá Danmörku í heimsókn sem sannarlega tókst að vekja áhuga á umræður.

Vel heppnuð stafræn ráðstefna

Markmiðið er að samræma stefnu og aðgerðir í stafrænum lausnum, bæta þjónustu við íbúa og nýta tæknina til að auka skilvirkni og gagnsæi í opinberri stjórnsýslu.

Frá árinu 2020 hefur Samband íslenskra sveitarfélaga verið samvinnuvettvangur fyrir sveitarfélög á sviði stafrænnar þróunar. Sambandið hefur gegnt lykilhlutverki við að samræma verkefni, miðla þekkingu og tryggja að sveitarfélög um land allt geti nýtt sameiginlegar stafrænar lausnir til að bæta þjónustu og auka skilvirkni í stafrænum umbreytingum. Nú er horft til enn frekara samstarfs sveitarfélaga og ríkis til að skapa meiri slagkraft í nýsköpun, samræmdum lausnum, aukinni hagkvæmni og betri þjónustu við íbúa um land allt.

 Reykjavíkurborg hefur frá upphafi verið virkur þátttakandi í stafrænu samstarfi sveitarfélaga um stafræna þróun. Reykjavíkurborg hefur lagt til vinnuframlag og sérfræðiþekkingu á þessu sviði. Með nýrri yfirlýsingu er ákveðið að Reykjavíkurborg leggi einnig til sérstakt fjármagn til að styrkja stoðir samvinnu og samstarfs enn frekar. Með því er stigið skref sem markar tímamót í sameiginlegri uppbyggingu stafrænnar stjórnsýslu sveitarfélaga á landsvísu.

„Með auknu samstarfi erum við að taka mikilvægt skref í átt að markvissari og samræmdari stafrænni þróun sveitarfélaga. Samstarfið við Reykjavíkurborg styrkir sameiginlegar stoðir okkar og eykur getu sveitarfélaga um allt land til að veita íbúum betri, skilvirkari og hagkvæmari þjónustu og er verulega ánægjulegt að staðfesta það hér formlega,“ segir Jón Björn Hákonarson, formaður Sambands íslenskra sveitarfélaga.

„Það er verulegt hagræði í því að sameina krafta sveitarfélaga í stafrænni þróun. Með því spörum við bæði tíma og peninga og bætum þjónustuna við íbúana.  Við höfum lagt mikla áherslu á að Reykjavík sé í fremstu röð við að hagnýta stafrænar lausnir. Það er því mjög mikilvægt að stærsta sveitarfélag landsins leggi sitt á vogarskálarnar með Sambandi íslenskra sveitarfélaga," segir Heiða Björg Hilmisdóttir, borgarstjóri.

Jón Björn Hákonarson, formaður Sambands íslenskra sveitarfélaga, og Heiða Björg Hilmisdóttir, borgarstjóri í Reykjavíkur, hafa undirritað yfirlýsingu um aukið samstarf á sviði stafrænnar þróunar.

Aukið samstarf Reykjavíkurborgar og Sambandsins í stafrænni þróun

Leiðarvísirinn var kynntur á málþinginu Aðlögun sveitarfélaga að loftslagsbreytingum – frá áskorunum til aðgerða sem var haldið á Akureyri þann 12. febrúar s.l. Á málþinginu kynnti Veðurstofan einnig nýjan vef um loftslagsþjónustu sem er sérstaklega miðaður að sveitarfélögum. Þar má finna ýmis nytsamleg tól svo sem Loftslagsatlas Íslands, gagnvirkar skýringamyndir og upplýsingar um þróun loftslagsbreytinga og afleiðingar þeirra á Íslandi.

Nú vinnur Sambandið, í samstarfi við Byggðastofnun og fleiri opinberar stofnanir, að því að undirbúa næstu skref í stuðningi við sveitarfélög þegar kemur að aðlögun þeirra að loftslagsbreytingum og mun sú vinna m.a. byggja á afurðum fyrrnefndrar aðgerðar C.10 í byggðaáætlun. Sífellt mikilvægara er fyrir íslensk sveitarfélög að átta sig á því hvaða hættur steðja að vegna loftslagsbreytinga og grípa til aðgerða til að verja samfélag og innviði.

Nýlega var viðamikilli styrkumsókn skilað inn í LIFE áætlun Evrópusambandsins um aðlögun að loftslagsbreytingum. Fáist sá styrkur mun Sambandið geta stutt enn þéttar við bakið á sveitarfélögunum t.d. með ítarlegu fræðsluefni, vinnustofum um framkvæmd áhættu- og viðkvæmniskimunar o.fl.

Sveitarfélög sem vilja demba sér í að nýta leiðarvísinn og hefjast handa við að meta hvaða loftslagsáhættur kunna að vera til staðar, og jafnvel byrja að móta og forgangsraða aðgerðum, eru hvött til að hafa samband og nýta sér stuðning Sambandsins og Byggðastofnunar. Mikilvægt er að við söfnum og miðlum reynslu sem best til að sveitarfélögin þurfi ekki öll að finna upp aðlögunarhjólið í sitt hvoru lagi.

Frá áskorunum til aðgerða – leiðarvísir fyrir sveitarfélög um aðlögun að áhrifum loftslagsbreytinga

Vefur Veðurstofunnar um loftslagsþjónustu og aðlögun

Aðlögun sveitarfélaga að loftslagsbreytingum – Verkfærakista Loftslagsvænni sveitarfélaga

Nýr leiðarvísir hefur verið gefinn út til að styðja sveitarfélög við aðlögun að áhrifum loftslagsbreytinga. Leiðarvísirinn er afurð aðgerðar C.10 í byggðaáætlun þar sem fimm ólík sveitarfélög tóku þátt í að prufa og móta aðferðafræði um áhættu- og viðkvæmniskimun og mótun aðlögunaraðgerða.

Nýr leiðarvísir um aðlögun sveitarfélaga að loftslagsbreytingum

Í fjárlögum ársins 2025 er gert ráð fyrir að 379 m.kr. verði varið til að styðja við sveitarfélög í fráveituframkvæmdum þeirra. Styrkhæfar framkvæmdir eru m.a. við safnkerfi fráveitna, hreinsivirki, dælustöðvar og útrásir, auk verkefna sem miða að hreinsun ofanvatns, m.a. til að draga úr mengun af völdum örplasts. 

Skilyrði fyrir styrkveitingu er að framkvæmdin sé hluti af heildarlausn í fráveitumálum sveitarfélags, í samræmi við áætlun sem hlotið hefur samþykki ráðuneytisins. Kostnaður við framkvæmdir þarf að hafa fallið til eftir 1. janúar 2020 til að teljast styrkhæfur. 

Styrkfjárhæð nemur að jafnaði 20% af staðfestum heildarkostnaði, en getur verið allt frá 15% til 30%. Styrkir eru greiddir út á grundvelli greiddra reikninga og miðað er við að greiðslur fari fram í desember 2025 og janúar 2026. 

Umsóknir skulu berast á eyðublaðavef Stjórnarráðsins, þar sem skráning fer fram með rafrænum skilríkjum eða Íslykli. Umsókninni skal fylgja verk- og tímaáætlun, uppfærðar kostnaðaráætlanir og afrit af greiddum reikningum eftir því sem við á. 

Sveitarfélög eru hvött til að kynna sér skilyrði auglýsingarinnar og reglugerð nr. 1424/2020 um úthlutun styrkja til fráveitna. Umsóknir sem uppfylla ekki skilyrðin verða ekki teknar til umfjöllunar. 

Nánari upplýsingar veitir ráðuneytið á netfanginu urn@urn.is.

Umhverfis-, orku- og loftslagsráðuneytið hefur opnað fyrir umsóknir sveitarfélaga um styrki til fráveituframkvæmda. Umsóknarfrestur er til og með 30. nóvember 2025. 

Leitarniðurstöður

Fráveitustyrkir - opið fyrir umsóknir

Samband íslenskra sveitarfélaga

Leitarniðurstöður

Frá­veitu­styrk­ir - opið fyr­ir um­sókn­ir

Fráveitustyrkir - opið fyrir umsóknir