Í erindi sínu fjallaði Helga meðal annars um hið mikilvæga hlutverk sem Samband íslenskra sveitarfélaga hefur innan stjórnsýslunnar og það hvernig Sambandið nýtist kjörnum fulltrúum og starfsfólki sveitarfélaga, m.a. í gegnum Sveitarfélagaskólann. Þá fjallaði hún um fyrsta fund sveitarstjórnar og um ráðningu framkvæmdastjóra. 

Að erindi hennar loknu svaraði hún spurningum. Alls skráðu sig 230 manns á fundinn sem fór fram á Zoom.

Smelltu hér til að horfa á upptöku frá fundinum 

Fyrsta Ráðhúsfræðsla kjörtímabilsins 2026-2030 fór fram þriðjudaginn 19. maí. Helga María Pálsdóttir, sviðsstjóri stjórnsýslusviðs Sambandsins fjallaði þar um fyrstu skref nýrra sveitarstjórna. 

Fyrsta Ráðhúsfræðsla kjörtímabilsins - upptaka

Húsið opnar kl. 8.30 en dagskrá hefst kl. 9:00 og stendur til kl. 16:00. Á fundinum verða kynntar opnar auglýsingar eftir umsóknum og kynnt verða þau íslensku verkefni sem þegar hafa hlotið LIFE styrki. Auk þessa verða kynnt önnur styrkjatækifæri á sviði umhverfis- og loftslagsmála. Fundurinn er opinn öllum sem áhuga hafa á fjármögnun grænna verkefna en þó þarf að skrá þátttöku. Frekari upplýsingar og skráning er á vefsíðu Rannís.

Ársfundur LIFE áætlunarinnar á Íslandi verður haldinn fimmtudaginn 28. maí í Norræna húsinu. 

Ársfundur LIFE áætlunarinnar á Íslandi

LIFE er eina áætlun ESB sem styður eingöngu við umhverfis- og loftslagsaðgerðir og býður hún upp á fjölmörg tækifæri á því sviði. LIFE er innleiðingaráætlun, ekki rannsóknaráætlun, sem þýðir að verkefnum er ætlað að stuðla að því að stefnur og löggjöf í þágu umhverfis- og loftslagsmála megi verða að veruleika. Allar opinberar stofnanir og einkaaðilar, hvort sem eru fyrirtæki eða frjáls félagasamtök, geta sótt um og hvatt er til samstarfs sem flestra aðila sem geta lagt sitt af mörkum svo verkefnin geti haft sem best áhrif á íbúa. Undir LIFE eru fjórar undiráætlanir með ólíkar áherslur og ættu flest verkefni á þessu sviði að geta fundið sér farveg innan einhverrar þeirra. Þar að auki eru ólíkar gerðir styrkja undir hverri og einni undiráætlun.

•       Náttúra og líffræðilegur fjölbreytileiki

•       Hringrásarhagkerfið og lífsgæði

•       Loftslagsbreytingar; aðlögun og aðgerðir

Verkefni í LIFE geta spannað allt frá 18 mánuðum til 10 ára og fer lengd þeirra eftir eðli undiráætlunar og gerð styrks. Styrkupphæðir spanna allt frá 500.000€ til 12M €. Skilafrestir eru flestir í september en skrif á umsóknum tekur tíma og því um að gera fyrir áhugasöm að hefja undirbúning sem fyrst.

Frekari upplýsingar um LIFE áætlunina er að finna á vefsíðu Rannís og styrkjagátt ESB. Hjá Sambandinu starfar sérfræðingur í sjóðasókn og hægt er að senda bón um ráðgjöf á thjonusta@samband.is.

Mikil tækifæri fyrir sveitarfélög til að fjármagna verkefni sín á sviði umhverfis- og loftslagsmála. Nú þegar hafa fjölmörg islensk sveitarfélög sótt um, og hlotið, styrki frá LIFE vegna margvíslegra verkefna að andvirði hundruð milljóna króna. 

Opið fyrir umsóknir í LIFE áætluninni

Á fundinum munu sérfræðingar frá Umhverfis- og orkustofnun, Hafrannsóknastofnun, Veðurstofu Íslands og Náttúrufræðistofnun fjalla um ýmislegt sem varðar mat á áhrifum framkvæmda og starfsemi á vatnshlot. Fundurinn er opinn öllum. Farið verður yfir tilgang matsins, áhrifaþætti og líkleg áhrif þeirra á ástand vatnshlota. Eins verða tekin dæmi um nálgun við gerð áhrifamats.
Húsið opnar 8:30. Þátttakendur eru hvattir til að mæta tímanlega svo tíminn nýtist sem best. Fundurinn verður jafnframt í streymi fyrir þau sem hafa ekki tök á að koma á staðinn.

Nauðsynlegt er að skrá sig á fundinn. Skráning á fundinn er hérna

9:00 – 9:10: Dagskráin og fyrirkomulag dagsins (Sæmundur Sveinsson - UOS)

9:10 – 10:15: Stjórn vatnamála – Lögin, umhverfismarkmið, ástandsflokkun og áhrifamat (Lilja Ólafsdóttir - UOS / Marianne Jensdóttir Fjeld - UOS)

10:40 – 11:10: Efnafræðilegt ástand yfirborðsvatnshlota (Andreas Ströberg - UOS)

11:10 – 11:50: Grunnvatn – Magnstaða, efnafræðilegt ástand og endurafmörkun grunnvatnshlota (Daði Þorbjörnsson - UOS )

12:30 – 14:10: Mat á áhrifum framkvæmda á vatnshlot (Eydís Salome Eiríksdóttir - Hafró, Svava Björk Þorláksdóttir - VÍ, Þóra Hrafnsdóttir – Náttúrufræðistofnun og Hrönn Guðmundsdóttir - Hafró)
Efni fyrirlestursins:
  -Helstu þættir sem valda álagi á vatnshlot
  -Vatnsformfræði í ám, vötnum, strandsjó og árósavatni
  -Svörun lífríkis við ýmsum álagsþáttum

14:20 – 15:30: Dæmi, spurningar og umræður

Sambandið vekur athygli sveitarfélaga á fræðslufundi um áhrifamat vatnshlota, sem haldinn verður þann 8. júní frá kl. 9:00 - 15:00.

Leitarniðurstöður

Fræðslufundur um áhrifamat vatnshlota

Dagskrá fundarins

Samband íslenskra sveitarfélaga

Leitarniðurstöður

Fræðslu­fund­ur um áhrifa­mat vatns­hlota

Dagskrá fundarins

Fræðslufundur um áhrifamat vatnshlota