Á dagskrá ráðstefnunnar voru fjölbreytt erindi um sögu og þróun sveitarfélaga, og áskoranir sem mæta sveitarfélögum framtíðarinnar.

Jón Björn Hákonarson, formaður stjórnar Sambandsins opnaði ráðstefnuna og sagði í ávarpi sínu að samvinna ríkis og sveitarfélaga væri mikilvæg. „Við stöndum bæði frammi fyrir brýnum málum sem þarf að leysa og fjölda tækifæra til að ná árangri fyrir íslenskt samfélag. Það gerum við betur saman en í sitthvoru lagi. Það er samvinnan í sinni tærustu mynd og að mínu mati náum við ekki árangri nema hafa hana að leiðarljósi,“ sagði Jón Björn í ávarpi sínu.

Stofnþing Sambandsins var haldið í Reykjavík dagana 11.-13. júní 1945 í sal neðri deildar Alþingis í Alþingishúsinu við Austurvöll. Frumkvöðullinn að stofnun sambandsins var Jónas Guðmundsson, eftirlitsmaður sveitarstjórnarmálefna hjá hinu opinbera.

Sambandið hefur frá upphafi unnið að eflingu íslenskra sveitarfélaga og að hvers konar hagsmunamálum þeirra. Verulegur hluti starfseminnar felst í hagsmunagæslu fyrir sveitarfélögin gagnvart ríkisvaldinu og öðrum innlendum og erlendum aðilum.

Þannig er hlutverk Sambandsins fyrst og fremst fólgið í að vera sameiginlegur málsvari sveitarfélaganna í landinu og vinna að sameiginlegum hagsmunamálum þeirra og samstarfi. Kallar það á að Sambandið hefur náin samskipti við ríkisstjórn og Alþingi, hverju sinni, fyrir hönd sveitarfélaganna.

Samband íslenskra sveitarfélaga fagnar 80 ára afmæli í dag, 11. júní, og af því tilefni var sérsök afmælisráðstefna haldin á Iceland Parliament Hotel að viðstöddum á annað hundrað gesta. 

Samband íslenskra sveitarfélaga 80 ára í dag

Síðustu vikur hefur verið unnið að því að koma broti af myndasafni Sambandsins inn á gagnagrunn sem vistaður er hjá fyrirtækinu DataDwell þar sem einfalt verður að halda utan um safnið, merkja það með þeim og því sem á myndunum er og setja inn margs konar merkingar, s.s. ártal, tilefni og ótalmargt fleira. 

Nú þegar hafa verið settar inn næstum 2.000 myndir flestar frá síðustu árum en einnig frá sjöunda og áttunda áratugnum. 

Það er von okkar að þessi ljósmynda- og minningabanki verði sveitarstjórnarfólki og landsmönnum öllum góð afþreying og jafnframt að við náum með þessu að sýna hversu fjölbreytt verkefni það eru sem Sambandið hefur fengist við í gegnum tíðina. Við búum yfir áttræðri sögu og þúsund minningum. 

Við bjóðum landsmönnum að fletta í gegnum myndirnar og senda okkur ábendingar um það sem betur mætti fara og biðjum ykkur endilega um að senda okkur ábendingar um nöfn og staði í gegnum myndavefinn sjálfan. 

Slóðin er http://myndasafn.samband.is. 

Í dag, miðvikudaginn 11. júní 2025, opnar formlega myndasafn Sambands íslenskra sveitarfélaga. Í gegnum tíðina hefur Sambandið birt gríðarlegt magn ljósmynda í tímaritinu Sveitarstjórnarmálum, en tímaritið kom fyrst út 1. september 1941 og er því fjórum árum eldra en Sambandið. 

Myndavefur Sambandsins

Ráðstefnan hefur undanfarin ár verið vettvangur fróðlegra erinda, innblásturs og umræðna um stafræna þróun innan sveitarfélaga. Við gerðum okkar besta til að dagskráin í ár yrði fjölbreytt og áhugaverð – þar sem fjalla átti m.a. um ábata stafrænna lausna, hlutverk stafræns leiðtoga, samstarf sveitarfélaga og áhrif gervigreindar á samfélagið.

Við þökkum öllum sem höfðu sýnt ráðstefnunni áhuga og munum skoða möguleika á að halda viðburðinn síðar á árinu og munum tilkynna nýja dagsetningu um leið og hún liggur fyrir.
Okkur þykir afar leitt að svona skuli fara og biðjumst velvirðingar á þeim óþægindum sem þetta kann að valda.

Um leið og við þökkum fyrir skilninginn vonumst við til að sjá ykkur á næsta viðburði stafrænna sveitarfélaga.

Okkur þykir leitt að tilkynna að fresta þarf Stafrænu ráðstefnunni, sem fyrirhuguð var 10.júní næstkomandi, vegna ófullnægjandi þátttöku.

Stafrænu ráðstefnunni frestað

Verðlaunin eru veitt í samstarfi Sambandsins og Fjársýslunnar í þeim tilgangi að varpa ljósi á öflugt umbótastarf og nýsköpun sem eykur gæði og skilvirkni í opinberri þjónustu.

Hafnarfjarðarbær
Fyrir leiðandi umbótastarf við stafræna umbreytingu í þjónustu og rekstri sveitarfélagsins.

Bílastæðasjóður
Fyrir nýsköpun og breytingar á framkvæmd eftirlits með stöðvunarbrotum.

Benedikt Geir Jóhannesson
Fyrir öflugt einstaklingsframtak við hagnýtingu gervigreindar í umbótaverkefnum og framúrskarandi árangur í opinberri nýsköpun.

Réttarvörslugáttin
Fyrir stafvæðingu réttarvörslukerfisins og betri samvinnu milli stofnana innan dómskerfisins.

Skatturinn
Fyrir nýtingu gagna og tækninýjunga til að efla þjónustu stofnunarinnar við almenning.

Verðlaunin sýna fjölbreytileika nýsköpunar í opinbera geiranum, allt frá tækniinnleiðingu og gagnadrifinni stefnumótun yfir í notendamiðaðar lausnir og þróun þjónustu við almenning. Hver verðlaunahafi setur fordæmi fyrir hvernig frumkvæði og fagmennska geta umbreytt opinberri þjónustu til hagsbóta fyrir samfélagið í heild.

Við óskum öllum verðlaunahöfum innilega til hamingju og þökkum framlag þeirra til opinberrar nýsköpunar. 

Í gær fór fram afhending Nýsköpunarverðlauna hins opinbera 2025 á Nýsköpunardegi hins opinbera, þar sem fimm framúrskarandi verkefni og einstaklingar hlutu viðurkenningu fyrir árangur sinn á sviði opinberrar nýsköpunar.

Leitarniðurstöður

Fimm hlutu Nýsköpunarverðlaun hins opinbera 2025

Leitarniðurstöður

Fimm hlutu Ný­sköp­un­ar­verð­laun hins op­in­bera 2025

Fimm hlutu Nýsköpunarverðlaun hins opinbera 2025