Samhliða hefur Sambandið, í samstarfi við Hagstofu Íslands, innviðaráðuneytið og fjármála- og efnahagsráðuneytið, unnið að endurhönnun Upplýsingaveitu sveitarfélaga til að auðvelda sveitarfélögum landsins enn frekar að skila fjárhagsupplýsingum. Upplýsingaveitan er sameiginlegur gagnagrunnur opinberra aðila sem inniheldur fjárhagsupplýsingar sveitarfélaga í samræmi við lög og reglur. Þar er meðal annars um að ræða gögn um rekstur, fjárhag, fjárhagsáætlanir og ársreikninga sveitarfélaga. 

Aukin sjálfvirk gagnaskil og betri endurgjöf til sveitarfélaga. 

Hönnun mælaborða sem gera sveitarfélögum kleift að bera saman eigin rekstur og fjárhagsáætlanir við önnur sveitarfélög. 

Möguleiki á að skila gögnum í gegnum vefþjónustu eða áætlunarskjöl, t.d. Excel.

Samhliða þessu mun Sambandið einnig taka alfarið yfir rekstur og vistun Upplýsingaveitu sveitarfélaga. Jafnframt er unnið að heildarendurskoðun á regluverki um bókhald, framsetningu ársreikninga og fjárhagsáætlana til að tryggja gagnsæi, áreiðanleika og samræmda framsetningu gagna. Þátttaka starfsfólks sveitarfélaga í þessari vinnu hefur verið lykilatriði enda er þekking þeirra og reynsla ómetanleg í þessu endurmati og breytingum. 

Samband íslenskra sveitarfélaga mun taka að sér söfnun fjárhagsáætlana og útkomuspá sveitarfélaga. Markmiðið með breytingunni er að styðja sveitarfélög landsins enn frekar við að ná fjárhagslegum markmiðum sínum með aukinni sjálfvirknivæðingu, bættum gæðum gagna og auðveldari samanburði.  

Sambandið tekur að sér söfnun fjárhagsáætlana og útkomuspá sveitarfélaga  

Á ráðstefnunni koma saman fulltrúar ungmennaráða sveitarfélaga víðs vegar af landinu til að ræða málefni sem snerta ungt fólk, lýðræði og aðkomu að ákvarðanatöku. Markmiðið er að efla rödd ungmenna í sveitarstjórnarstarfi og skapa vettvang fyrir nýjar hugmyndir og samstarf.

Frekari upplýsingar um ráðstefnuna og skráningu veitir Ingimar Guðmundsson     

Ráðstefna ungmennaráða sveitarfélaga 2025 fer fram 5. desember á Hilton Reykjavík Nordica. Ráðstefnan er haldin í tilefni af 80 ára afmæli Sambands íslenskra sveitarfélaga og er mikilvægur vettvangur fyrir samráð við unga íbúa landsins.

Ráðstefna ungmennaráða sveitarfélaga 2025

Í skýrslunni  kemur fram að dreifing verkefna og ábyrgðar komi fram í sóun og tefji framþróun. Til að nýta fjármagn og þekkingu enn betur þarf að hugsa stafræna vegferð hins opinbera heildstætt, samþætta kerfi og brjóta niður hindranir milli stofnana og stjórnsýslustiga. Með sameiginlegri sýn, aukinni áherslu á notendaupplifun og samræmdar lausnir skapast tækifæri til að bæta þjónustu, draga úr tvíverknaði og ná stærðarhagkvæmni.

Áætlað er að hið opinbera hafi varið að minnsta kosti 42,6 milljörðum króna árið 2024 í rekstur og þróun upplýsingatækniinnviða. Talan er þó varlega áætluð þar sem skortur er á samræmdum reglum um bókhald og skráningu kostnaðar.

„Við verðum að horfa á stafræna þróun sem sameiginlegt verkefni allra opinberra aðila,“ segir Jón Björn Hákonarson, formaður Sambands íslenskra sveitarfélaga. „Það þýðir betri yfirsýn á verkefnum, betri þjónusta við íbúa og síðast en ekki síst mun betri nýting fjármagns. Fyrir íbúa skiptir ekki máli hvort sveitarfélag eða ríki er að veita þjónustuna, hún þarf bara að virka og vera aðgengileg.“

Samband íslenskra sveitarfélaga fékk KPMG til að vinna skýrslu fyrir hönd allra sveitarfélaga þar sem fjallað er um kostnað og hagræðingartækifæri í rekstri og þróun stafrænna innviða hjá hinu opinbera. Niðurstöður skýrslunnar sýna að veruleg tækifæri felast í að efla samstarf ríkis og sveitarfélaga.

Mikil tækifæri í frekara samstarfi í stafrænum málum

Innanríkisáðuneytið hefur undanfarið unnið að endurskoðun á gildandi regluverki um Jöfnunarsjóð sveitarfélaga í kjölfar þess að sett voru sérstök lög um sjóðinn á vorþingi. Hefur ráðuneytið átt samráð við ráðgjafarnefnd Jöfnunarsjóðs og Samband íslenskra sveitarfélaga um þau drög sem nú eru birt til umsagnar í samráðsgátt.

Helstu breytingar sem leiða af lagabreytingum eru:

Sett verður ný reglugerðar um almenn jöfnunarframlög.

Reglugerð um Jöfnunarsjóð sveitarfélaga fjallar eingöngu um starfsemi sjóðsins og framlög sem ekki er fjallað um í öðrum reglugerðum.

Reglugerð um fasteignaskattsjöfnunarframlög fellur úr gildi.

Sambandið hvetur sveitarfélög til að kynna sér efni stjórnvaldsfyrirmælanna og senda inn umsögn um þau. 

Endurskoðun stjórnvaldsfyrirmæla um Jöfnunarsjóð sveitarfélaga eftir setningu laga nr. 56/2025 í Samráðsgátt

Sambandið vekur athygli á því að í Samráðsgátt er nú til umsagnar endurskoðun stjórnvaldsfyrirmæla um Jöfnunarsjóðs sveitarfélaga eftir setningu laga nr. 56/2025. 

Leitarniðurstöður

End­ur­skoð­un stjórn­valds­fyr­ir­mæla um Jöfn­un­ar­sjóð sveit­ar­fé­laga

Endurskoðun stjórnvaldsfyrirmæla um Jöfnunarsjóð sveitarfélaga