Þann 3. september nk. býður Sambandið starfsfólki ungmennaráða sveitarfélaga til fundar þar sem undirbúningasvinnan verður kynnt og farið yfir niðurstöður kortlagningar á starfsemi ungmennaráða. Markmið fundarins er að skilgreina hvað felst í virku ungmennaráði og greina hvar Sambandið getur veitt sveitarfélögum stuðning við að efla sín ráð.

Námskeið um ungmennaráð í Sveitarfélagaskólanum

Samhliða þessu er unnið að þróun nýs námskeiðs í Sveitarfélagaskólanum sem sérstaklega er ætlað núverandi og framtíðar fulltrúum í ungmennaráðum. Þar verður lögð áhersla á fræðsluefni sem auðveldar ungmennum að skilja hlutverk og starfsemi sveitarstjórnarstigsins. Námskeiðið verður kynnt fyrir starfsfólki ungmennaráða á haustmánuðum.

Að lokum vinnur Sambandið að undirbúningi viðburðar þar sem fulltrúar ungmennaráða og starfsfólk ungmennaráða á landsvísu verða leidd saman. Markmið viðburðarins er að skapa vettvang fyrir samráð og hlustun, þar sem börn og ungmenni fá tækifæri til að koma sjónarmiðum sínum á framfæri og hafa áhrif á forgangsröðun og áherslur Sambandsins. Upplýsingar um þennan viðburð og vinnu í tengslum við ungmennaráð munu berast til sveitarfélaga næsta haust.

Samband íslenskra sveitarfélaga hefur að undanförnu unnið markvisst að því að undirbúa vinnu þar sem verður lögð áhersla á að styðja við uppbyggingu virkra ungmennaráða í sveitarfélögum landsins og efla samráð við börn og ungmenni.

Aukin áhersla á virkt samráð við ungmenni í sveitarfélögum

Umfjöllun Sveitarstjórnarvettvangs EFTA

Á fundinum var sjónum vettvangsins beint að endurskoðun á löggjöf ESB sem varðar persónuvernd. Endurskoðunin felur m.a. í sér tillögur um að einfalda núverandi löggjöf. Þar sem löggjöfin nær til allra sviða þar sem opinberir aðilar meðhöndla persónuupplýsingar er þessi endurskoðun mikilvæg fyrir íslensk sveitarfélög. Meðal þess sem lagt er til er að draga úr kvöðum og skýrslugerð fyrir stofnanir og fyrirtæki sem eru með færri en 750 starfsmenn.

Í ályktun Sveitarstjórnarvettvangs EES EFTA er vel tekið í tillögur  ESB um að draga úr skriffinnsku, lækka kostnað og nútímavæða persónuverndarlöggjöf ESB. Þá er lagt til að ESB gangi enn lengra og að sérstaklega verði horft til lítilla sveitarfélaga í því tilliti.

Þá var fjallað um áætlun ESB varðandi öryggismál í Evrópu og viðbúnað ríkja ESB við þeirri ógn sem stafar að íbúum álfunnar. Markmiðið er að efla getu ríkja ESB við að koma í veg fyrir og bregðast við ógnum og hættuástandi. Einn af hornsteinum áætlunarinnar er að fá öll stjórnsýslustig og alla aðila samfélagsins til að taka þátt í að tryggja borgaralegan viðbúnað.

Í ályktun Sveitarstjórnarvettvangs EES EFTA eru EES EFTA ríkin hvött til þess að fylgjast vl með áætlunum ESB hvað þetta varðar og hvort og þá með hvaða hætti ríki EES EFTA komi að þessari áætlun. Þá er hlutverk sveitarfélaga og nálægð þeirra við íbúa áréttað og því mikilvægt að sveitarfélög séu höfð með í ráðum á öllum stigum málsins.

Sveitarstjórnarvettvangur EFTA tók til starfa árið 2010 og er hlutverk hans að gæta hagsmuna sveitarstjórna aðildarríkja EFTA gagnvart ESB. Í honum eiga sæti sex kjörnir fulltrúar á sveitarstjórnarstigi frá Íslandi og Noregi og tveir áheyrnarfulltrúar frá Sviss. Samband íslenskra sveitarfélaga, Reykjavíkurborg og landshlutasamtök sveitarfélaga tilnefna fulltrúa af hálfu Íslands. Formaður Sveitarstjórnarvettvangs EES EFTA er Rósa Guðbjartsdóttir.

Fulltrúar Íslands á fundi Sveitarstjórnarvettvangs EFTA 12.-13. júní 2025

Rósa Guðbjartsdóttir, Hafnarfjörður, skipuð af stjórn Sambandsins

Helga Þórðardóttir, borgarfulltrúi í Reykjavík

Berglind Harpa Svavarsdóttir, Samband sveitarfélaga á Austurlandi

Anton Kári Haraldsson, Samtök sunnlenskra sveitarfélaga

Lára Halldóra Eiríksdóttir, Samtök sveitarfélaga og atvinnuþróunar á Norðurlandi eystra

Halldóra Fríða Þorvaldsdóttir, Samband sveitarfélaga á Suðurnesjum

Sveitarstjórnarvettvangur EFTA kom saman í Brussel dagana 12.-13. júní 2025. Að þessu sinni voru persónuverndarmál og öryggismál í Evrópu megin umfjöllunarefni vettvangsins.

Persónuvernd og öryggismál í Evrópu til umfjöllunar á fundi Sveitarstjórnarvettvangs EFTA

Vorið 2024 samþykkti Alþingi Landsskipulagsstefnu 2024-2038 ásamt fimm ára aðgerðaáætlun fyrir árin 2024-2028. Meðal aðgerða er kortlagning á ræktunarlandi sem hentar til matvælaframleiðslu. Því hefur nú verið unnin grunnflokkun fyrir landbúnaðarland af Eflu verkfræðistofu en verkefnisstjórn var í umsjón Lands og skógar.

Afurð verkefnisins er landupplýsingagrunnur með flokkun lands í 4 flokka auk takmarkana sem er land sem ekki hentar til ræktunar. Nú hefur verið opnuð einföld tilgátuvefsjá fyrir hagaðila til að skoða niðurstöður flokkunarinnar og gera athugasemdir við einstök atriði. Vefsjáin verður opin til og með 30. júní og mun svo færast undir landupplýsingagrunn í umsjón Lands og skógar sem verður öllum aðgengilegur og uppfærður eftir því sem upplýsingar verða betri. Áfram verður hægt að koma með ábendingar eftir að vefsjáin færist yfir í landupplýsingagrunninn.

Sveitarfélög, hvert fyrir sig, munu bera ábyrgð á að vinna gögnin áfram og nánar sem forsendugagn fyrir stefnumótun um landbúnaðarland í aðalskipulagi.


Þann 11. júní hélt Sambandið, fyrir hönd Lands og Skógar, kynningarfund fyrir sveitarfélögin um kortlagningu ræktunarlands og nýja tilgátuvefsjá. Fundurinn var haldin á Teams og upptöku fundarins má finna neðar í fréttinni.

Kortlagning ræktunarlands - tilgátuvefsjá opnuð

Gert er ráð fyrir að aðilarnir séu fulltrúar félaga, stofnana, samtaka eða hagsmunahópa sem vinna að mannréttindum eða málefnum sem tengjast mannréttindum með einum eða öðrum hætti. Í nefndinni eiga tíu aðilar fast sæti en auglýst er eftir að minnsta kosti tveimur til viðbótar.

Umsóknir sendist á: mannrettindi@mannrettindi.is. Frestur til að skila umsóknum er til 10. júlí næstkomandi.

Stjórn Mannréttindastofnunar Íslands auglýsir hér með eftir aðilum í ráðgjafarnefnd stofnunarinnar. Ráðgjafarnefndinni er ætlað að styðja Mannréttindastofnun Íslands í störfum sínum með ráðgjöf, upplýsingagjöf og umsögnum eftir því sem þörf krefur.

Leitarniðurstöður

Auglýst eftir aðilum til setu í ráðgjafarnefnd Mannréttindastofnunar Íslands

Leitarniðurstöður

Aug­lýst eft­ir að­il­um til setu í ráð­gjaf­ar­nefnd Mann­rétt­inda­stofn­un­ar Ís­lands

Auglýst eftir aðilum til setu í ráðgjafarnefnd Mannréttindastofnunar Íslands