Stefnan er unnin í sameiningu af ríkinu, sveitarfélögum og íþróttahreyfingunni, sem öll bera ábyrgð á að efla íþróttir í landinu. Megináherslan er skýr: að tryggja börnum, ungmennum og fullorðnum um allt land raunhæft tækifæri til að stunda íþróttir í sínu nærsamfélagi.

Á næstu árum verður sérstök áhersla lögð á að festa nýtt svæðaskipulag í sessi. Markmiðið er að styrkja íþróttafélög víðs vegar um landið, auka samstarf milli landshluta og bæta gæði starfsins. Starfsfólk á svæðunum hefur þegar gegnt mikilvægu hlutverki, meðal annars í tengslum við innleiðingu farsældarráða fyrir börn og ungmenni, og er lykill að betri og heildstæðari þjónustu.

Samræmt skipulag innan svæða á einnig að styðja betur við þjálfara og hvetja fleiri sjálfboðaliða til þátttöku í starfi og stjórnun íþróttafélaga. Þar liggur mikilvægur styrkur fyrir framtíð íslensks íþróttastarfs.

Árangur af samstarfi mennta- og barnamálaráðuneytisins við ÍSÍ og UMFÍ um svæðisbundinn stuðning hefur þegar skilað miklu. Fleiri einstaklingar með fötlun, börn af efnaminni heimilum og fólk með fjölbreyttan menningar- og tungumálabakgrunn hafa nú betri aðgang að íþróttum. Þetta verður áfram eitt helsta áherslumál stefnunnar.

Jafnframt verður áfram unnið markvisst að því að bæta stuðning við afreksíþróttafólk. Nýtt fyrirkomulag afreksstarfs er þegar komið vel á veg og gegnir Afreksmiðstöð Íslands þar lykilhlutverki. Með þessu er verið að styrkja umgjörðina í kringum íþróttafólk sem hefur ítrekað sameinað þjóðina á stórum stundum. Afreksíþróttafólk er ekki aðeins tákn um árangur heldur einnig mikilvægar fyrirmyndir sem sýna hvað metnaður, agi og seigla geta skilað.

Þjóðarleikvangar verða einnig stórt verkefni á næstu árum. Stefnt er að því að ný þjóðarhöll verði tekin í notkun árin 2028 til 2029. Auk þess stendur yfir undirbúningur að frekari uppbyggingu þjóðarleikvangs í knattspyrnu í Laugardal og frumathugun vegna þjóðarleikvangs í frjálsíþróttum.

Íþróttir skipta samfélagið miklu máli, ekki aðeins fyrir líkamlega heilsu heldur einnig andlega vellíðan, aga, samstöðu og þrautseigju. Þegar aðgengi að íþróttum er tryggt fyrir alla eykst ávinningurinn fyrir samfélagið í heild. Endurskoðuð íþróttastefna til 2030 er mikilvægt leiðarljós á þeirri vegferð.

„Endurskoðuð íþróttastefna byggir á víðtæku samstarfi ríkis, sveitarfélaga og íþróttahreyfingarinnar og er mikilvægt skref til framtíðar. Sveitarfélögin gegna lykilhlutverki í því að tryggja að íþróttastarf blómstri í nærumhverfi fólks um allt land og því skiptir máli að með nýju svæðaskipulagi sé verið að styrkja slíkt starf, bæta aðgengi fyrir alla og tryggja að börn, ungmenni og fullorðnir hafi raunhæf tækifæri til þátttöku óháð búsetu eða aðstæðum,“ segir Arnar Þór Sævarsson, framkvæmdastjóri Sambands íslenskra sveitarfélaga.

Endurskoðuð íþróttastefna til ársins 2030 hefur nú verið kynnt. Hún tekur mið af þeim breytingum sem hafa orðið í íþróttastarfi á undanförnum árum, meðal annars með nýjum svæðisstöðvum íþróttahéraða, Afreksmiðstöð Íslands og öðrum mikilvægum umbótum.

Endurskoðuð íþróttastefna til 2030

Úr svörum á ráðstefnumati má sjá að almennt var mikil ánægja með ráðstefnuna, bæði í heild og þegar litið er til einstakra þátta. Þegar litið er til ráðstefnunnar í heild þá sögðust 85% vera frekar eða mjög ánægð með hana, og skoruðu þar hæst aðstaðan og skipulagið. 

Ráðstefnugestum stóð til boða að taka þátt í happdrætti sem í fólst að taka samtalið við nokkra af kynningarbásunum á staðnum. Tæpur þriðjungur ráðstefnugesta tók þátt og endurspeglar svörunin því að ánægja þeirra sem tóku þátt í happdrættinu hafi verið mikil. Dregnir voru út tveir heppnir vinningshafar sem fengu vinninginn sendann í pósti. 

Stafræn ráðstefna sveitarfélaga 2026, sem haldin var 25. mars síðastliðinn, tókst vel til og viljum við þakka ykkur sem mættuð og tóku þátt. Við erum mjög ánægð með útkomuna, en það seldist upp á ráðstefnuna. 

Mikil ánægja með stafræna ráðstefnu sveitarfélaga 2026

Upplýsingafundur þann 4. júní 2025 kl. 07:30–11:00

Tengslaráðstefna þann 5. júní 2025 kl. 11:30–15:00

Upplýsingafundurinn og tengslaráðstefnan eru kjörin tækifæri fyrir sveitarfélög, stofnanir, fyrirtæki, fræðasamfélag og félagasamtök sem hafa áhuga á þátttöku í alþjóðlegu samstarfi um sjálfbæra og samfélagslega nýsköpun. Verkefni sem styrkt eru í þessari áætlun þurfa að vera í samstarfi við fleiri Evrópulönd og hér eru nokkur dæmi um verkefni sem styrkt verða:

Húsnæðismiðaðar nálganir í anda New European Bauhaus til að takast á við heimilisleysi

Nýstárlegar nálganir við rýmis- og skipulagsgerð hverfa

Rannsóknir á upplifun íbúa af nærumhverfi með tilliti til heilsu og vellíðunar

Sjálfbærar, inngildandi og fagurfræðilegar lausnir út frá hitastigi í byggingum

Sjálfbærar lausnir vegna viðhalds á eldri byggingum

Nýtingu lóðrétts rýmis á sjálfbæran og skapandi hátt

Samhæfðar samfélagslegar innviða- og þjónustulausnir í hverfum til að takast á við heimilisleysi

Endurnýting auðra, úreltra eða vannýttra rýma

Innleiðing hringrásarhagkerfislíkana í byggingargeiranum

Frekari upplýsingar er að finna á vefsíðu Rannís og á New European Bauhaus vefsíðunni.

Þau sem eru áhugasöm um sjálfbæra þróun, félagslega nýsköpun og framtíð byggðs umhverfis ættu ekki að láta þessa viðburði fram hjá sér fara. New European Bauhaus er hluti af Horizon Europe rannsókna- og nýsköpunaráætlun Evrópusambandsins og hefst ný umsóknalota vegna hennar þann 5. maí. Í tengslum við hana verður haldinn upplýsingafundur og tengslaráðstefna í byrjun júní.

Opnað fyrir umsóknir í New European Bauhaus – upplýsingafundur og tengslaráðstefna

Grunnskólar hlutu rúmlega 30 milljónir króna til 102 verkefna og skólaskrifstofur hlutu rúmlega 47 milljónir króna til 115 verkefna.

Nánar um úthlutunina á vefsíðu Endurmenntunarsjóðs grunnskóla.

Í lok apríl var tilkynnt um úthlutun úr Endurmenntunarsjóði grunnskóla fyrir skólaárið 2026-2027 Umsóknir bárust frá rúmlega 80 umsækjendum upp á rúmlega 227 milljónir króna. Alls voru veittir styrkir til 219 verkefna og var úthlutað fyrir rúmlega 82,4 milljónir.

Leitarniðurstöður

Úthlutun úr Endurmenntunarsjóði grunnskóla 2026

Samband íslenskra sveitarfélaga

Leitarniðurstöður

Út­hlut­un úr End­ur­mennt­un­ar­sjóði grunn­skóla 2026

Úthlutun úr Endurmenntunarsjóði grunnskóla 2026