Þátttökugjald er 30.900 krónur og 12.000 krónur að auki fyrir hátíðarkvöldverð að kveldi fimmtudagsins 8. október.

Dagskrá er í vinnslu en helstu tímasetningar eru þær að ráðstefnan verður sett kl. 10:00 fimmtudaginn 8. október og stendur til u.þ.b. 16:00. Hlé verður þá gert á dagskránni til kl. 9:30 föstudaginn 9. október.

Hátíðarkvöldverður verður í Vör, farþegamiðstöð Faxaflóahafna, kl. 19:00-23:30 að kveldi fimmtudags.

Boðið verður upp á rútuferðir frá Hilton Reykjavík, Grand hóteli og Hörpu að morgni beggja ráðstefnudaga og til baka við ráðstefnulok. Þá verður boðið upp á rútuferðir frá sömu stöðum í tengslum við hátíðarkvöldverðinn. 

Skráningar og dagskrársíða fjármálaráðstefnu. 

Fjármálaráðstefna sveitarfélaga fer fram dagana 8.-9. október nk. í Vör, farþegamiðstöð Faxaflóahafna við Skarfabakka. Opnað hefur verið fyrir skráningu á vef ráðstefnunnar. 

Opið fyrir skráningu á fjármálaráðstefnu 2026

Tilgangur launatöfluaukans er að stuðla að því að þróun launakostnaðar starfsfólks á opinberum markaði innan vébanda heildarsamtaka haldi að jafnaði í við þróun launakostnaðar sambærilegra hópa á almennum markaði. 

Á gildistíma kjarasamninganna átti í þrjú skipti að bera saman þróunina milli markaða og kanna hvort greiða þurfi út launatöfluauka til heildarsamtaka starfsfólks sveitarfélaga. 

Niðurstöður nefndar um launatöfluauka, sem skipuð er fulltrúum heildarsamtaka launafólks (BHM, KÍ, BSRB og ASÍ) og opinberra launagreiðenda (ríki, Samband íslenskra sveitarfélaga og Reykjavíkurborg), er að launatöfluauki virkjast ekki í kjarasamningum sveitarfélaga á öðru viðmiðunartímabili og því verða ekki breytingar á launatöflum þeirra 1.september 2026.

Í núgildandi kjarasamningum stéttarfélaga við opinbera launagreiðendur (2024-2028) er að finna viðauka um svokallaðan launatöfluauka. 

Launatöfluauki virkist ekki í kjarasamningum sveitarfélaga

Tilgangur ferðarinnar er að bjóða upp á námskeið fyrir umsækjendur sem hyggjast sækja um í LIFE árið 2027, sem og að bjóða upp á fundi með mögulegum umsækjendum. Á námskeiðinu verður farið yfir umsóknarferlið og ýmis atriði sem ber að hafa í huga við umsóknarskrif og gerð fjárhagsáætlana.

LIFE er umhverfis- og loftslagsáætlun ESB og markmið hennar eru að: 

vernda náttúru Evrópu með því að hægja á og snúa við hnignun líffræðilegs fjölbreytileika. LIFE áætlunin fjármagnar verkefni sem takast á við umhverfis- og loftslagsbreytingar,

flýta fyrir orkuskiptum með aukinni útbreiðslu orkunýtni og endurnýjanlegri orku,

draga úr losun gróðurhúsalofttegunda, auka viðnámsþol vegna loftslagsbreytinga og auka meðvitund um að draga úr loftslagsbreytingum,

leggja til hringrásarhagkerfisins með nýrri tækni og lausnum,

vernda, endurheimta og bæta umhverfið, svo sem vatns-, loft- og hljóðgæði og auka í kjölfarið lífsgæði fólks.

LIFE verkefni eiga að þróa, sannreyna og skala upp nýstárlegar lausnir á sviði umhverfis- og loftslagsmála. Verkefnin ættu auk þess að vera hvati að því að vel heppnuðum lausnum sé beitt víðar og í stærri mæli en áður.



Landstengiliðir LIFE áætlunarinnar hjá Rannís leggja land undir fót og heimsækja Akureyri og Egilsstaði í október.

Námskeið í skrifum á LIFE styrkumsóknum á Akureyri og Egilsstöðum

Hvaða leið er best til að tryggja skilvirka og hagkvæma úrgangsþjónustu til framtíðar? Eiga sveitarfélög að sinna þjónustunni sjálf eða fela hana einkaaðilum í auknum mæli? Þessum spurningum og fleirum verður velt upp á opnum morgunfundi FENÚR, samtaka um úrgangsmál á Norðurlöndum, sem fram fer í Norræna húsinu miðvikudaginn 16. september kl. 10.00.

Yfirskrift fundarins er „Áfram gakk eða skref til baka?“ og verður sjónum beint að einkavæðingu, samkeppni og hlutverki sveitarfélaga og fyrirtækja í úrgangsþjónustu. Málefnið hefur verið áberandi í umræðunni undanfarin misseri, ekki síst í ljósi aukinna krafna um hringrásarhagkerfi, endurvinnslu og hagkvæma nýtingu fjármuna.

Á fundinum munu fulltrúar sveitarfélaga, fyrirtækja og sérfræðinga ræða ólík sjónarmið og reynslu af skipulagi úrgangsmála. Í pallborði sitja:

•	Hugrún Geirsdóttir, sérfræðingur hjá Sambandi íslenskra sveitarfélaga

•	Jón Þórir Frantzson, framkvæmdastjóri Íslenska gámafélagsins

•	Líf Magneudóttir, borgarfulltrúi í Reykjavík

•	Orri Björnsson, formaður bæjarráðs Hafnarfjarðar

Markmið fundarins er að efla upplýsta umræðu um framtíð úrgangsþjónustu á Íslandi og skoða hvaða leiðir skila bestum árangri fyrir íbúa, sveitarfélög og umhverfið.

Fundurinn fer fram í Norræna húsinu, við Sæmundargötu 11 í Reykjavík. Aðgangur er ókeypis og boðið verður upp á léttar veitingar. Skráning hér. 

Einnig verður fundinum streymt fyrir þá sem ekki eiga heimangengt.

Fundartími: 16. september 2026, kl. 10.00-11.00

Staður: Norræna húsið, Elissa Auditorium, Sæmundargötu 11, Reykjavík

Umræður um einkavæðingu, samkeppni og hlutverk sveitarfélaga og fyrirtækja í úrgangsþjónustu

Leitarniðurstöður

Áfram gakk eða skref til baka?