Könnun um stafræna stöðu sveitarfélaga var upphaflega send á sveitarfélögin í byrjun árs 2020 en var svo aftur lögð fyrir sveitarfélögin í byrjun sumars og var haldið opið fram í október síðastliðinn. 

Hverri spurningu fylgja fimm fullyrðingar og eiga sveitarfélögin að velja þá fullyrðingu sem á best við um stafræna stöðu þeirra. Fullyrðingarnar fimm eru byggðar upp með aðferðina CMMI til hliðsjónar og gefin eru stighækkandi stig eftir því hvar í pýdamýdanum sveitarfélagið staðsetur sig í hverri spurningu.

Fimm stiga kvarði Capability Maturity Model Integration (CMMI)

Nánar má lesa um vinnslu könnunar og niðurstöðu í flipunum hér að neðan.

Á heildina litið bættu sveitarfélögin úr 2,9 stigum að vegnu meðaltali árið 2020 í 3,6 árið 2024 sem samanber 25% bætingu milli ára. Þetta er afgerandi bætt stafræn staða sveitarfélaganna og greinilegt lögð hefur verið mikil áhersla á stafræna umbreytingu í starfi þeirra.

Í myndritinu hér að neðan má sjá hvernig vegið meðaltal hvers kafla í könnuninni breyttist milli ára á heildina litið og eftir stærðarflokkum þeirra. Ef stærðarflokkar sveitarfélaganna eru bornir saman þá má sjá að bæting er afgerandi meiri eftir því sem sveitarfélögin stækka og er bæting milli ára alla jafna mest meðal stórra sveitarfélaga.

Sex sveitarfélög bættu sig um a.m.k eitt stig að meðaltali og því um a.m.k. heilt þrep í greiningaraðferðinni eins og má sjá í myndritinu hér að neðan. Sveitarfélögin hafa greinilega lagt mikla áherslu á stafræna umbreytingu og með skilvirkum hætti bætt stafræna þjónustu og ferla í starfi sínu. Eftirtektarvert er að þau eru öll stór eða miðlungs og skýrt að stærð sveitarfélaga hefur áhrif á bolmagn þeirra til stafvæðingar. 

Ef litið er til hvers kafla fyrir sig þá má sjá þau sveitarfélög sem hafa bætt stafræna stöðu sína mest milli ára eftir málaflokkum, en þar er dreifing stærðar sveitarfélaganna meiri. Í köflunum sem snúa að félagsþjónustu og húsnæðismálum annars vegar og skólum og frístundastarfi hins vegar er mesta bætingin uppá yfir tvö stig að meðaltali sem samanber tvö þrep í greininaraðferinni. Ánægjulegt er að sjá hve mikil áhersla er á stafræna umbreytingu meðal sveitarfélaganna sem endurspeglast í bættri þjónustu sveitarfélaganna.

Allar spurningar könnunarinnar voru flokkaðar eftir því hvort spurningin snúi að bættri þjónustu við íbúa eða bættri þjónustu í starfsemi sveitarfélagsins. Á myndritinu hér að neðan má sjá að hlutfallsbreyting var afgerandi meiri bæting meðal spurninga sem snúa að bættri þjónustu við íbúa sveitarfélaganna þó almennt sé bæting í báðum hópum og öllum köflum. Á heildina litið var tvöfalt meiri bæting meðal spurninga sem snúa að þjónustu við íbúa en í þjónustu sem snýr að starfsemi sveitarfélaganna.

Bæting milli ára snýr oftar að bættri þjónustu við íbúa en að bættri þjónustu í innri starfsemi sveitarfélaga. Mest bæting er í skólum og frístundastarfi, skipulags-, bygginga- og framkvæmdamálum ásamt félagsþjónustu og húsnæðismálum.

Minnstar framfarir voru á spurningum sem snúa að innra starfi umfram þeim sem snúa að íbúum og er það blandað eftir viðfangsefnum. 

Í einstökum efnu var afturför milli kannana. Að öllum líkindum má skýra það á tvo vegu, annars vegar breytingar á þeim hópi sveitarfélaga sem svaraði könnuninni og hins vegar vegna þess að nýjar og snjallari lausnir hafa litið dagsins ljós milli kannana sem sveitarfélögin hafa kynnst og vilja nýta sér sem gerir það að verkum að matið þeirra á eigin stafvæðingu í þessum spurningunni er lægra. 

Ef litið er til spurninga með hæsta vegna meðaltalið í könnuninni sem lögð var fyrir á árinu þá snúa stigahæstu spurningarnar að bættri þjónustu í innra starfi. Einnig er áberandi að samtal og samvinna sveitarfélaga í stafrænni umbreytingu virðist hafa skilað mjög góðum árangri, sem er einkum að þakka vinnu stafrænna leiðtoga innan sveitarfélaganna.

Haldin var stafræn spjallstofa þar sem fyrstu niðurstöður voru kynntar 12. nóvember síðastliðinn, sem tekin var upp og er aðgengileg á vef Sambandsins.

12. nóvember 2024

Upptaka að vefkaffi um niðurstöður könnunar

Vefkaffi um fyrstu niðurstöður

Mikil bæting hefur átt sér stað á stafrænni stöðu sveitarfélaganna á undanförnum árum samkvæmt niðurstöðum á könnun sem lögð var fyrir sveitarfélögin árin 2020 og nú aftur 2024.

Niðurstöður úr könnun á stafrænni stöðu sveitarfélaga

Samningarnir eru í samræmi við þá samninga sem gerðir hafa verið við aðila á vinnumarkaði á þessu ári og hækka laun í samræmi við þær hækkanir á samningstímanum.

Nú fer í hönd kynning á og atkvæðagreiðsla um kjarasamningana meðal félagsmanna ofangreindra félaga. Niðurstöður atkvæðagreiðslna munu liggja fyrir samkvæmt eftirfarandi:

Iðjuþjálfafélag Íslands, kl. 13:00 þann 9. desember n.k.

Sálfræðingafélag Íslands kl. 16:00 þann 12. desember n.k.

Þroskaþjálfafélag Íslands kl. 12:00 þann 13. desember n.k.

Frá undirritun samnings við Iðjuþjálfafélag Íslands.

Frá undirritun samnings við Þroskaþjálfafélag Íslands.

Frá undirritun samnings við Sálfræðingafélag Íslands.

Þann 4. desember 2024 undirrituðu samninganefndir Sambands íslenskra sveitarfélaga og Iðjuþjálfafélags Íslands, Sálfræðingafélags Íslands og Þroskaþjálfafélags Íslands, nýja kjarasamninga sem gilda frá 1. apríl 2024 til 31. mars 2028.

Kjarasamningar við þrjú aðildarfélög BHM undirritaðir

Björg er hönnuð með það markmið að styðja sveitarfélög við að taka upplýstar ákvarðanir, bæta þjónustu og auka skilvirkni í starfsemi sinni. Lausnin nýtir gervigreind til að vinna úr gögnum á hraðan og áreiðanlegan hátt, og býður upp á nýja möguleika í stjórnsýslu og rekstri sveitarfélaga. Jafnframt er hún stuðningur við sérfræðinga Sambandsins þegar kemur að því að svara fyrirspurnum frá sveitarfélögum.

Björg var þróuð með sérfræðingum frá DataLab, sem nálguðust verkefnið með öflugri tæknilegri innsýn og lausnamiðaðri nálgun. Björg er nú tilbúin að styðja sveitarfélög við að sigrast á áskorunum og nýta tækifærin sem stafræn tækni hefur upp á að bjóða.

Við hvetjum starfsfólk sveitarfélaga og kjörna fulltrúa til að kynna sér þessa spennandi lausn og kanna hvernig hún getur haft jákvæð áhrif á dagleg störf.

Fá aðgang að Björgu

Skráðu þig hér:

Sveitarfélög geta nýtt sér gervigreind til að auka skilvirkni og bæta þjónustu við íbúa. Með gervigreind er hægt að greina gögn hraðar, spá fyrir um þörf á þjónustu og taka upplýstari ákvarðanir, til dæmis í skipulagsmálum. Sjálfvirk svörun spurninga getur sparað tíma og auðveldað samskipti við íbúa. Þó þarf að fara varlega með persónuupplýsingar til að tryggja gagnavernd og fylgja lögum um persónuvernd. Einnig ber að varast of mikla sjálfvirkni þar sem mannlegur þáttur er nauðsynlegur í mörgum tilfellum. Gervigreind er ekki framtíðin – hún er nútíðin, og með réttri notkun getur hún breytt leiknum.

Á vef stjórnarráðsins

Leiðbeiningar fyrir opinbera aðila sem nýta eða hyggjast nýta sér gervigreind

Notkun gervigreindar hjá hinu opinbera

Hér að neðan má finna upptöku frá kynningarfundi sem haldinn var á Teams miðvikudaginn 4. desember 2024. 

Upptaka frá kynningarfundi

Opnað hefur verið fyrir aðgang að Björgu - gervigreindarlausn Sambands íslenskra sveitarfélaga og er aðgengileg starfsfólki sveitarfélaga og kjörnum fulltrúum.

Björg er komin í loftið – gervigreindarlausn fyrir íslensk sveitarfélög

Uppselt er á Fjármálaráðstefnu sveitarfélaga 2024. Skráningin var með nýju sniði að þessu sinni en skráðir þátttakendur voru orðnir rétt tæplega 500 talsins viku fyrir ráðstefnuna.

Fjármálaráðstefna sveitarfélaga verður haldin á Hilton Reykjavík Nordica 10.-11. október 2024.

Skráðir þátttakendur fengu að skráningu lokinni sent rafrænt aðgangskort á ráðstefnuna sem þarf að hlaða niður í síma þátttakanda eða prenta út. Skanna þarf aðgangskortið við komu á ráðstefnuna.

Leitarniðurstöður

Uppselt á Fjármálaráðstefnu sveitarfélaga 2024

Leitarniðurstöður

Upp­selt á Fjár­mála­ráð­stefnu sveit­ar­fé­laga 2024

Uppselt á Fjármálaráðstefnu sveitarfélaga 2024