Sigurður Sigurjónsson, formaður Félags stjórnenda leikskóla, afhenti Ingu Líndal, leikskólastjóra Álfasteins, viðurkenninguna við hátíðlega athöfn í leikskólanum, að viðstöddum kennurum og stjórnendum skólans.

Í umsögn valnefndar Orðsporsins segir að með markvissri stefnu skólans um að hvetja starfsfólk til náms í leikskólakennarafræðum hafi skapast „sterkt faglegt umhverfi þar sem rannsóknir, starfendarannsóknir og sameiginleg ábyrgð á gæðum skólastarfs eru leiðarljós“.

Kennararnir Helga Guðmundsdóttir og Hjördís Jónsdóttir hafa að mati valnefndar sýnt faglegt hugrekki með starfendarannsóknum; þær hafa rýnt, með kerfisbundnum hætti, í eigið starf, spurt gagnrýninna spurninga og þróað nýjar leiðir í skólastarfinu, meðal annars er kemur að aðferðum sem geta haft áhrif á tengslamyndun og samskipti við foreldra.

„Starfendarannsóknirnar hafa leitt til raunverulegra breytinga á starfsháttum. Innleiddir hafa verið tengslahringir og samskiptahringir þar sem kennarar meta tengsl sín við hvert barn fjórum sinnum á ári. Þessi kerfisbundna nálgun tryggir að ekkert barn verði jaðarsett og að gripið sé tímanlega til aðgerða ef tengsl eru veik. Með þessu hefur tekist að styrkja öryggi barna, fagvitund kennara og samvinnu innan teymanna,“ segir í umsögninni.

Þá kemur fram í umsögn valnefndar að kannanir meðal foreldra sýni mælanlega aukningu á ánægju með aðlögunarferli skólans, eftir að breytingarnar voru innleiddar. Foreldrasamtöl, sem fara að jafnaði fram sex til átta vikum eftir aðlögun, hafa orðið að mikilvægu faglegu rými fyrir endurgjöf og samræður – sem eflir traust foreldra og forráðamanna til kennara og starfsfólks.

„Starf skólans sýnir hvernig markviss þróun, byggð á fræðilegum grunni og samvinnu, getur skapað varanlegan ávinning fyrir börn, foreldra og samfélagið í heild,“ segir í lok umsagnar valnefndar.

Leikskólinn Álfasteinn í Hafnarfirði hlaut Orðsporið 2026, hvatningarverðlaun leikskólans, fyrir fagmennsku, ígrundun og metnaðarfullt þróunarstarf sem byggt er á fræðilegum grunni og samvinnu.

Álfasteinn í Hafnarfirði hlýtur Orðsporið 2026

PMTO-foreldrafærni er gagnreynt meðferðarúrræði fyrir foreldra barna með samskipta- eða hegðunarerfiðleika sem hefur reynst afar vel hér á landi.

Aðferðin hefur verið notuð hér á landi í 25 ár með góðum árangri. Í dag bjóða tíu sveitarfélag víðs vegar um landið foreldrum uppá PMTO-fræðslu. Árlega fá um 700 foreldrar þjónustu, auk þess að margir skólar njóta góðs af skólaútgáfu aðferðarinnar.

Í samningnum felst að Reykjavíkurborg tekur að sér að reka PMTO-miðstöð sem þjónar landinu öllu. Keðjan, sem er starfseining innan Reykjavíkurborgar sem veitir stuðningsþjónustu fyrir börn, veitir miðstöðinni faglega forystu, í samstarfi við rannsóknarstofu hjá Menntavísindasviði HÍ. Unnið verður að því á samningstímanum að finna miðstöðinni stað til framtíðar.

Foreldrar sem vilja sækja um þjónustuna sækja um hana í sínu sveitarfélagi, ýmist í gegnum skóla barnsins eða hjá velferðar- eða skólaþjónustu sveitarfélagsins.

Mennta- og barnamálaráðherra og borgarstjóri undirrituðu í gær samning um rekstur PMTO-miðstöðvar sem ætlað er að þjóna öllu landinu.

PMTO-miðstöð fyrir foreldra barna með hegðunarvanda

Öll ráðuneyti í Stjórnarráðinu koma að verkefninu með tengingu við málaflokka sína en innviðaráðuneytið heldur utan um verkefnið. Allir eiga kost á því að senda inn tillögur og ábendingar með þátttöku í könnuninni sem birt er í samráðsgátt stjórnvalda. Frestur er til og með 10. mars nk.

Sjá frétt um verkefnið á vef innviðaráðuneytisins.

Sambandið vekur athygli á vefkönnun innviðaráðuneytisins þar sem óskað eftir tillögum um hvernig megi einfalda regluverk um verkefni sveitarfélaga. 

Einföldun á regluverki um verkefni sveitarfélaga

Viðburður

Staf­ræn ráð­stefna sveit­ar­fé­laga

Dagskráin mun hefjast klukkan 10:00 og á heils dags ráðstefnunni verður farið verður yfir fjölbreytt umfjöllunarefni stafrænna mála og stafrænnar þróunar. Stefnt er að því að formlegri dagskrá ljúki klukkan 16:00. 

Opnað hefur verið fyrir skráningu á stafræna ráðstefnu sveitarfélaga sem verður haldin þann 25. mars næstkomandi í Grósku. Dagskrá verður kynnt á komandi dögum en búast má við mörgum áhrifaríkum og fróðlegum erindum og góðri umræðu.  

Leitarniðurstöður

Skráning hafin á stafræna ráðstefnu sveitarfélaganna

Stafræn ráðstefna sveitarfélaga

Leitarniðurstöður

Skrán­ing haf­in á staf­ræna ráð­stefnu sveit­ar­fé­lag­anna

Staf­ræn ráð­stefna sveit­ar­fé­laga

Skráning hafin á stafræna ráðstefnu sveitarfélaganna

Stafræn ráðstefna sveitarfélaga