Í reglugerðardrögunum sem nú eru til kynningar er kveðið á um skyldu til að merkja sérstaklega þær plastvörur sem eru einnota og eru upptaldar í drögunum í samræmi við lágmarkskröfur framkvæmdarreglugerðar ESB 2020/2151. Merkingunum er ætlað að upplýsa neytendur um að varan innihaldi plast, um það hvaða úrgangsförgunaraðferðir á að forðast fyrir vöruna og um þau neikvæðu umhverfisáhrif sem fylgja því að dreifa rusli eða öðrum óviðeigandi aðferðum við förgun vörunnar. Um er að ræða vörur sem eru í almennri notkun, s.s. tíðavörur, blautþurrkur, tóbaksvörur sem innihalda plast, og bolla og glös fyrir drykkjarvörur. Samkvæmt breytingum á lögum um hollustuhætti og mengunarvarnir hefur legið fyrir frá árinu 2020 að þessar kröfur um merkingar verði innleiddar hér á landi og hafa fyrirtæki á íslenskum markaði mörg hver nú þegar merkt vörur sínar og með því tekið skrefið sem nú stendur til að festa í reglugerð.

Jafnframt er kveðið á um landsbundin, töluleg markmið um söfnun veiðarfæraúrgangs sem byggir á skyldu hvers ríkis, í samræmi við tilskipun 2019/904, um að ríki setji sér landsbundin söfnunarmarkmið fyrir veiðarfæri sem innihalda plast. Í drögunum er sett fram markmið um að á hverju ári verði safnað að lágmarki 60% af því magni veiðarfæra sem sett eru á markað að meðaltali og innihalda plast. Úrvinnslusjóður og fyrirtæki í sjávarútvegi hafa svo í sameiningu það hlutverk að uppfylla markmiðið, sem telst raunhæft en metnaðarfullt með tilliti til sambærilegra markmiða nágrannaríkja.

Reglugerðinni er ætlað að innleiða tiltekin ákvæði tilskipunar Evrópusambandsins (ESB) 2019/904 um að draga úr áhrifum tiltekinna plastvara á umhverfið og auk þess innleiða að fullu framkvæmdarreglugerð framkvæmdastjórnarinnar (ESB) 2020/2151 um reglur um samræmdar nákvæmar skilgreiningar um merkingar á einnota plastvörum sem eru tilgreindar í D-hluta viðaukans við tilskipun (ESB) 2019/904.

Samráð var haft við Umhverfis- og orkustofnun, Úrvinnslusjóð og Samtök fyrirtækja í sjávarútvegi við samningu reglugerðarinnar.

Athygli er vakin á því að frestur til að senda umsögn í samráðsgátt er til 1. september nk.

Umhverfis-, orku- og loftslagsráðuneytið hefur birt í Samráðsgátt stjórnvalda drög að reglugerð um plastvörur. Reglugerðin er nýmæli og með henni er ætlað að innleiða tiltekin ákvæði tilskipunar Evrópusambandsins (ESB) 2019/904 sem er ætlað að styðja við myndun hringrásarhagkerfis og efla úrgangsforvarnir með því að styðja við notkun sjálfbærra og fjölnota vara fremur en einnota.

Reglugerð um merkingar einnota plastvara og söfnunarmarkmið veiðarfæra í Samráðgátt

Starfið felst einkum í bókun, greiðslu og gerð reikninga auk annarra fjármálatengdra skrifstofustarfa á þjónustusviði en sviðið þjónustar ýmsar samstarfsstofnanir með bókahaldsþjónustu.

Æskilegt er að viðkomandi geti hafið störf sem fyrst. Um framtíðarstarf er að ræða.

Önnur fjármálatengd störf á þjónustusviði

Mjög góð þekking á bókhaldi og afstemmingum

Reynsla af sambærilegu starfi er skilyrði

Nákvæm, skipulögð og áreiðanleg vinnubrögð

Framúrskarandi samskiptahæfni, rík þjónustulund, frumkvæði og samviskusemi

Sambandið er framsækinn og skemmtilegur vinnustaður

Þátttaka í þjónustuteymi sem vinnur að eflingu íslenskra sveitarfélaga

Boðið er upp á opið og samvinnumiðað vinnuumhverfi

Hér starfar samheldinn hópur og starfsfólk fær gott svigrúm til starfsþróunar

Heilsueflandi og fjölskylduvænt starfsumhverfi, boðið er upp á heilsustyrk.

Jafnræðis er gætt í hvívetna við ráðningu og leitast er við að mannauður Sambandsins endurspegli fjölbreytileika samfélagsins

Nánari upplýsingar veitir Valur Rafn Halldórsson sviðsstjóri þjónustusviðs, netfang: valur.rafn.halldorsson@samband.is, eða í síma 515-4900.

Umsókn skal fylgja ferilskrá og kynningarbréf, þar sem fram kemur m.a. rökstuðningur fyrir hæfni viðkomandi í starfið. Umsóknarfrestur er til og með 18. ágúst nk.

Sótt er um starfið í gegnum Alfreð.is.

Samband íslenskra sveitarfélaga leitar eftir jákvæðum, drífandi og glaðlyndum einstaklingi í hálft starf á sviði bókhaldsþjónustu. Um er að ræða 50% starf og er vinnutíminn frá 12.30-16.00 alla virka daga.

Laust starf bókara og gjaldkera

Um er að ræða endurskoðun á almannavarnarlögum með það að markmiði að efla almannavarnarkerfið svo það verði sem best í stakk búið til að takast á við hvers konar áföll.

Eitt meginmarkmið frumvarpsins er að efla viðbúnað samfélagsins til þess að bregðast við áföllum. Þá er markmið frumvarpsins að efla grunnskipulag almannavarna með því að skýra ábyrgð, skyldur og verkaskiptingu þeirra sem vinna að almannavörnum.

Frumvarpsdrögin má nálgast í Samráðsgátt stjórnvalda og er umsagnarfrestur til og með 18. ágúst nk.

Dómsmálaráðherra hefur lagt fram drög að frumvarpi um heildarendurskoðun laga um almannavarnir í Samráðsgátt stjórnvalda.

Frumvarp til laga um almannavarnir í samráðsgátt

Styrkt verða samstarfsverkefni sem varða a.m.k. eitt af sex neðangreindum áherslusviðum. Þau verða að fela í sér nýjung, byggja á metinni þörf ásamt faglegri og rekstrarlegri getu eins umsóknaraðila sem jafnframt ber ábyrgð á verkefninu. Framkvæmdartími er 1-2 ár.

Umsóknir verða að tengjast a.m.k. einu af eftirfarandi áherslusviðum:

Samstarf um íslenskustuðning í starfs-, iðn-, tækni- eða undirbúningsnámi/starfsþjálfun.

Samstarf um innleiðingu aðferða og þekkingar til að undirbúa einstaklinga 16 ára og eldri fyrir frekara nám eða störf með áherslu á læsi, menningu og samskipti í íslensku samfélagi.

Samstarf um stafræna miðlun og/eða einstaklingsmiðaðan námsstuðning við unga innflytjendur til að fjölga tækifærum þeirra til virkrar þátttöku eða rjúfa einangrun vegna skorts á íslenskukunnáttu.

Samstarf um að auka vægi íslensku í daglegu lífi fullorðinna innflytjenda með sérstaka áherslu á þau sem vinna ein eða eru heimavinnandi til að efla félagsleg tengsl, bjargráð og samfélagslega þekkingu.

Samstarf um íslenskunám fyrir foreldra barna og ungmenna í skóla- og frístundastarfi með það að markmiði að þau geti stutt börn sín í nýju málumhverfi og verið virkur hluti af því.

Samstarf um íslenskunám starfsfólks með fjölbreyttan tungumála- eða menningarbakgrunn sem vinnur í skólum, í frístundastarfi eða við umönnun með sérstaka áherslu á uppeldi, menntun eða velferð.

Mennta- og barnamálaráðherra auglýsir lausa til umsóknar styrki til að efla samstarf og nýsköpun í íslenskunámi innflytjenda. Úthlutað verður allt að 200 m.kr. í samstarfsverkefni sem ætlað er að ná til fjölbreyttra hópa innflytjenda með nýju námi, aðferðum eða verkfærum sem verða gerð aðgengileg. Gert er ráð fyrir samstarfi þvert á kerfi menntunar, atvinnulífs og/eða velferðar þar sem samstarfsaðilar geta verið skólar, fræðsluaðilar, sveitarfélög, samtök, félög, stofnanir/fyrirtæki eða sérfræðingar.

Leitarniðurstöður

Samstarfs- og nýsköpunarstyrkir til íslenskunáms innflytjenda

Leitarniðurstöður

Sam­starfs- og ný­sköp­un­ar­styrk­ir til ís­lensku­náms inn­flytj­enda

Samstarfs- og nýsköpunarstyrkir til íslenskunáms innflytjenda