Þetta kemur fram í nýju EUCF Impact Dashboard. Þrjú sveitarfélög á Íslandi hafa þegar fengið slíka styrki. European City Facility (EUCF) styður sveitarfélög við að þróa fjárfestingarhæf orkuskiptaverkefni og gegnir þannig mikilvægu hlutverki í að hjálpa Evrópu að ná loftslags- og orkumarkmiðum sínum.

Sveitarstjórnir gegna lykilhlutverki í að ná loftslags- og orkumarkmiðum Evrópu. Með stuðningi EUCF fá þær aðgang að fjármagni, verkfærum og sérfræðiþekkingu til að þróa verkefni sem geta laðað að stærri fjárfestingar. Hingað til hafa 330 af 400 styrkþegum þróað fjárfestingarhugmyndir sínar, og samkvæmt fyrstu vöktunarskýrslum hafa 1,2 milljarðar evra þegar verið tryggðir. Mörg verkefni eru þó enn á undirbúningsstigi og því er búist við að fjárfestingar aukist enn frekar.

Verkefnin ná yfir fjölbreytt svið, meðal annars endurbætur á byggingum, hitaveitukerfi, endurnýjanlega orku, snjallraforkunet og sjálfbærar samgöngur. Samkvæmt áætlunum gætu þau skilað yfir 15.000 GWh í árlegum orkusparnaði, nær 12.000 GWh í nýrri endurnýjanlegri orkuframleiðslu og um 11 milljóna tonna samdrætti í CO₂-losun á ári.

Upphaflegur stuðningur EUCF til sveitarfélaga nam um 25 milljónum evra, sem undirstrikar sterk margföldunaráhrif verkefnisins.

Nú er hægt að fylgjast með stöðu þessara verkefna á mælaborðinu EUCF Impact Dashboard sem safnar saman þessum upplýsingum og veitir yfirlit bæði yfir væntar og staðfestar fjárfestingar sem styrkþegar hafa greint frá. Eftir því sem fleiri borgir ljúka undirbúningi verkefna sinna mun EUCF Impact Dashboard halda áfram að sýna hvernig metnaður á sveitarstjórnarstigi breytist í raunverulegar loftslagsaðgerðir.

Sveitarfélög og borgir sem fá stuðning frá European City Facility (EUCF), sem Sambandið veitir ráðgjöf vegna, áforma samtals 31 milljarð evra í fjárfestingar í sjálfbærum orkulausnum víðs vegar um Evrópu.

Evrópsk sveitarfélög áforma 31 milljarð evra í orkufjárfestingar vegna European City Facility

Málþingið er haldið í framhaldi af samstarfsverkefni Vinnueftirlitsins, Kennarasambands Íslands og Sambands íslenskra sveitarfélaga um vinnustaðamenningu í leik- og grunnskólum 2023-2025. Kannanir sem framkvæmdar hafa verið á undanförnum misserum hafa gefið til kynna að starfsfólk í leik- og grunnskólum upplifir meira andlegt áreiti en starfsfólk í mörgum öðrum starfsgreinum, sem undirstrikar mikilvægi þess að hlúa þurfi sérstaklega að vellíðan þess og vinnuumhverfi.

Niðurstöður samstarfsverkefnis sýna að markvissar aðgerðir geta bætt vinnustaðamenningu og líðan starfsfólks. Tilgangur málþingsins er að miðla þeim lærdómi sem af verkefninu hlaust og gefa fleiri vinnustöðum tækifæri á að nýta hann.

Málþingið hefst klukkan 12.30 og stendur til 16:00.

Fundarstjóri verður: Mjöll Matthíasdóttir, formaður Félags grunnskólakennara.

Málþingið er öllum opið. Hægt verður að mæta á staðinn eða flylgjast með í streymi en nauðsynlegt er skrá þátttöku. Skráning fer fram hér.

Málþing um hvernig hægt sé að skapa heilbrigða vinnustaðamenningu í skólum verður haldið í Háteig á Grand hoteli fimmtudaginn 12. mars næstkomandi.

Hvernig er hægt að skapa heilbrigða vinnustaðamenningu?

Nýsköpunarverðlaun hins opinbera eru veitt til opinberra aðila sem hafa skarað fram úr í framþróun og umbreytingu á opinberri starfsemi og þjónustu. Markmið verðlaunanna er að vekja athygli á verkefnum og einstaklingum sem hafa innleitt nýjar lausnir, breytt verklagi eða nýtt innkaup og aðrar aðferðir markvisst til að bæta þjónustu og auka hagkvæmni í þágu samfélagsins. Öllum er frjálst að senda inn tilnefningar. 

Hefð er fyrir því að verðlaunahafar fyrra árs, ásamt fulltrúum Fjársýslunnar og fjármála- og efnahagsráðuneytisins skipi sæti í dómnefndinni.

Guðlaug Dröfn Þórhallsdóttir, Dómsmálaráðuneytið

Ingvar Högni Ragnarsson, Hafnarfjarðarbær

Kristín Þórdís Ragnarsdóttir, Reykjavíkurborg

Íris Huld Christersdóttir, Fjármála- og efnahagsráðuneytið

Ingþór Karl Eiríksson, formaður dómnefndar, Fjársýslan

Senda tilnefningu til Nýsköpunarverðlauna hins opinbera 2026

Nánari upplýsingar um Nýsköpunarverðlaun hins opinbera og verðlaunahafa fyrri ára

Opnað hefur verið fyrir tilnefningar til Nýsköpunarverðlauna hins opinbera 2026. Verðlaunin, sem veitt eru af Fjársýslunni og Sambandi íslenskra sveitarfélaga, verða afhent við hátíðlega athöfn á Nýsköpunardegi hins opinbera 6. maí nk.

Opið fyrir tilnefningar til Nýsköpunarverðlauna hins opinbera 2026

Þau kort sem nú þegar eru aðgengileg sýna landshluta, barnavernarumdæmi og félagsþjónustusvæði á landinu. Þjónustukortin eru hugsuð til að einfalda sveitarfélögum að finna réttar og uppfærðar upplýsingar um mörk og skipulag þjónustusvæða á einfaldan og aðgengilegan hátt. Með þessum hætti er auðveldara að átta sig á verkaskiptingu og samstarfi sveitarfélaga á ólíkum sviðum.

Unnið er að því að bæta við fleiri þjónustukortum á næstu misserum, og munu þau bætast inn á vefinn jafnharðan og þau verða tilbúin.

Ný þjónustukort eru nú aðgengileg á vef Sambands íslenskra sveitarfélaga. Kortin má finna neðarlega á forsíðu, þar sem notendur fá skýra yfirsýn yfir helstu þjónustusvæði sveitarfélaga um allt land.

Leitarniðurstöður

Ný þjónustukort aðgengileg á vef Sambandsins

Leitarniðurstöður

Ný þjón­ustu­kort að­gengi­leg á vef Sam­bands­ins

Ný þjónustukort aðgengileg á vef Sambandsins