Landsþing Sambands íslenskra sveitarfélaga ályktar um að sveitarfélögin sýni ábyrgð gagnvart stöðu efnahagsmála og taki virkan þátt í að bæta stöðuna. Þingið lýsir yfir vilja sínum til lækkunar verðbólgu og vaxta með því að halda hækkunum almennra gjaldskráa innan 2,5% á árinu 2027. Nauðsynlegt er að kjarasamningar haldi og ríkisvaldið og stofnanir í eigu þess taki þátt í sameiginlegu átaki og takmarki með sambærilegum hætti hækkanir á gjaldskrám og álögum sem hafa bein áhrif á heimilin. Með því leggja allir sitt af mörkum við að skapa sátt í samfélaginu. ​

Með samþykkt ályktunarinnar lýsa sveitarfélög landsins yfir vilja til að leggja sitt af mörkum í baráttunni gegn verðbólgu og stuðla að auknum stöðugleika í íslensku efnahagslífi. Landsþingið telur að núverandi aðstæður kalli á sameiginlega ábyrgð allra helstu aðila samfélagsins og samstillt viðbrögð til að ná tökum á verðbólgu og háum vöxtum.

Traust í samskiptum ríkis og sveitarfélaga

Í ályktuninni er einnig fjallað um samskipti ríkis og sveitarfélaga:

Mikilvægi er að það ríki traust og gagnkvæmur skilningur í samskiptum ríkis og sveitarfélaga. Í langan tíma hefur á þetta skort og gildir þá einu hvaða flokkar sitja í ríkisstjórn hverju sinni. Sveitarfélögum er ítrekað gert að taka á sig nýjar skyldur og bera aukinn kostnað vegna breyttrar löggjafar og stefnumörkunar ríkisins án þess að fullnægjandi fjármögnun fylgi. Sveitarfélög sitja uppi með fjárhagslegar skuldbindingar sem þau hafa takmarkaða möguleika á að mæta og dæmi eru um að ekki sé staðið við einstaka samninga.

Landsþing Sambands íslenskra sveitarfélaga gerir þá kröfu til Alþingis og ríkisstjórnar að breytingar verði á áralöngum samskiptavanda ríkis og sveitarfélaga. Sveitarfélögin eiga ekki að vera síðasti hlekkurinn í keðjunni þegar ríkisvaldið tekur stefnumarkandi ákvarðanir, setur ný lög eða reglugerðir án fullnægjandi kostnaðarmats, heldur þarf að tryggja virkt samstarf og fulla fjármögnun verkefna frá upphafi.

Landsþing Sambands íslenskra sveitarfélaga samþykkti í dag ályktun Almars Guðmundssonar, bæjarstjóra í Garðabæ og formanni Sambandsins, um að sveitarfélög sýni ábyrgð gagnvart stöðu efnahagasmála og taki virkan þátt í að bæta stöðuna.

Sveitarfélög sýna ábyrgð gagnvart verðbólgu

Landsþing hefur æðsta vald í málefnum Sambands íslenskra sveitarfélaga. Landsþing kemur saman árlega, að jafnaði í mars eða apríl. Á því ári sem almennar sveitarstjórnarkosningar er þingið haldið á Akureyri í september eða október, og er það vettvangur stefnumótunar sveitarstjórnarstigsins fyrir kjörtímabilið. Almar Guðmundsson, bæjarstjóri Garðabæjar, tekur við sem formaður Sambandsins í lok þingsins á föstudag en hann var kosinn formaður í júlí.

Í ávarpi sínu ítrekaði Jón Björn að á Íslandi eru tvö stjórnsýslustig. Ríki og sveitarfélög. Tvö stjórnsýslustig sem þjóna sama fólkinu. Sömu fjölskyldunum. Sömu börnunum. Sömu öldruðu íbúunum. Sama atvinnulífi. Sömu íbúunum sem kjósa til þess fulltrúa til að sinna samfélaginu.

„Samt er það allt of oft eins og annað stjórnsýslustigið gleymi hinu og að hlutverk þeirra eru áþekk og ættu að kalla á þétta samvinnu þeirra til að ná markmiðum fyrir íbúa þeirra. Alltof oft verða sveitarfélögin að taka við ákvörðunum sem hafa þegar verið teknar annars staðar. Hjá ríkinu. Ákvarðanir sem hafa bein áhrif á okkar starfsemi, okkar fjárhag og þá þjónustu sem við veitum íbúum,“ sagði hann ennfremur.

Á morgun, fimmtudag, taka við störf umræðuhópa þar sem grunnur að stefnumörkun Sambandsins næstu fjögur árin er lagður. Þinginu verður svo slitið í hádeginu á föstudag.

Landsþing sveitarfélaga fer fram í Menningarhúsinu Hofi á Akureyri dagana 23.-25. september. Jón Björn Hákonarson, fráfarandi formaður, opnaði þingið.

Landsþing Sambandsins sett

Bein útsending er frá þinginu hér á vef Sambandsins.

Landsþing sveitarfélaga fer fram í Menningarhúsinu Hofi á Akureyri dagana 23.-25. september.

Bein útsending frá Landsþingi

Formaður stjórnar er Almar Guðmundsson, bæjarstjóri í Garðabæ, en hann var kjörinn formaður stjórnar í sumar. Stjórnin situr til næstu fjögurra ára og er skipuð eftirfarandi einstaklingum:

Ragnhildur Alda Vilhjálmsdóttir, Sjálfstæðisflokkur.

Almar Guðmundsson, formaður. Sjálfstæðisflokkur.

Hildur Rós Guðbjargardóttir, Samfylking.

Auður Kjartansdóttir, Sjálfstæðisflokkur.

Ragnar Sigurðsson, Sjálfstæðisflokkur.

Sunna Hlín Jóhannesdóttir, Framsóknarflokkur.

Vilhjálmur Árnason, Sjálfstæðisflokkur.

Hjalti Þór Vignisson, Framsóknarflokkur.

Í stjórn eiga sæti ellefu aðilar sem öll hafa fengið kosningu í sveitarstjórn síns sveitarfélags. Við kjör í stjórn er landinu skipt upp í fimm kjörsvæði sem taka mið af skiptingu landsins í kjördæmi vegna Alþingiskosninga með þeirri undantekningu að Reykjavík er eitt kjörsvæði.

Ný stjórn Sambands íslenskra sveitarfélaga var kjörin á Landsþingi Sambandsins sem fram fór í Hofi á Akureyri dagana 23.-25. september.

Leitarniðurstöður

Ný stjórn Sambandsins

Samband íslenskra sveitarfélaga

Leitarniðurstöður

Ný stjórn Sam­bands­ins

Ný stjórn Sambandsins