Markmið verðlaunanna er að vekja athygli samfélagsins á metnaðarfullu og vönduðu skóla- og frístundastarfi og auka veg menntaumbótastarfs.

Menntaverðlaunin verða veitt við hátíðlega athöfn á Bessastöðum í nóvemberbyrjun og þá verða auk þess veitt sérstök hvatningarverðlaun.

Tilnefningar til Íslensku menntaverðlaunanna 2025 eru þessar:

Leikskólinn Iðavöllur á Akureyri fyrir fjölþætt og markvisst þróunarstarf þar sem ríkir lausnamiðað viðhorf og stöðug viðleitni til umbóta. Skólanum er lýst sem lifandi og fjölmenningarlegu lærdómssamfélagi sem eflir réttlætisvitund og virkni nemenda.

Víkurskóli í Reykjavík fyrir skapandi þróunarstarf með áherslu á listir og nýsköpun. Skólinn leggur sérstaka áherslu á samþættingu námsgreina og teymiskennslu, og vinna nemendur ár hvert að fjölmörgum heildstæðum og þverfaglegum viðfangsefnum.

Skólahljómsveit Vesturbæjar og Miðbæjar fyrir gróskumikið tónlistarstarf m.a. í samstarfi við listafólk á ólíkum sviðum. Hljómsveitin hefur árum saman staðið að metnaðarfullu tónlistarstarfi sem hefur skilað einstökum árangri.

Gunnar Ásgeir Sigurjónsson framhaldsskólakennari á pípulagningabraut Tækniskólans – fyrir einstaka alúð við nemendur og fagmennsku í kennslu.

Hjördís Óladóttir grunnskólakennari við Hrafnagilsskóla – fyrir skapandi og fjölbreytta kennsluhætti og hæfileika til að skapa frjótt, fallegt og örvandi námsumhverfi.

Ingibjörg Jónasdóttir leikskólakennari við leikskólann Rauðhól í Reykjavík – fyrir farsælt brautryðjendastarf við að efla áhuga barna á bókum og lestri.

Laufey Einarsdóttir grunnskólakennari í Sæmundarskóla – fyrir faglega og árangursríka stærðfræðikennslu með Boðorðin okkar í stærðfræði að leiðarljósi.

Örvar Rafn Hlíðdal íþróttakennari við Flóaskóla – fyrir framúrskarandi íþróttakennslu og eftirtektarverðan árangur í starfi. Skólinn hefur meðal annars unnið Skólahreysti tvisvar sinnum þrátt fyrir fámennan nemendahóp.

Gullin í grenndinni. Samstarfsverkefni leikskólans Álfheima og Vallaskóla á Selfossi um nám úti í náttúrunni sem hefur verið í stöðugri þróun og er nú fastur liður í starfi beggja skólanna.

Íslenskubrú Breiðholts. Samstarfsverkefni allra grunnskóla í Breiðholti sem miðar að því að efla kennslu fyrir nemendur með annað móðurmál en íslensku með markvissu samstarfi kennara skólanna.

Lítil skref á leið til læsis. Samstarfsverkefni leikskólans Grænuvalla og Borgarhólsskóla á Húsavík, þar sem starfsfólk beggja skóla vinnur saman að því að efla málörvun og læsi barna m.a. í samstarfi við sjúkraþjálfara sem metur fínhreyfingar og leiðbeinir eftir þörfum.

Fataiðndeild Tækniskólans fyrir metnaðarfulla og faglega kennslu sem byggir á einstaklingsmiðuðu námi og raunverulegum verkefnum sem nemendur leysa á eigin hraða.

Framhaldsskólinn í Vestmannaeyjum fyrir nýstárlega nálgun í námi í málm- og vélstjórnargreinum, þar sem hefðbundnu námi hefur verið umbreytt í verkefna- og atvinnutengt nám.

Unnar Þorsteinn Bjartmarsson grunn- og framhaldsskólakennari við Grunnskóla Borgarfjarðar og Fjölbrautaskóla Vesturlands – fyrir að kveikja áhuga nemenda á öllum aldri á iðn- og verknámi.

Hvatningarverðlaun verða auk þess veitt við athöfnina á Bessastöðum í byrjun nóvember.

Frekari upplýsingar um Íslensku menntaverðlaunin er að finna á vef Samtaka áhugafólks um skólaþróun

Síðidegisútvarp RÚV 6. október – Guðfinna S. Bjarnadóttir, formaður viðurkenningarráðs verðlaunanna, kynnir tilnefningarnar

Grunnur – félag stjórnenda á skrifstofum fræðslumála í sveitarfélögum

Tilnefningar til Íslensku menntaverðlaunanna hafa verið birtar. Verðlaunin eru veitt árlega fyrir framúrskarandi skólastarf eða aðrar umbætur í menntamálum. Verðlaun eru veitt í fjórum flokkum; fyrir framúrskarandi skólastarf eða menntaumbætur, framúrskarandi kennslu, þróunarverkefni og iðn- eða verkmenntun.

Tilnefningar til Íslensku menntaverðlaunanna birtar

Í umsögninni leggur Sambandið áherslu á þrjú meginatriði sem eru:

1.     Endurgreiðsla virðisaukaskatts af innviðaframkvæmdum

Endurgreiðslu virðisaukaskatts af mikilvægum innviðaframkvæmdum sveitarfélaga í samræmi við það sem sveitarfélög á Norðurlöndunum búa við. Þá geta sveitarfélög unnið á innviðaskuldinni, ráðist í nýframkvæmdir og stutt við uppbyggingu íbúðahúsnæðis í landinu.

2.     Auka opinber framlög í innviðum sveitarfélaga er varða þjóðaröryggi

Auka þarf opinber framlög til að styðja við fjárfestingu í innviðum sveitarfélaga er varða þjóðaröryggi. Ýmsir innviðir sveitarfélaga varða beinlínis þjóðaröryggi og ættu að falla undir alþjóðlegar skuldbindingar þegar kemur að útgjöldum til varnartengdra verkefna. 

3.     Full fjármögnun málaflokks fatlaðs fólks

Ljúka þarf fullri fjármögnun málaflokks fatlaðs fólks. Kostnaður eykst ár frá ári og enn eru biðlistar langir. Þá telur Sambandið mikilvægt að lögfesta SIS matið og eiga samtal við stjórnvöld um NPA og búsetuúrræði fatlaðs fólks. Jafnframt þarf að greina betur áhrif lögfestingar samnings SÞ um málefni fatlaðs fólks.

Annað sem Sambandið bendir á í umsögn sinni er að minni stuðningur við viðkvæma hópa geti aukið álag á félagsþjónustu sveitarfélaga. Þá þurfi menntamál einnig meiri athygli. Jafnframt er bent á mikilvægi ítarlegs áhrifamats ákvarðana stjórnvalda, hagræðingu aukinnar samvinnu ríkis og sveitarfélaga í stafrænni þjónustu og lækkun framlaga til sóknaráætlana landshluta og atvinnuráðgjafa á landsbyggðinni. Sambandið mun eiga samtöl við fulltrúa ríkisins á næstu vikum þar sem nánari grein verður gerð fyrir þessum áherslum.  

Sambandið hefur skilað inn umsögn um frumvarp til fjárlaga til fjárlaganefndar. 

Umsögn Sambandsins um frumvarp til fjárlaga

Tilgangurinn með mannauðstorginu er að auðvelda sveitarfélögunum að finna rétt gögn, leiðbeiningar og fyrirmyndir á einum stað, og þannig hjálpa þeim að ná betri yfirsýn og skilvirkni í kjara- og mannauðsmálum. Fyrirmynd torgsins kemur frá ríkinu en þau hafa um tíma haldið úti mannauðstorgi ríkisins. 

Á mannauðstorginu eru skilgreindir málaflokkar tengdir kjara- og mannauðsmálum, og má finna upplýsingar og leiðbeiningar undir hverjum og einum málaflokki.

Starfsumhverfi sveitarfélaga — meðferð mannauðsmála, hlutverk mismunandi aðila og viðmið um góða starfshætti.

Mönnun og skipulag — greining á mannauðsþörf, skipulag vinnu og afleysinga, fjarvinna, breytingar á störfum og aukastörf.

Ráðningar — frágangur við auglýsingu starfa, mat á hæfni, ráðningarsamningar, móttaka nýrra starfsmanna og verktakasamningar.

Laun og kjaramál — upplýsingar um kjarasamninga, jafnlaunavottun, launatöflur og launavinnslu.

Vinnutími og viðvera — reglur um vinnutíma, hvíldartíma, orlof, veikindi, foreldraorlof o.fl.

Starfsþróun — námsleyfi, endur- og símenntun, fræðslusjóðir og starfsþróunaráætlanir.

Heilsa, öryggi og vinnuumhverfi — áhættumat, vinnuslys, einelti, vernd uppljóstrara, og reglur um trúnaðarmenn og öryggisnefndir.

Samskipti og endurgjöf — starfsmannasamtöl, samskiptasáttmálar, endurgjöf og verklag við áminningar.

Starfslok — málsmeðferð við uppsagnir, starfslokasamningar, biðlaun og vernd gegn ósanngjarnri uppsögn.

Sniðmát — tilbúin sniðmát varðandi mannauðsmál sveitarfélaga.

Sambandið hefur opnað sérstakt mannauðstorg á vefnum þar sem öllum helstu upplýsingum og leiðbeiningum um kjara- og mannauðsmál fyrir sveitarfélög er safnað saman.

Nýtt mannauðstorg Sambandsins

Mennta- og barnamálaráðuneytið hefur birt landskýrslu fyrir Ísland um niðurstöður TALIS-rannsóknarinnar 2024. TALIS er stærsta alþjóðlega rannsókn á kennurum, skólastjórnendum og kennsluháttum og voru niðurstöður rannsóknarinnar birtar af Efnahags- og framfarastofnuninni (OECD) í dag.

Niðurstöður TALIS – stærstu alþjóðlegu rannsóknar á kennurum, skólastjórnendum og kennsluháttum hafa verið birtar á vef mennta- og barnamálaráðuneytisins.

Leitarniðurstöður

Niðurstöður TALIS birtar

Leitarniðurstöður

Nið­ur­stöð­ur TAL­IS birt­ar

Niðurstöður TALIS birtar