Umhverfis-, orku- og loftslagsráðuneytið hefur gefið út nýja aðgerðaáætlun um líffræðilega fjölbreytni fyrir árin 2026–2030. Áætlunin markar fyrsta áfanga í innleiðingu á stefnu Íslands um líffræðilega fjölbreytni og inniheldur aðgerðir á sviði verndar og endurheimtar vistkerfa, þekkingar og vöktunar, landnýtingar og stjórnsýslu.

Sérstaklega er vert að vekja athygli sveitarfélaga á aðgerð 5.1, Samstarf og stuðningur við sveitarfélög, sem miðar að því að efla hlutverk og aðkomu sveitarfélaga að verkefnum sem varða líffræðilega fjölbreytni. Gert er ráð fyrir samstarfsverkefni ríkis og sveitarfélaga þar sem þróuð verða verkfæri, verklag og dæmi um lausnir sem sveitarfélög geta nýtt til að samþætta sjónarmið um líffræðilega fjölbreytni betur inn í skipulagsvinnu.

Aðgerðin felur þannig ekki í sjálfu sér í sér ný lögbundin verkefni fyrir sveitarfélög, heldur er henni ætlað að styðja sveitarfélög við að taka tillit til líffræðilegrar fjölbreytni í skipulagi og landnotkun. Meðal þess sem stendur til að þróa eru leiðbeiningar og staðlaður gátlisti fyrir skipulagsvinnu, yfirlit yfir gögn og kortasjár, verklag við mat á verndargildi vistgerða og dæmi um góðar lausnir. Þá er gert ráð fyrir miðlun niðurstaðna til sveitarfélaga með vinnustofum og einskonar lausnabanki.

Hluti aðgerðarinnar verður tilraunaverkefni þar sem unnið verður með áskoranir sem tengjast meðal annars landnotkun, vernd og endurheimt vistkerfa og skipulagi strandsvæða. Þar verður einnig horft til þess hvernig móta megi stefnu um landnotkun með hliðsjón af bestu fáanlegu þekkingu um líffræðilega fjölbreytni, verndargildi og ástandi vistkerfa. Nákvæmt fyrirkomulag framkvæmdarinnar liggur ekki fyrir að svo stöddu en aðgerðin er í undirbúningi og er gert ráð fyrir framkvæmd hennar á árunum 2027–2029.

Þátttaka Sambandsins í samráðsferlinu

Sambandið tók virkan þátt í samráði við mótun stefnunnar og sveitarfélögum var meðal annars boðið til sérstaks samráðsfundar vorið 2025 þar sem rætt var um landnotkun og skipulag í þágu líffræðilegrar fjölbreytni og hlutverk sveitarfélaga við náttúruvernd og endurheimt. Sambandið skilaði jafnframt umsögn við mótun stefnunnar þar sem meðal annars var lögð áhersla á faglegan og fjárhagslegan stuðning við sveitarfélög, gott samráð og að breytingar gerðu skipulagsferli sveitarfélaga ekki flóknari eða seinvirkari.

Sambandið mun fylgjast áfram með útfærslu aðgerðarinnar með hagsmuni sveitarfélaga að leiðarljósi.

Ný aðgerðaáætlun um líffræðilega fjölbreytni: Aukinn stuðningur við sveitarfélög

Samtökunum er ætlað að sameina krafta sveitarfélaga sem eiga beina hagsmuni af landbúnaði, matvælaframleiðslu, landnýtingu og byggðaþróun og styrkja rödd þeirra í umræðu og stefnumótun á landsvísu.

Jón Björn Hákonarson, sveitarstjóri Eyjafjarðarsveitar, var kjörinn formaður samtakanna. Auk hans voru fjögur kjörin í aðalstjórn til tveggja ára:

Anton Kári Halldórsson, Rangárþingi eystra

Unnur Brá Konráðsdóttir, Borgarbyggð

Í varastjórn voru kjörin Hulda Kristjánsdóttir, Flóahreppi, Nína Axelsdóttir, Húnaþingi vestra, og Snæþór Haukur Sveinbjörnsson, Þingeyjarsveit.

Áhyggjur af áhrifum breytinga á tollflokkun osts

Stofnfundurinn samþykkti jafnframt samhljóða ályktun þar sem lýst er yfir miklum áhyggjum af fyrirhuguðum breytingum á tollflokkun osts með viðbættri jurtaolíu. Samtökin benda á að málið snúist ekki aðeins um tollflokkun einstakrar vöru heldur geti breytingarnar haft víðtæk áhrif á samkeppnisstöðu íslenskrar mjólkurframleiðslu og þá virðiskeðju sem henni tengist, meðal annars störf bænda, afurðavinnslu, flutninga og þjónustustarfsemi víða um land.  

Í ályktuninni er sérstaklega bent á að verulegur hluti íslenskrar mjólkurframleiðslu fari til ostagerðar og því geti áhrif breytinganna náð langt út fyrir einstök bú og til fjölmargra sveitarfélaga þar sem landbúnaður er ein af undirstöðum atvinnulífs. Þá er bent á mikilvægi þeirra fjárfestinga sem bændur hafa ráðist í á undanförnum árum til að efla samkeppnishæfni framleiðslunnar.

Samtökin leggja jafnframt áherslu á mikilvægi öflugrar innlendrar matvælaframleiðslu fyrir fæðuöryggi þjóðarinnar. Á tímum aukinnar óvissu í alþjóðamálum sé mikilvægt að ákvarðanir stjórnvalda styðji við innlenda framleiðslugetu og sterka innviði til matvælaframleiðslu.

Í lok ályktunarinnar skorar stofnfundurinn á Alþingi og ríkisstjórn að falla frá fyrirhuguðum breytingum og tryggja að við mat á málinu verði tekið fullt tillit til áhrifa á fæðuöryggi, verðmætasköpun í landbúnaði og byggðafestu í landinu.

Samtök landbúnaðarsveitarfélaga voru formlega stofnuð á stofnfundi sem haldinn var í Reykjavík 7. október.

Samtök landbúnaðarsveitarfélaga stofnuð

Samkvæmt tillögu ríkissáttasemjara verður vinnu við virðismatið haldið áfram til 15. mars 2027. Þá fara samningsaðilar yfir stöðu verkefnisins og taka ákvörðun um framhaldið.

Náist ekki samstaða á þeim tímapunkti um að virðismatsvegferðinni verði haldið áfram tekur við vinna forsendunefndar undir verkstjórn ríkissáttasemjara. Hlutverk hennar verður að leita leiða til að sætta ágreining aðila og skipuleggja áframhaldandi vinnu. Að þeirri vinnu lokinni verður samningsaðilum heimilt að segja upp samningum í samræmi við það ferli sem kveðið er á um í tillögunni.

Launahækkunum frestað meðan vinnan stendur yfir

Öllum umsömdum breytingum á kjarasamningum, þar á meðal framkvæmd launahækkana og launaþróunarauka, verður frestað á meðan framangreint ferli stendur yfir. Þær koma því ekki til framkvæmda fyrr en samkomulag liggur fyrir um áframhaldandi gildi kjarasamningsins. Verði samningum sagt upp losna þeir 1. október 2027.

Samninganefnd Sambands íslenskra sveitarfélaga, samninganefnd ríkisins og Kennarasamband Íslands hafa samþykkt tillögu ríkissáttasemjara um framhald virðismats starfa kennara.

Vinna við virðismat kennara heldur áfram

Stjórnun og eftirlit í parasamböndum ungs fólks fer mikið fram í gegnum símann.

Það gerir hana bæði auðveldari og ósýnilegri en áður. Í dag er hægt fylgjast með einhverjum allan sólarhringinn án þess að nokkur taki eftir því.

Horfðu á myndbandið á vefnum Stopp ofbeldi.

Á vefnum Stopp ofbeldi! er að finna hugmyndir að fræðsluefni fyrir börn, foreldra og starfsfólk um kynbundið ofbeldi og áreiti. Í nýjasta myndbandinu er fjallað um stafræna stjórnun í parasamböndum.

Leitarniðurstöður

Gervigreind og djúpfölsun

Stafræn stjórnun í parasamböndum

Leitarniðurstöður

Gervi­greind og djúp­föls­un

Stafræn stjórnun í parasamböndum

Gervigreind og djúpfölsun