Á þessum tímapunkti er mikilvægt að aðilar haldi áfram af fullum krafti og leiði þessa vinnu til lykta. Mikil vinna og fjármunir hafa þegar verið lagðir í verkefnið sem reynst hefur umfangsmeira og tímafrekara en lagt var upp með í upphafi og til mikils er að vinna fyrir alla aðila að ljúka því með farsælum hætti. Í gildandi kjarasamningi fengu félagsmenn KÍ til dæmis myndarlega greitt inn á verkefnið.

Myndin hér að neðan sýnir breytingu grunntímakaups frá febrúar 2024 til janúar 2026 borið saman á milli heildarsamtaka samkvæmt tölum úr vorskýrslu Kjaratölfræðinefndar 2026.

Virðismat kennarastarfa er ekki einfalt verkefni. Það snýst um að meta ólík störf, ábyrgð og kröfur með faglegum, gagnsæjum og málefnalegum hætti og eðli málsins samkvæmt er slík vinna ekki unnin í spretti. Það breytir því ekki að verkefnið er mikilvægt og þess virði að leggja á sig þá vinnu sem þarf til að ná niðurstöðu.

Sveitarfélögin ásamt ASÍ, BSRB og BHM hafa haldið úti mati á virði starfa frá síðust aldamótum og nú er KÍ síðasti hópurinn sem fer í slíka vinnu.

Mikið er í húfi að vel takist til. Niðurstaðan skiptir máli fyrir kennara og sveitarfélögin sem vinnuveitendur þeirra, en ekki síður fyrir skólastarf og samfélagið allt. Sameiginlegir hagsmunir aðila felast nú í því að byggja áfram á þeirri vinnu sem þegar hefur verið unnin og ná niðurstöðu sem báðir aðilar geta staðið að.

Vinna við virðismat kennara fer jafnframt fram við krefjandi efnahagslegar aðstæður. Vextir og verðbólga hafa verið há um langt skeið og því skiptir máli að aðilar vinnumarkaðarins leggi sitt af mörkum til að stuðla að efnahagslegum stöðugleika.

Sambandið leggur ríka áherslu á að vinnunni verði haldið áfram og verkefnið leitt til lykta. Áskoranirnar eru vissulega til staðar og verkefnið umfangsmikið, en árangurinn hingað til sýnir að hægt er að ná árangri með verkefninu. Nú skiptir mestu að halda samtalinu áfram, gefa því þann tíma sem það þarf og nýta þá miklu vinnu sem þegar hefur verið lögð í verkefnið til að ná farsælli niðurstöðu og stuðla að áframhaldandi sátt á vinnumarkaði.

Góður gangur hefur verið í vinnu við virðismat kennarastarfa sem Sambandið, fjármála- og efnahagsráðuneytið og Kennarasamband Íslands hafa unnið markvisst að í kjölfar undirritunar kjarasamninga aðila þann 25. febrúar 2025.

Virðismat kennarastarfa: Mikilvægt að leiða verkefnið til lykta

Annars vegar er kallað eftir því að lokið verði án frekari tafa við nýja heildstæða lagaumgjörð um lagareldi og hins vegar lýst þungum áhyggjum af breytingum og áformum varðandi ráðstöfun aflaheimilda 5,3% kerfisins.

Í ályktun um lagareldi er lögð áhersla á skýrt og fyrirsjáanlegt regluverk sem styðji við ábyrga uppbyggingu og verðmætasköpun. Sérstök áhersla er lögð á að nærsamfélög, sem bera kostnað af innviðum og þjónustu, njóti sanngjarnrar hlutdeildar í þeim verðmætum sem starfsemin skapar og að sveitarfélög hafi raunverulega aðkomu að stefnumótun og ákvörðunum um þróun greinarinnar.

Í ályktun um 5,3% kerfið er lögð áhersla á að aflaheimildir kerfisins styðji atvinnu og byggð, meðal annars með staðbundinni verðmætasköpun og heilsársstörfum. Sveitarfélögin lýsa þungum áhyggjum af skerðingum á línuívilnun og rækju- og skelbótum og kalla eftir því að breytingar á kerfinu verði unnar í nánu samráði við sveitarfélögin.

Á fundinum var ný stjórn samtakanna kjörin og er hún skipuð eftirfarandi aðilum:

Íris Róbertsdóttir, Vestmannaeyjabæ, formaður

Eyrún Ingibjörg Sigþórsdóttir, Dalvíkurbyggð

Gerður Björk Sveinsdóttir, Vesturbyggð

Alexandra Jóhannesdóttir, Suðurnesjabæ

Hjalti Þór Vignisson, Sveitarfélaginu Hornafirði

Frekari upplýsingar um aðalfundinn og nýja stjórn má finna á vef Samtaka sjávarútvegssveitarfélaga.

Aðalfundur Samtaka sjávarútvegssveitarfélaga, sem haldinn var 7. október, samþykkti samhljóða tvær ályktanir um mikilvæg hagsmunamál sjávarútvegssveitarfélaga.

Ný stjórn og ályktanir um lagareldi og 5,3% kerfið

Á fundinum var samþykkt samhljóða ályktun þar sem lögð er áhersla á að jafna orkukostnað milli landsvæða og tryggja íbúum, fyrirtækjum og sveitarfélögum á köldum svæðum sambærileg búsetu- og rekstrarskilyrði og annars staðar á landinu.

Meðal þess sem kallað er eftir er að tekjur af jöfnunargjaldi raforkudreifingar skili sér að fullu til jöfnunar orkukostnaðar. Þá er lögð áhersla á stuðning vegna rafkyndingar hjá sveitarfélögum og fyrirtækjum, endurgreiðslu virðisaukaskatts vegna varmadæla og annarra orkusparandi lausna og aukinn stuðning við jarðhitaleit á köldum svæðum.

Aðalfundurinn lýsti jafnframt áhyggjum af fyrirhugaðri 40 milljóna króna lækkun framlaga til jöfnunar húshitunar og lagði áherslu á að tryggja þurfi raforkuöryggi heimila og sveitarfélaga bæði hvað varðar afhendingu og verð.

Fundurinn færði jafnframt Herði Arnarsyni þakkir fyrir gott og farsælt samstarf við samtökin og áherslu hans á afhendingaröryggi raforku og sanngjarnt orkuverð fyrir heimili um land allt.

Á fundinum var ný stjórn SSKS kjörin, og er hún skipuð eftirfarandi aðilum:

Frekari upplýsingar um aðalfundinn og nýja stjórn má finna á vef Samtaka sveitarfélaga á köldum svæðum.

Aðalfundur Samtaka sveitarfélaga á köldum svæðum (SSKS) var haldinn 7. október 2026 á Hilton Reykjavík.

Ný stjórn og kallað eftir jafnræði í orkukostnaði á aðalfundi SSKS

Samkvæmt tillögu ríkissáttasemjara verður vinnu við virðismatið haldið áfram til 15. mars 2027. Þá fara samningsaðilar yfir stöðu verkefnisins og taka ákvörðun um framhaldið.

Náist ekki samstaða á þeim tímapunkti um að virðismatsvegferðinni verði haldið áfram tekur við vinna forsendunefndar undir verkstjórn ríkissáttasemjara. Hlutverk hennar verður að leita leiða til að sætta ágreining aðila og skipuleggja áframhaldandi vinnu. Að þeirri vinnu lokinni verður samningsaðilum heimilt að segja upp samningum í samræmi við það ferli sem kveðið er á um í tillögunni.

Launahækkunum frestað meðan vinnan stendur yfir

Öllum umsömdum breytingum á kjarasamningum, þar á meðal framkvæmd launahækkana og launaþróunarauka, verður frestað á meðan framangreint ferli stendur yfir. Þær koma því ekki til framkvæmda fyrr en samkomulag liggur fyrir um áframhaldandi gildi kjarasamningsins. Verði samningum sagt upp losna þeir 1. október 2027.

Samninganefnd Sambands íslenskra sveitarfélaga, samninganefnd ríkisins og Kennarasamband Íslands hafa samþykkt tillögu ríkissáttasemjara um framhald virðismats starfa kennara.

Leitarniðurstöður

Vinna við virðismat kennara heldur áfram

Leitarniðurstöður

Vinna við virð­is­mat kenn­ara held­ur áfram

Vinna við virðismat kennara heldur áfram