Þingið er öllum opið en fólk er hvatt til að skrá sig á viðburðinn. Viðburðurinn stendur allan daginn. Húsið opnar kl. 8:30, dagskrá hefst kl. 9 en þinginu lýkur kl. 16. 

Sérstakur gestur Innviðaþings er Jari Kauppila, forstöðumaður hjá International Transport Forum (ITF).

Jari mun í erindi sínu fjalla um gildi innviðauppbyggingar, leiðir til að fjármagna slíka uppbyggingu og setja hvort tveggja í alþjóðlegt samhengi. ITF starfar innan OECD og markmið þess er að stuðla að samvinnu þjóða í málefnum samgangna og standa að viðamiklum rannsóknum sem ætlað er að vera grundvöllur fyrir stefnumótun og ákvörðunartöku á öllum sviðum samgangna.

Fjölmargir aðrir þátttakendur munu í fyrirlestrum eða í pallborði beina sjónum að uppbyggingu og öryggi innviða í samgöngum og fjarskiptum frá ýmsum hliðum.

Ítarlegri upplýsingar um dagskrá þingsins verða kynntar innan skamms.

Innviðaþing verður haldið fimmtudaginn 28. ágúst nk. á Reykjavík Hótel Nordica undir yfirskriftinni Sterkir innviðir – sterkt samfélag. Innviðaráðuneytið stendur að þinginu en þar verður sjónum beint að uppbyggingu og öryggi innviða í samgöngum og fjarskiptum, þ.á m. fjárfestingum og samfélagslegum ávinningi.

Innviðaþing 28. ágúst

Elín er fyrsta konan sem hlotið hefur heiðursmerki Sambandsins en Halldór Halldórsson, þáverandi formaður, sæmdi Elínu heiðursmerkinu á fjármálaráðstefnu sveitarfélaga við starfslok hennar árið 2016.

Við það tilefni rifaði Hallór upp að þegar regluverki Jöfnunarsjóðs var breytt árið 1990 og jöfnunarhlutverk hans aukið hefði verið ákveðið að ráða starfsmann í fullt starf til að sinna verkefnum sjóðsins. Halldór sagði samskiptin við Elínu ávallt hafa verið með miklum ágætum. ,,Elín hefur á þessum 27 árum haft hagsmuni sveitarfélaganna að leiðarljósi, en um leið gætt að hag Jöfnunarsjóðsins, sem hefur staðið vel á starfstíma hennar hjá sjóðnum. Elín er búin ríkri réttlætiskennd og mikilli staðfestu – eiginleikum sem hafa gagnast vel í öllum samskiptum hennar við sveitarstjórnarmenn og ekki síður við þá ráðherra sem hafa farið með málefni Jöfnunarsjóðsins á hverjum tíma frá árinu 1990,“ sagði Halldór.

Stjórn og starfsfólk Sambandsins senda börnum Elínar og fjölskyldum þeirra, sem og samstarfsfólki hjá Jöfnunarsjóði sveitarfélaga samúðarkveðjur. 

Elín Pálsdóttir, fyrrverandi forstöðumaður Jöfnunarsjóðs sveitarfélaga, og handhafi heiðursmerkis Sambands íslenskra sveitarfélaga er látin. 

Elín Pálsdóttir látin

Í reglugerðardrögunum sem nú eru til kynningar er kveðið á um skyldu til að merkja sérstaklega þær plastvörur sem eru einnota og eru upptaldar í drögunum í samræmi við lágmarkskröfur framkvæmdarreglugerðar ESB 2020/2151. Merkingunum er ætlað að upplýsa neytendur um að varan innihaldi plast, um það hvaða úrgangsförgunaraðferðir á að forðast fyrir vöruna og um þau neikvæðu umhverfisáhrif sem fylgja því að dreifa rusli eða öðrum óviðeigandi aðferðum við förgun vörunnar. Um er að ræða vörur sem eru í almennri notkun, s.s. tíðavörur, blautþurrkur, tóbaksvörur sem innihalda plast, og bolla og glös fyrir drykkjarvörur. Samkvæmt breytingum á lögum um hollustuhætti og mengunarvarnir hefur legið fyrir frá árinu 2020 að þessar kröfur um merkingar verði innleiddar hér á landi og hafa fyrirtæki á íslenskum markaði mörg hver nú þegar merkt vörur sínar og með því tekið skrefið sem nú stendur til að festa í reglugerð.

Jafnframt er kveðið á um landsbundin, töluleg markmið um söfnun veiðarfæraúrgangs sem byggir á skyldu hvers ríkis, í samræmi við tilskipun 2019/904, um að ríki setji sér landsbundin söfnunarmarkmið fyrir veiðarfæri sem innihalda plast. Í drögunum er sett fram markmið um að á hverju ári verði safnað að lágmarki 60% af því magni veiðarfæra sem sett eru á markað að meðaltali og innihalda plast. Úrvinnslusjóður og fyrirtæki í sjávarútvegi hafa svo í sameiningu það hlutverk að uppfylla markmiðið, sem telst raunhæft en metnaðarfullt með tilliti til sambærilegra markmiða nágrannaríkja.

Reglugerðinni er ætlað að innleiða tiltekin ákvæði tilskipunar Evrópusambandsins (ESB) 2019/904 um að draga úr áhrifum tiltekinna plastvara á umhverfið og auk þess innleiða að fullu framkvæmdarreglugerð framkvæmdastjórnarinnar (ESB) 2020/2151 um reglur um samræmdar nákvæmar skilgreiningar um merkingar á einnota plastvörum sem eru tilgreindar í D-hluta viðaukans við tilskipun (ESB) 2019/904.

Samráð var haft við Umhverfis- og orkustofnun, Úrvinnslusjóð og Samtök fyrirtækja í sjávarútvegi við samningu reglugerðarinnar.

Athygli er vakin á því að frestur til að senda umsögn í samráðsgátt er til 1. september nk.

Umhverfis-, orku- og loftslagsráðuneytið hefur birt í Samráðsgátt stjórnvalda drög að reglugerð um plastvörur. Reglugerðin er nýmæli og með henni er ætlað að innleiða tiltekin ákvæði tilskipunar Evrópusambandsins (ESB) 2019/904 sem er ætlað að styðja við myndun hringrásarhagkerfis og efla úrgangsforvarnir með því að styðja við notkun sjálfbærra og fjölnota vara fremur en einnota.

Reglugerð um merkingar einnota plastvara og söfnunarmarkmið veiðarfæra í Samráðgátt

Á fundinum verða styrkir á vegum ENERCOM kynntir ásamt umsóknarferli, en meðal styrkjatækifæra er styrkur upp á 45.000 evrur til að þróa viðskiptaáætlun fyrir orkuverkefni innan samfélaga (community energy project).  

ENERCOM er evrópuverkefni sem hefur það að hlutverki að styðja við þróun svokallaðra orkusamfélaga í Evrópu. 

Sambandið hvetur sveitarfélög til að fylgjast með kynningarfundinum næstkomandi þriðjudag.  

Skráning á fundinn: 
https://forms.gle/FQNsQQouVXUuFN639  

Frekari upplýsingar um verkefnið og styrkina: 
https://energycommunitiesfacility.eu  
 

Sambandið vekur athygli sveitarfélaga á kynningarfundi um orkusamfélög (energy communities) og styrktækifæri tengd þeim á vegum European Energy Communities Facility (ENERCOM). Kynningarfundurinn er skipulagður af Íslenskri Nýorku og verður haldin rafrænt þriðjudaginn 26. ágúst kl. 9.30.  

Leitarniðurstöður

Spennandi styrktækifæri í orkumálum

Leitarniðurstöður

Spenn­andi styrk­tæki­færi í orku­mál­um

Spennandi styrktækifæri í orkumálum