Í báðum verkefnunum felst þróun virðismatskerfis, ítarleg greining á völdum störfum eða starfahópum og mat þeirra út frá viðmiðum kerfisins.

Jafnlaunastofa óskar því eftir áhugasömum einstaklingi til tímabundins starfs að öllum þáttum verkefnisins. Allt frá þróun greiningartækja, starfagreininga, úrvinnslu gagna, þróunar matskerfis og mats starfa auk miðlunar og fræðslu um jafnlaunamál, virðismat starfa og fleira því tengdu.

Laun eru samkvæmt kjarasamningi Reykjavíkurborgar og viðeigandi stéttarfélags.

Jafnlaunastofa sf. er sameignarfélag í eigu Reykjavíkurbogar og Sambands íslenskra sveitarfélaga sem hefur það hlutverk að vinna að launajafnrétti á vettvangi sveitarfélaga hér á landi með notkun starfsmatskerfa.

Háskólamenntun á sviði félagsvísinda, sálfræði og menntavísinda.  t.a.m. kynjafræði, lögfræði, hagfræði eða önnur menntun sem nýtist í starfi.

Færni í greiningu gagna og upplýsinga og forgagnsröðun þeirra.

Góð samskiptafærni og reynsla af vinnu í hópum þar sem tekið er mið af fjölbreyttum sjónarmiðum við lausn mála.

Færni og áhugi á því að vinna að verkefnum sem tengjast jafnlauna- og/eða jafnréttismálum.

Reynsla af störfum þar sem krafist er frumkvæðis og sjálfstæðis í vinnubrögðum.

Rík samstarfsfærni einkum til að vinna í hóp.

Færni í að koma frá sér upplýsingum með hnitmiðuðum hætti.

Góð tölvukunnátta og hæfni til að tileinka sér nýjungar.

Helga Björg O. Ragnarsdóttir veitir upplýsingar og tekur við umsóknum í tölvupósti helga@jafnlaunastofa.is

Jafnlaunastofa vinnur að þróun virðismatskerfis fyrir störf hjá ríkinu og að þróun virðismatskerfis fyrir störf félaga sem tilheyra Kennarasambandi Íslands í samstarfi við hagaðila.

Laust starf hjá Jafnlaunastofu

Byggðastofnun vekur athygli á að nú hefur verið opnað fyrir umsóknir fyrir styrkjum vegna samstarfsverkefna sem ætlað er að styrkja samstarf sveitarfélaga samhliða því að auka þekkingu og færni meðal þátttökulanda. Styrkirnir eru veittir af Norðurslóðaáætluninni (Northern Periphery and Arctic - NPA) og eru frekari upplýsingar um hana að finna á vef Byggðastofnunar. Þetta árið er lögð sérstök áhersla á eftirfarandi viðfangsefni:

Að styrkja seiglu samfélaga á norðurslóðum og gera þau meira aðlaðandi í gegnum nýsköpun.

Að styrkja aðlögunarhæfni samfélaga vegna loftslagsbreytinga og sjálfbærni í auðlindanýtingu.

Að styrkja stofnanir samfélaga á norðurslóðum til að nýta samstarfstækifæri.

Aðlögun að loftslagsbreytingum og áhættustjórnun, verndun náttúru og líffræðilegrar fjölbreytni og lausnir sem flýta fyrir orkuskiptum sem henta á norðlægum slóðum fá sérstakt vægi hjá matsnefnd. Hægt er að sækja um styrki vegna smærri og stærri samstarfsverkefna en hægt er að sjá auglýsinguna á vef Interreg. 

Sambandið hvetur sveitarfélög til að kynna sér þessi spennandi tækifæri og að snúa sér til tengiliðs NPA áætlunarinnar á Íslandi en hann veitir ráðgjöf og upplýsingar auk þess að aðstoða við að finna samstarfsaðila í þeim löndum sem eru aðilar að áætluninni: Reinhard Reynisson, sími 455 5400, netfang reinhard@byggdastofnun.is

Norðurslóðaáætlunin opnar fyrir styrkumsóknir vegna samstarfsverkefna, sér í lagi verkefna sem snúa að aðlögun að loftslagsbreytingum, verndun náttúru og líffræðilegrar fjölbreytni og orkuskiptum.

Norðurslóðaáætlunin auglýsir eftir umsóknum um styrki

Markmið verðlaunanna er að vekja athygli samfélagsins á metnaðarfullu og vönduðu skóla- og frístundastarfi og auka veg menntaumbótastarfs.

Menntaverðlaunin verða veitt við hátíðlega athöfn á Bessastöðum í nóvemberbyrjun og þá verða auk þess veitt sérstök hvatningarverðlaun.

Tilnefningar til Íslensku menntaverðlaunanna 2025 eru þessar:

Leikskólinn Iðavöllur á Akureyri fyrir fjölþætt og markvisst þróunarstarf þar sem ríkir lausnamiðað viðhorf og stöðug viðleitni til umbóta. Skólanum er lýst sem lifandi og fjölmenningarlegu lærdómssamfélagi sem eflir réttlætisvitund og virkni nemenda.

Víkurskóli í Reykjavík fyrir skapandi þróunarstarf með áherslu á listir og nýsköpun. Skólinn leggur sérstaka áherslu á samþættingu námsgreina og teymiskennslu, og vinna nemendur ár hvert að fjölmörgum heildstæðum og þverfaglegum viðfangsefnum.

Skólahljómsveit Vesturbæjar og Miðbæjar fyrir gróskumikið tónlistarstarf m.a. í samstarfi við listafólk á ólíkum sviðum. Hljómsveitin hefur árum saman staðið að metnaðarfullu tónlistarstarfi sem hefur skilað einstökum árangri.

Gunnar Ásgeir Sigurjónsson framhaldsskólakennari á pípulagningabraut Tækniskólans – fyrir einstaka alúð við nemendur og fagmennsku í kennslu.

Hjördís Óladóttir grunnskólakennari við Hrafnagilsskóla – fyrir skapandi og fjölbreytta kennsluhætti og hæfileika til að skapa frjótt, fallegt og örvandi námsumhverfi.

Ingibjörg Jónasdóttir leikskólakennari við leikskólann Rauðhól í Reykjavík – fyrir farsælt brautryðjendastarf við að efla áhuga barna á bókum og lestri.

Laufey Einarsdóttir grunnskólakennari í Sæmundarskóla – fyrir faglega og árangursríka stærðfræðikennslu með Boðorðin okkar í stærðfræði að leiðarljósi.

Örvar Rafn Hlíðdal íþróttakennari við Flóaskóla – fyrir framúrskarandi íþróttakennslu og eftirtektarverðan árangur í starfi. Skólinn hefur meðal annars unnið Skólahreysti tvisvar sinnum þrátt fyrir fámennan nemendahóp.

Gullin í grenndinni. Samstarfsverkefni leikskólans Álfheima og Vallaskóla á Selfossi um nám úti í náttúrunni sem hefur verið í stöðugri þróun og er nú fastur liður í starfi beggja skólanna.

Íslenskubrú Breiðholts. Samstarfsverkefni allra grunnskóla í Breiðholti sem miðar að því að efla kennslu fyrir nemendur með annað móðurmál en íslensku með markvissu samstarfi kennara skólanna.

Lítil skref á leið til læsis. Samstarfsverkefni leikskólans Grænuvalla og Borgarhólsskóla á Húsavík, þar sem starfsfólk beggja skóla vinnur saman að því að efla málörvun og læsi barna m.a. í samstarfi við sjúkraþjálfara sem metur fínhreyfingar og leiðbeinir eftir þörfum.

Fataiðndeild Tækniskólans fyrir metnaðarfulla og faglega kennslu sem byggir á einstaklingsmiðuðu námi og raunverulegum verkefnum sem nemendur leysa á eigin hraða.

Framhaldsskólinn í Vestmannaeyjum fyrir nýstárlega nálgun í námi í málm- og vélstjórnargreinum, þar sem hefðbundnu námi hefur verið umbreytt í verkefna- og atvinnutengt nám.

Unnar Þorsteinn Bjartmarsson grunn- og framhaldsskólakennari við Grunnskóla Borgarfjarðar og Fjölbrautaskóla Vesturlands – fyrir að kveikja áhuga nemenda á öllum aldri á iðn- og verknámi.

Hvatningarverðlaun verða auk þess veitt við athöfnina á Bessastöðum í byrjun nóvember.

Frekari upplýsingar um Íslensku menntaverðlaunin er að finna á vef Samtaka áhugafólks um skólaþróun

Síðidegisútvarp RÚV 6. október – Guðfinna S. Bjarnadóttir, formaður viðurkenningarráðs verðlaunanna, kynnir tilnefningarnar

Grunnur – félag stjórnenda á skrifstofum fræðslumála í sveitarfélögum

Tilnefningar til Íslensku menntaverðlaunanna hafa verið birtar. Verðlaunin eru veitt árlega fyrir framúrskarandi skólastarf eða aðrar umbætur í menntamálum. Verðlaun eru veitt í fjórum flokkum; fyrir framúrskarandi skólastarf eða menntaumbætur, framúrskarandi kennslu, þróunarverkefni og iðn- eða verkmenntun.

Tilnefningar til Íslensku menntaverðlaunanna birtar

Forgangsatriði sjóðsins vegna úthlutunar ársins 2026 verða:

Grunnþáttur menntunar: Lýðræði og mannréttindi.

Nýjar leiðir í kennsluaðferðum og námsmati með sjálfstæði og virkni nemenda að markmiði.

Núna er góður tíma til að byrja að móta verkefnhugmyndir og gefa þeim svigrúm til að þróast.

Sjá nánari upplýsingar á vef Sprotasjóðs .

 Sjá einnig til fróðleiks upplýsingar um fyrri úthlutanir á gagnatorgi Rannís . Með því að velja númer úthlutunar fremst í töflu fást nánari upplýsingar um verkefnið. 

Sprotasjóður leik-, grunn- og framhaldsskóla hefur birt forgangsatriði sjóðsins fyrir úthlutun ársins 2026. 

Leitarniðurstöður

Forgangsatriði Sprotasjóðs fyrir árið 2026

Leitarniðurstöður

For­gangs­at­riði Sprota­sjóðs fyr­ir árið 2026

Forgangsatriði Sprotasjóðs fyrir árið 2026