Ráðstefnan er að venju í beinni útsendingu bæði á fimmtudag og föstudag og verður hægt að nálgast útsendingu á vefsíðu ráðstefnunnar. 

Fjármálaráðstefna sveitarfélaga fer nú fram á Hilton Reykjavík Nordica. Bekkurinn er þétt setinn, en ráðstefnan er vel sótt af sveitarstjórnarfólki víðs vegar af að landinu. Alls sitja ráðstefnuna hátt í 500 þátttakendur.

Fjármálaráðstefna 2024 í beinni útsendingu

Heiða Björg Hilmisdóttir, formaður stjórnar Sambands íslenskra sveitarfélaga, setti ráðstefnuna og fór yfir áskoranir í rekstri sveitarfélaga. Sagði hún að hallarekstur sveitarfélaga hefði verið raunin meira og minna frá 1998 og aukist undanfarin ár, sem væri áhyggjuefni. Hins vegar sjáist skýr merki um árangur í rekstri sveitarfélaga árið 2023, og vísbendingar eru um að það haldi áfram á næstu árum. Fjárfestingar sveitarfélaga hefðu aukist í krefjandi umhverfi en mikilvægt væri að halda áfram að fjárfesta í innviðum.  

„Sveitarfélögin eiga og reka gífurlegt magn af innviðum í íslensku samfélagi. Fjárfestingar í innviðum hafa ekki ennþá náð sama krafti og fyrir hrun. Töluverð innviðaskuld hefur safnast upp í íslensku samfélagi – og það verður áskorun að vinna þá skuld upp. Mörg sveitarfélög hafa verið í örum vexti undanfarin ár og það er sannarlega áskorun að vaxa hratt í hárri verðbólgu og vöxtum og þegar ekki er mikill afgangur af rekstrinum. Þrátt fyrir það jukust fjárfestingar sveitarfélaga á árinu 2023 og námu 76 milljörðum króna eða 14% af tekjum þeirra en til samanburðar fjárfestir ríkissjóður um 100 milljörðum, eða 7% af sínum tekjum,“ sagði Heiða Björg meðal annars í ávarpi sínu. Þá sagði hún margt spennandi í gangi hjá sveitarfélögum um allt land og að sterk sveitarfélög væru lykill að góðu samfélagi.

Ásgeir Jónsson seðlabankastjóri, Svandís Svavarsdóttir innviðaráðherra og Sigurður Ingi Jóhannsson fjármálaráðherra ávarpa einnig ráðstefnuna. Þá er fjöldi annarra áhugaverðra erinda á dagskrá þar sem áherslan er á afkomu sveitarfélaga og horfur til næstu ára. Ráðstefnunni er streymt beint á vef sambandsins og hér má sjá dagskrá ráðstefnunnar.

Fjármálaráðstefnunni lýkur svo á tveimur málstofum, sem fram fara fyrir hádegi á morgun, föstudag. Á annarri málstofunni verður áherslan á fjármál, rekstur og stafræn verkefni, en hin málstofan um umhverfið, menntun og velferð. Fjármálaráðstefna sveitarfélaga er fjölmennasti viðburður ársins hjá sveitarstjórnarmönnum, en þátttakendur í ár eru tæplega 500 talsins.

Fjármálaráðstefnan er mjög vel sótt og er bekkurinn ansi þétt setinn.

Fjármálaráðstefna sveitarfélaga hófst í morgun, en hún fer fram á Hilton Reykjavík Nordica í dag og á morgun. Á ráðstefnunni eru fjármál og helstu verkefni sveitarfélaga í brennidepli. Markmiðið með ráðstefnunni er að veita sveitarstjórnarfólki yfirlit yfir efnahag og forsendur næsta árs, sem gagnast þeim við gerð fjárhagsáætlana. 

Sterk sveitarfélög lykill að góðu samfélagi

Samkvæmt áætluninni er lagt til að úthlutað verði 15.000 m.kr. vegna A-hluta og 575 m.kr. vegna B-hluta. Í lok árs verður svo úthlutað til viðbótar 175 m.kr. í B-hluta vegna íþyngjandi kostnaðar við skólaakstur á árinu 2024 og 50 m.kr. vegna akstursþjónustu fatlaðs fólks úr dreifbýli á árinu 2024. Samtals eru útgjaldajöfnunarframlög því 15.800 m.kr. á árinu 2024.

Endurskoðuð áætlun útgjaldajöfnunarframlaga til sveitarfélaga árið 2024

Svandís Svavarsdóttir innviðaráðherra hefur samþykkt tillögu ráðgjafarnefndar Jöfnunarsjóðs sveitarfélaga um endurskoðaða áætlun útgjaldajöfnunarframlaga til sveitarfélaga árið 2024 á grundvelli nýrrar tekjuskerðingar.

Útgjaldajöfnunarframlög nema 15,8 milljörðum árið 2024

Hér er einstakt tækifæri fyrir fjölhæfan aðila sem hefur ríka þjónustulund, framúrskarandi samskiptahæfni og sveigjanleika til að taka að sér starf í skemmtilegu starfsumhverfi að fjölbreyttum verkefnum.

Æskilegt er að viðkomandi geti hafið störf ekki síðar en 1. september. Um er að ræða framtíðarstarf.

Sótt er um starfið í gegnum vefinn alfred.is.

Símsvörun, móttaka og almenn upplýsingagjöf.

Umsjón með fundarherbergjum og opnum rýmum.

Umsjón með eldhúsi/kaffistofu starfsfólks.

Skráning og frágangur á útsendum skjölum.

Aðstoð við skjalavörslu, skráning og frágangur.

Innkaup á vörum á skrifstofu og kaffistofu.

Almenn skrifstofustörf og ýmis önnur tilfallandi verkefni.

Reynsla af sambærulegu starfi er kostur.

Nákvæm, skipulögð og áreiðanleg vinnubrögð.

Framúrskarandi samskiptahæfni, rík þjónustulund, frumkvæði og samviskusemi.

Nokkur dæmi um kosti þess að vinna hjá Sambandinu:  

Sambandið er framsækinn og skemmtilegur vinnustaður.

Þátttaka í þjónustuteymi sem vinnur að eflingu íslenskra sveitarfélaga.

Hér starfar samheldinn hópur og starfsfólk fær gott svigrúm til starfsþróunar.

Ekki skemmir fyrir að Sambandið er heilsueflandi vinnustaður sem leggur áherslu á fjölskylduvænt umhverfi, boðið er upp á heilsustyrk.

Jafnræðis er gætt í hvívetna við ráðningu og leitast er við að mannauður Sambandsins endurspegli fjölbreytileika samfélagsins.

Nánari upplýsingar veitir Valur Rafn Halldórsson sviðsstjóri þjónustusviðs, netfang: valur.rafn.halldorsson@samband.is, eða í síma 515-4900.

Umsókn skal fylgja ferilskrá og kynningarbréf, þar sem fram kemur m.a. rökstuðningur fyrir hæfni viðkomandi í starfið. Umsóknarfrestur er til og með 4. júlí nk.

Samband íslenskra sveitarfélaga leitar að jákvæðum, drífandi og glaðlyndum einstaklingi í starf móttökuritara. Um er að ræða 100% starf.

Leitarniðurstöður

Fjölbreytt starf hjá Sambandinu

Helstu verkefni og ábyrgð

Menntunar- og hæfniskröfur

Fríðindi í starfi

Leitarniðurstöður

Fjöl­breytt starf hjá Sam­band­inu

Helstu verkefni og ábyrgð

Menntunar- og hæfniskröfur

Fríðindi í starfi

Fjölbreytt starf hjá Sambandinu