Íslenskum sveitarfélögum stendur nú aftur til boða að sækja um fjárhagslegan og tæknilegan stuðning til að flýta fyrir fjárfestingum í endurnýjanlegri orku og loftslagsaðgerðum. Verkefnið European City Facility býður nú evrópskum sveitarfélögum í 8. sinn að sækja um styrki og sérfræðiráðgjöf til að útbúa fjárfestingaráætlun vegna verkefna sem flýta fyrir orkuskiptum. Íslensk sveitarfélög hafa haft aðgang að þessum stuðningi frá árinu 2023 og geta nú sótt um í fjórða skiptið. Þrjú íslensk sveitarfélög hafa sótt um í fyrri úthlutunum og hlutu þrjú þeirra styrk.

Opnað verður fyrir umsóknir þann 26. október og hægt verður að sækja um til 21. desember 2026. Eftir það verður hægt að sækja um í apríl og október árið 2027 en það verða líklega síðustu tækifærin til að sækja þennan stuðning.

Verkefnið byggir á margra ára reynslu en nú þegar hafa rúmlega 400 sveitarfélög í Evrópu fengið stuðning við að þróa fjárfestingarhugmyndir fyrir aðgerðir sem stuðla að notkun á endurnýjanlegri orku og orkusparnaði. Þegar hafa þessar áætlanir skilað 1,8 milljarði evra í fjárfestingum (rúmlega 250 milljarðar ISK) en mun fleiri verkefni eru í farvatninu.

Kynningarfundur verður haldinn um verkefnið og umsóknarferlið á Teams þann 3. nóvember kl. 15.00. Öll velkomin.

Grænar fjárfestingaáætlanir: Opnað fyrir styrkumsóknir

Jóna Árný kemur frá Norðfirði og hefur áralanga reynslu af stjórnun, rekstri og fjármálum. Hún er löggiltur endurskoðandi og starfaði sem ráðgjafi hjá KPMG á árunum 2005 til 2008. Þaðan lá leið hennar til Fjarðabyggðar þar sem hún gegndi starfi fjármálastjóra í tvö ár, áður en hún starfaði í innri endurskoðun hjá Alcoa Fjarðaáli. Hún rak síðar eigin ráðgjafarstarfsemi þar til hún tók við sem framkvæmdastjóri Austurbrúar árið 2014.  

Jóna Árný hefur gegnt starfi bæjar- og hafnarstjóra Fjarðabyggðar frá 1. apríl 2023 og hefur þar leitt umfangsmikil verkefni á sviði sveitarstjórnarmála, atvinnuþróunar og hafnareksturs. 

Jóna Árný tekur við af Lúðvíki Geirssyni, sem var formaður frá árinu 2020 og er hafnarstjóri Hafnarfjarðarhafna. Hafnasamband Íslands er hagsmuna- og samstarfsvettvangur íslenskra sveitarfélaga sem reka hafnir. Sambandið vinnur að sameiginlegum hagsmunamálum hafna, stendur fyrir fræðslu og heldur reglulega þing og fundi þar sem fjallað er um þróun hafnarmála og þær áskoranir og tækifæri sem hafnir landsins standa frammi fyrir. 

Jóna Árný Þórðardóttir, bæjar- og hafnarstjóri Fjarðabyggðar, var kjörin formaður Hafnasambands Íslands á ársþingi sambandsins sem lauk í dag. Hún er jafnframt fyrsta konan til að gegna embætti formanns Hafnasambandsins. 

Jóna Árný kjörin formaður Hafnasambands Íslands

Markmið framtíðarsýnarinnar er að skapa forsendur fyrir markvissri hagnýtingu gagna í þágu farsældar barna og tryggja samhæfingu tæknilegra staðla og lausna. Lögð er áhersla á að upplýsingar sem þurfa að fylgja barni milli kerfa og þjónustustiga séu áreiðanlegar, öruggar og aðgengilegar þeim aðilum sem hafa heimild til að nýta þær. Markmiðið er ekki að safna öllum upplýsingum um börn á einn stað heldur að tengja betur saman þá innviði og kerfi sem þegar eru til.

Mikil samstaða var innan stýrihópsins um mikilvægi þess að tryggja rekstur þeirra kerfa sem þegar eru í notkun og skoða hvernig kerfi og lausnir sem hafa reynst vel í einstökum sveitarfélögum megi nýta á landsvísu. Jafnframt var lögð áhersla á að byggja áfram á þeim stafrænu innviðum sem þegar eru til og styrkja tengingar milli kerfa. 

·       Kynning á niðurstöðum stýrihóps og framtíðarsýn 

Í stýrihópnum sátu Þorbjörg Helga Vigfúsdóttir formaður, Hlynur Bjarki Karlsson, sem fulltrúar ráðuneytisins, Þórdís Sveinsdóttir og Óskar Jörgen Sandholt, sem fulltrúar Sambandsins. 

Mennta- og barnamálaráðuneytið og Samband íslenskra sveitarfélaga halda nú sameiginlega áfram vinnu við að hrinda framtíðarsýninni í framkvæmd. Nýr aðgerðarhópur ráðuneytisins og Sambandsins, í samstarfi við hagaðila, mun móta aðgerðaáætlun til næstu ára og forgangsraða þeim verkefnum sem nauðsynleg eru til að ná markmiðunum.

Meðal verkefna hópsins verður að vinna að samræmingu hugtaka og gagna, skýra eignarhald og ábyrgð á kerfum og gögnum, skoða hvernig tengja megi betur saman núverandi lausnir og móta tillögur að rekstrar- og fjármögnunarlíkani ríkis og sveitarfélaga fyrir stafrænar lausnir í málefnum barna. Stefnt er að því að meginmarkmið framtíðarsýnarinnar verði komin til framkvæmda fyrir lok árs 2028.

Stýrihópur mennta- og barnamálaráðuneytisins og Sambands íslenskra sveitarfélaga um samhæfða stafræna innviði í þágu farsældar barna hefur lokið störfum. Hópurinn vann að sameiginlegri framtíðarsýn ráðuneytisins og Sambandsins um öflun og nýtingu gagna og stafræna þróun hins opinbera í málefnum barna. Framtíðarsýnin er unnin í tengslum við samkomulag ráðuneytisins og Sambandsins sem undirritað var 23. september 2025.

Framtíðarsýn um samhæfða stafræna innviði í þágu farsældar

Elín Dögg Väljaots Gunnarsdóttir frá Skagafirði er vinningshafi happdrættisins og fær sent gjafabréf frá DineOut. Við óskum Elínu Dögg innilega til hamingju og þökkum fyrir þátttöku í happdrættinu.

Þetta var í fyrsta sinn sem happdrætti var á fjármálaráðstefnu sveitarfélaga og um 80 ráðstefnugestir tóku þátt í ár.

Elín Dögg er vinningshafi í happdrættinu

Gestum Fjármálaráðstefnu sveitarfélaga stóð til boða að taka þátt í happdrætti sem í fólst að taka samtalið við nokkra af kynningarbásunum á staðnum. Þátttakendur heimsóttu kynningarbása, fengu klippu í nafnspjaldið sitt og gátu að því loknu skilað því í pott sem dregið var úr.

Leitarniðurstöður

Dregið í happdrætti Fjármálaráðstefnunnar 2026

Elín Dögg er vinningshafi í happdrættinu

Leitarniðurstöður

Dreg­ið í happ­drætti Fjár­mála­ráð­stefn­unn­ar 2026

Elín Dögg er vinningshafi í happdrættinu

Dregið í happdrætti Fjármálaráðstefnunnar 2026